11/29/2021
Today from Hiiraan Online:  _
Wararka Maanta- Axad, Oct 10, 2021
Wafdi ka socda dowladda Soomaaliya oo goobjoog u noqonaya xukunka dacwada Badda oo gaaray magaalada Hague
 

Axad, October, 10, 2021 (HOL) - Wafdi uu hogaaminaayo Raysal wasaare ku xigeenka Xukuumadda Soomaaliya Mahdi Maxamed Guuleed ayaa gaaray magaalada Hague ee dalka Holand.

Ujeedada wafdiga ayaa lagu sheegay iney goobjoog ka noqonayaan go'aanka Maxkamada Cadaaladda Aduunka ee loo yaqaano ICJ oo 12-ka bishan Oktoobar ku dhawaaqi doonta xukunka dacwada badda Soomaaliya ee ay murumka galisay dowladda Kenya.

"Waxaan aniga iyo wefdi aan hoggaaminayaa soo gaarnay magaalada Hague, si aaan goobjoog uga noqonno go’aanka Maxkamadda Caddaaladda Adduunka ee ICJ oo 12-ka bishan October ku dhawaaqi doonta xukunka dacwadda badda ee Soomaaliya iyo Kenya" ayuu yiri Raysal wasaare ku xigeenka Soomaaliya Mahdi Guuleed.

Xubnaha wafdiga ka socda dowladda Soomaaliya ee gaaray magaalada Hague ayaa kala ah, Xeer ilaaliyaha Qaranka Soomaaliya, Guddoomiyaha Baarlamaanka Koonfur Galbeed Cali Saciid Fiqi, Xeer ilaaliyihii hore ee Qaranka Axmed Cali Daahir, Danjire Yuusuf Garaad Cumar  oo ah Ergayga Gaarka ah ee Geeska Afrika, Badda Cas iyo Gacanka Cadmeed iyo Xubno kale.

Xukunka ay ku dhawaaqi doonto Maxkamada ICJ ayaa waxaa il gaar ah kuwada eegaya Shacabka Soomaaliyeed iyo Madaxda Dowladda Soomaaliya, iyada oo xusid mudan tahay in dowladda Kenya ay sheegtay in aysan u hoggaansami doonin go’aanka kasoo baxa Maxkamadda ICJ.

Jamaal Cali Cabdi, Hiiraan Online
[email protected]












Click here
10/10/2021 6:43 PM EST
Axad, October, 10, 2021 (HOL) - Khatarta sii kordhaysa ee caabuqa Covid19 darteed, xukuumada Somaliland ayaa bulshada ku amartay in ay xidhaan afsaab, kala fogaadaan, isticmaalaan jeermis dilayaasha, qaataan tallaalka, isla markaana, anay ka qayb gali karin aaska (duugta) qof u dhintay caabuqa.

10/10/2021 1:32 PM EST
Axad, October, 10, 2021 (HOL) - Wasiirkii hore ee amniga Galmudug, Axmed Macalin Fiqi oo shir jiraa'id ku qabtay Muqdisho, ayaa ka digay colaad aan la mahadin doonin oo uu tilmaamay inuu Galmudug ka abaabulayo madaxweyne Qoor-qoor.

10/10/2021 1:24 PM EST
Axad, October, 10, 2021 (HOL) - Guddoomiye ku xigeenka gobolka Sanaag Maxamed Khaliif Nuur, ayaa ku amray dadka aan Somaliland u dhalan ee ku dhaqan gobolka Sanaag, in ay gobolka kaga baxaan mudo 14 cisho ah.

10/10/2021 8:28 AM EST
Axad, October, 10, 2021 (HOL) - Waxaa maanta magaalada Baledweyne soo gaaray wafdi uu hoggaaminaayo guddoomiye ku xigeenka guddiga doorashooyinka heer Fedaraal Mowliid Mataan, kuwaas oo soo dhaweyn loogu sameeyay garoonka diyaaradaha Ugaas Khaliif ee magaalada Baledweyne.

10/10/2021 2:37 AM EST
Axad, October, 10, 2021 (HOL) - Burcad hubeysan oo Koofur Afrikaan ah ayaa xalay magaalada East London ee dalkaasi Koofur Afrika waxay ku dileen muwaadin Soomaaliyeed oo ka mid ahaa waxgaradka sida weyn uga dhex muuqday Jaaliyada Soomaaliyeed ee dalkaasi.

10/10/2021 2:18 AM EST
Axad, October, 10, 2021 (HOL) - Qaali Maxamuud Guhaad oo ah Hooyada dhashay Ikraan Tahliil Faarax ayaa markale ku celisay in cadaalada kiiska gabadheeda uu hortaagan yahay madaxweyne Maxamed Cabdullaahi Farmaajo.

10/10/2021 2:05 AM EST
Axad, October, 10, 2021 (HOL) - Raysal wasaaraha Soomaaliya, Maxamed Xuseen Rooble oo la kulmay qoyska Ikraan Tahliil Faarax, ayaa mar kale ku celiyay in ay ka go’an tahay in uusan wax gorgortan ka galeynin kiiska Ikraan ayna ka go'an tahay in ay caddaalad ay hesho maalin uun ha dhawaato ama ha dheeraato.

10/10/2021 1:45 AM EST
Axad, October, 10, 2021 (HOL) - Xildhibaan Aamina Maxamed Cabdi oo katirsan barlamaanka dowladda federalka Soomaaliya ee waqtigiisu dhamaaday, ayaa ku eedeysay hay’adda NISA in ay baabi’isay dhammaan caddeymihii suurtoo galin lahaa in wax laga ogaado cidda ku lug lahayd kiiska Ikraan Tahliil.

10/10/2021 1:32 AM EST
Axad, October, 10, 2021 (HOL) - Dawlad Degaanka loogu magac daray Dawlad Degaanka Koonfur Galbeed Itoobiya ayaa la filayaa in dhawaan lagaga dhawaaqo Itoobiya.