Hiiraan Online
11/27/2024
Today from Hiiraan Online:
Home
Somali Map
Sports
Opinion
RSS
Somali Music
Contact Us
Facebook
Twitter
Google Plus
Wararka Maanta- Axad, Apr 10, 2022
Fahad Yaasiiin oo maxkamadda sare u gudbiyay cabasho ka dhan ah in kursigiisa doorasho dib loogu celiyo
Axad, April, 10, 2022 (HOL) - Taliyihii hore ee hay’adda nabad sugida Soomaaliya ahna la taliyaha amniga ee madaxweyne Farmaajo, Fahad Yaasiin Xaaji Daahir, ayaa maxkamadda sare ee dalka u gudbiyay cabasho ah ka dhan ah go’aankii guddiga doorashada ee ku saabsanaa in dib loogu noqdo doorashada kursiga uu ku guulaystay 20 febraayo.
Qareenka u doodaya Fahad Yaasiin, oo lagu magacaabo Sakariye Maxamuud Ismaaciil ayaa sharci darro ku tilmaamay go’aanka lagu hakiyay kursiga HOP086. Wuxuu waxba kama jiraan ku tilmaamay in wax dacwad ah lagasoo gudbiyay kursigaas.
Dhinaca kale, maxkmadda sare ee dalka oo kasoo jawaab celisay cabashadan, ayaa waxay garyaqaanka guud ee dowladda fartay inuu cabashadan kagasoo jawaabo muddo labo cishe gudaheed ah.