6/27/2022
Today from Hiiraan Online:  _
Wararka Maanta- Axad, Apr 17, 2022
Faahfaahino kasoo baxaya Nabadoon Xalay lagu dilay magaalada Muqdisho
 

Axad, April, 17, 2022 (HOL) - Kooxo hubeysan ayaa Xalay magaalada Muqdisho waxay ku dileen Allah u naxariiste Nabadoon Yuusuf Daahir Kheyre oo ka mid ahaa Nabadoonada caanka ka ahaa magaalada Muqdisho.

Allah u naxariiste Nabdoonka ayaa ku geeriyooday Isbitaalka Erdogan ama Digfeer oo markii hore lagu geeyay dhaawac culus oo kasoo gaaray rasaastii ay la dhaceen dableyda hubeysneyd, taasoo sababtay inuu markii dambe u geeriyoodo.

Dableyda hubeysneyd ayaa Nabadoonka dhowr xabadood kaga dhufatay qeybaha sare ee jirkiisa, xili uu ku sugnaa xaafada NBC degmada Hodan ee magaalada Muqdisho, waxaana si deg deg ah goobtii ugu baxsatay kooxdii dilka u geysatay nabadoonka.

Dilka kadib waxaa goobta gaaray ciidamo ka tirsan dowladda Soomaaliya oo halkaasi howlgalo ka sameeyay, walow aysan jirin cid ay usoo qabteen dilka loo geystay marxuum Yuusuf Daahir.

Lama oga cida ka dambeysay dilka Nabadoonka, hayeeshee waxaa la sheegay inuu nabadoonka ka mid ahaa ergadii dhawaan wax kasoo xushay Xildhibaanada cusub ee Baarlamaanka 11-aad ee dalka, kuwaas oo ay horay u sheegeen dagaalamayaasha Al-shabaab in xukunkooda uu yahay dil, xili ay ku hadalayeen arrimaha doorashada.

Jamaal Cali Cabdi, Hiiraan Online














Click here
4/17/2022 12:45 PM EST
Axad, April, 17, 2022 (HOL) - Xisbiga talada Somaliland haya ee Kulmiye, ayaa qaar kamid ah xildhibaannada golaha wakiilada ugu jira xisbiga Waddani ku eedeeyay in ay caadaysteen, wax ka sheega iyo u gacan qaadka ciidanka.

4/17/2022 6:38 AM EST
Axad, April, 17, 2022 (HOL) - Guddiga qaban qaabada doorashada guddoonka Golaha Shacabka Baarlamaanka Fedaraalka Soomaaliya oo maanta kulan ku yeeshay magaalada Muqdisho ayaa iska dhex doortay guddoomiyaha iyo xoghayaha guddiga.

4/17/2022 6:35 AM EST
Axad, April, 17, 2022 (HOL) - Xisbiga Waddani ayaa hanjabaadii uu xildhibaan Maxamed Abiib sheegay in uu kala kulmay taliyaha booliiska Somaliland, ku tilmaamay meel ka dhac, isagoo madaxweynaha ugu baaqay in uu raaligalin ka bixiyo.

4/17/2022 6:06 AM EST
Axad, April, 17, 2022 (HOL) - Wasiirka Amniga Soomaaliya Cabdullaahi Maxamed Nuur ayaa booqasho ku tagay Jaamacadda Naif Carab ee Culuumta Amniga ee magaalada Riyadh ee dalka Sacuudiga.

4/17/2022 5:14 AM EST
Axad, April, 17, 2022 (HOL) - Wafdi uu hoggaaminayo Guddoomiyaha Guddiga Doorashooyinka Heer Federaal ee FEIT Muuse Geelle ayaa maanta soo gaaray Magaalada Kismaayo ee xarunta kumeel gaarka ah ee Jubbaland.

4/17/2022 4:10 AM EST
Axad, April, 17, 2022 (HOL) - Warar dheeraad ah ayaa kasoo baxaya qarax xoogan oo goordhaw ka dhacay duuleedka Magaalada Jowhar ee xarunta gobolka Sh/dhexe, kaasoo geystay khasaare isugu jira dhimasho iyo dhaawac.

4/17/2022 1:28 AM EST
Axad, April, 17, 2022 (HOL) - Guddoomiyaha gobolka Gedo, Axmed Buule, ayaa sheegay inay Garbahaareey ku qabanayaan doorashada 16 ka kursi ee aqalka hoose, isagoo beeniyay inay jirto haba yaraatee wax nabad galyo darro ah oo caqabad ku ah doorashada.