3/29/2024
Today from Hiiraan Online:  _
Wararka Maanta- Sabti, Sept 11, 2021
Wararkii ugu dambeeyay dadaalo lagu heshiisiinaayo Rooble iyo Farmaajo oo ay Muqdisho ka wadaan Qoorqoor iyo Laftagareen
 

Sabti, September, 11, 2021 (HOL) - Warar lagu kalsoonaan karo oo soo baxaya ayaa sheegaya iney socdaan kulamo lagu doonayo in lagu dhex dhexaadiyo madaxweyne Farmaajo iyo Raysal wasaare Rooble.

Madaxweynayaasha maamul goboleedyada Galmudug iyo Koofur Galbeed ayaa la sheegaya iney wadaan kulamada la doonayo in labada dhinac lagu heshiisiiyo ay ka wadaan magaalada Muqdisho.

Saacadahii lasoo dhaafay ayaa si weyn looga dhex dareemayay gudaha madaxtooyada Soomaaliya dadaalada xoogan ee labada madaxweyne ay ku doonayaan iney ku dhameeyaan khilaafka culus ee ka dhex jira labada masuul ee ugu sareysa dalka, kuwaas oo uu khilaafkooda ka dhashay arrinta Ikraan Tahliil ee xilka qaadista ku sababsaday taliyahii NISA Fahad Yaasiin.

Ilo xog ogaal ah ayaa Shabakadda HOL u sheegay in Xalay kulan saacado badan qaatay uu dhexmaray Raysal wasaare Rooble iyo labada madaxweyne Axmed Cabdi Kaariye Qoorqoor iyo Cabdicasiis Laftagareen, kaasoo looga hadlaayay sidii xal waara looga gaari lahaa khilaafka culus ee xiligaan u dhaxeeya Rooble iyo Farmaajo.

Madaxweynayaasha Galmudug iyo Koofur Galbeed ayaa sidoo kale la sheegay in kulanka Rooble kadib ay kulan kale la qaateen madaxweyne Farmaajo oo ay sidoo kale kala hadleen xal u helida khilaafka xoogeystay ee kala dhaxeeya Raysal wasaarahiisa.

Wararkii ugu dambeeyay ayaa sheegaya in madaxweynayaasha maanta qorshahoodu yahay in labada dhinac isa soo horfariisin doonaan, inkastoo warar hoose ay sheegayan in wali labada dhinacba ay ku kala adkeysanayaan mowqifkooda ku aadan waxyaabahii keenay in khilaafkooda cirka isku shareero, taasoo mugdi sii galin karta in natiijo wanaagsan kasoo baxo kulanka lagu wado in lagu heshiisiiyo labada dhinac.

Jamaal Cali Cabdi, Hiiraan Online
[email protected]












Click here
9/11/2021 3:45 PM EST
Sabti, September, 11, 2021 (HOL) - Guddoomiyaha xisbiga UCID ee gobolka Awdal Cabdirashiid Ibraahin Isaaq, ayaa cambaareyay xadhiga qaar kamid ah isuduwayaasha gobolka, oo uu sheegay in badhasaabka gobolku uu xabsiga dhigay kadib markii ay ka habsameen shir lagu qaban qaabinayay soo dhawaynta madaxweyne Biixi oo gobolka ku wajahan.

9/11/2021 3:13 PM EST
Sabti, September, 11, 2021 (HOL) - Dr. Tahliil Faarax oo ah Aabaha dhalay Ikraan Tahliil Faarax, ayaa wax aan la aqbali karin ku tilmaamay in dilka gabadhiisa loo saariyo kooxda Alshabaab, wuxuuna sheegay in gabadhiisa ay ku maqan tahay gacanta NISA.

9/11/2021 2:05 PM EST
Sabti, September, 11, 2021 (HOL) - Dabley aan haybtooda la aqoonsan ayaa rasaas ku diley Cabdirisaaq Axmed Cilmi "Cabdirisaaq Cardoofe" oo ka mid ahaa xildhibaanada golaha degaanka Degmada Laascaanood ee dhowaanta la doortay.

9/11/2021 9:16 AM EST
Sabti, September, 11, 2021 (HOL) - Madaxweynaha Somaliland Muuse Biixi Cabdi, ayaa xilka qaadis, isku badal iyo magacaabis ku sameeyay qaar kamid ah badhasaabada gobolada Somaliland iyo hay'adaha qaar kood.

9/11/2021 9:07 AM EST
Sabti, September, 11, 2021 (HOL) - Wasiirka arrimaha gudaha Somaliland Maxamed Kaahin Axmed ayaa wax laga xumaado ku tilmamay in xisbiga Waddani wasiir Koore ku tilmaamo shakhsi Somaliland ku jooga guno, wasiirka ayaa sidoo kale ka jawabay waraysi uu bixiyay guddoomiyaha wakiilada Somaliland mudo kahor.

9/11/2021 8:16 AM EST
Sabti, September, 11, 2021 (HOL) - Madaxweynayaasha Galmudug iyo Koonfur Galbeed Axmed Qoor-qoor iyo Cabdicasiis lafta-gareen ayaa ku guulaystay in ay wadahadal iskugu keenaan Madaxweyne Farmaajo iyo Ra'iisulwasaare Rooble oo uu ka dhex taagan yahay khilaaf ka dhashay Kiiska Ikraan Tahliil Faarax.

9/11/2021 7:31 AM EST
Sabti, September, 11, 2021 (HOL) - Wafdi katirsan booliiska dowladda federalka Soomaaliya iyo kuwa AMISOM ayaa kormeer ku tagay magaalada Garbahaareey ee gobolka Gedo oo kamid ah magaalooyinka lagu qabanayo doorashooyinka aqalka hoose.

9/11/2021 6:38 AM EST
Sabti, September, 11, 2021 (HOL) - Wasiirka Warfaafinta Somaliland Saleebaan Yuusuf Cali Koore, ayaa xisbiga Waddani ku eedeeyay in uu gaf ka galay dadka daga bariga Somaliland kadib markii xogeeyaha guud ee xisbigaasi sheegay in wasiir Koore uu Somaliland kula joogo gunno ama laaluush.

9/11/2021 1:37 AM EST
Sabti, September, 11, 2021 (HOL) - Cabdiwahaab Sheekh Cabdisamad, oo ah aqoonyahan Soomaaliyeed oo caan ka ah Kenya, kana faallooda arrimaha siyaasadda ee Bariga/Geeska Afrika ayaa laga afduubay bartamaha Nairobi, Kenya 8 -dii Sep 2021.

9/11/2021 1:29 AM EST
Sabti, September, 11, 2021 (HOL) - Wararka ka imaanaya deegaanka Goola Goole oo dhinaca Waqooyi kaga beegan degmada Guriceel ee gobolka Galgaduud 75-KM ayaa sheegaya in halkaasi sadax ruux ay ku geeriyoodeen kadib markuu kusoo dumay Ceel biyood ay qodayeen.