6/27/2022
Today from Hiiraan Online:  _
Wararka Maanta- Axad, Apr 17, 2022
Xisbiga Waddani: Madaxweyhuhu raaligalin haka bixiyo hadalka taliye Dabagale
 

Axad, April, 17, 2022 (HOL) -  Xisbiga Waddani ayaa hanjabaadii uu xildhibaan Maxamed Abiib sheegay in uu kala kulmay taliyaha booliiska Somaliland, ku tilmaamay meel ka dhac, isagoo madaxweynaha ugu baaqay in uu raaligalin ka bixiyo.

Xogeeyaha Arrimaha Guddaha ee Xisbiga Waddani Maxamed Faarax Cabdi, ayaa hadalka taliyaha booliiska ku tilmaamay gaf iyo foolxumo, isaga oo sheegay in ay nusqaan wayn ku tahay Somaliland.

"Shalay naxdiin wayn ayaa dhacday, ninkii hadlayay ee xildhibaan Maxamed Abiib, xildhibaan qaran weeyi, waa nin qaranka uga masuula sharci dajinta, waa nin shacab ay soo doorteen...marka uu xildhibaankii masuulkii booliska ugu sareeyay uu kaga cowdo in uu yahay cadowga Somaliland, runtii arrinkaasi nusqaan wayn, foolxumo wayn, ayay dalka ku noqotay" ayuu yidhi Maxamed.

Xogeeyaha ayaa sheegay in hadalka la sheegay in taliyuhu yidhi uu gaf ku yahay umada Somaliland "Eraygaasi kumuu dhicin Maxamed Abiib oo kali ah, marka hore shacabka Somaliland oo dhan ayuu ku wada dhacay, marka labaadna wuxuu ku dhacay gobolka Awdal iyo shacabkii soo doortay xildhibaan Maxamed Abiib".

Xogeeyaha ayaa madaxweynaha usoo jeediyay in uu raaligalin ka bixiyo hadalka taliyaha "Shacabka reer Awdal waxay uga fadhiyaan madaxweynaha taliyihii usoo magacaabay gafka uu kula kacay xildhibaan koodii in uu raali galin buuxda ka siiyo".

Xildhibaan Maxamed Abiib oo laga soo doorto gobolka Awdal, ayaa Sabtidii sheegay in Taliyaha Ciidanka Booliiska Somaliland Maxamed Aadan Saqadhi Dabagale, uu ugu hanjabay in uu waxyeelayn doono, isla markaana uu ku tilmaamay cadowga Somaliland.



Abdilahi Geel-maal, Hiiraan Online












Click here
4/17/2022 12:45 PM EST
Axad, April, 17, 2022 (HOL) - Xisbiga talada Somaliland haya ee Kulmiye, ayaa qaar kamid ah xildhibaannada golaha wakiilada ugu jira xisbiga Waddani ku eedeeyay in ay caadaysteen, wax ka sheega iyo u gacan qaadka ciidanka.

4/17/2022 6:38 AM EST
Axad, April, 17, 2022 (HOL) - Guddiga qaban qaabada doorashada guddoonka Golaha Shacabka Baarlamaanka Fedaraalka Soomaaliya oo maanta kulan ku yeeshay magaalada Muqdisho ayaa iska dhex doortay guddoomiyaha iyo xoghayaha guddiga.

4/17/2022 6:06 AM EST
Axad, April, 17, 2022 (HOL) - Wasiirka Amniga Soomaaliya Cabdullaahi Maxamed Nuur ayaa booqasho ku tagay Jaamacadda Naif Carab ee Culuumta Amniga ee magaalada Riyadh ee dalka Sacuudiga.

4/17/2022 5:14 AM EST
Axad, April, 17, 2022 (HOL) - Wafdi uu hoggaaminayo Guddoomiyaha Guddiga Doorashooyinka Heer Federaal ee FEIT Muuse Geelle ayaa maanta soo gaaray Magaalada Kismaayo ee xarunta kumeel gaarka ah ee Jubbaland.

4/17/2022 4:10 AM EST
Axad, April, 17, 2022 (HOL) - Warar dheeraad ah ayaa kasoo baxaya qarax xoogan oo goordhaw ka dhacay duuleedka Magaalada Jowhar ee xarunta gobolka Sh/dhexe, kaasoo geystay khasaare isugu jira dhimasho iyo dhaawac.

4/17/2022 1:48 AM EST
Axad, April, 17, 2022 (HOL) - Kooxo hubeysan ayaa Xalay magaalada Muqdisho waxay ku dileen Allah u naxariiste Nabadoon Yuusuf Daahir Kheyre oo ka mid ahaa Nabadoonada caanka ka ahaa magaalada Muqdisho.

4/17/2022 1:28 AM EST
Axad, April, 17, 2022 (HOL) - Guddoomiyaha gobolka Gedo, Axmed Buule, ayaa sheegay inay Garbahaareey ku qabanayaan doorashada 16 ka kursi ee aqalka hoose, isagoo beeniyay inay jirto haba yaraatee wax nabad galyo darro ah oo caqabad ku ah doorashada.