10/21/2021
Today from Hiiraan Online:  _
Wararka Maanta- Sabti, Jun 14, 2021
Askari ciidamada Puntland katirsanaan jiray oo Alshabaab kasoo goostay oo lasoo bandhigay
 

Isniin, Juun, 14, 2021 (HOL) - Ciidanka nabad sugida Puntland ayaa soo bandhigay askari horey uga tirsanaa ciidanka Puntland oo kasoo goostay kooxda Alshabaab sida uu lagu sheegay wareysi muuqaal ah oo laga duubay askarigan.

Jamaal Cali Cusmaan oo sida uu sheegay ahaa askari tababar ku qaatay xerada Abqaale oo ku taala gobolka Mudug, ayaa sheegay ka hor inta uusan kasoo goosan kooxda Alshabaab in uu soo dilay sarkaal Alshabaab u qaabilsanaa qaraxyada iyo askari kale oo ilaaladiisa ahaa.

Wuxuu tilmaamay inuu Alshabaab ugu biiray si uu naftiisa u badbaadiyo, wuxuuna xusay inuu ku sugnaa gobolka Jubbada hoose halkaas u aaday arrimo shaqo ka hor inta aan la afduubin oo lagu qasbin inuu kamid noqdo ururka Alshabaab, sida uu sheegay.

Jamaal Cali Cusmaan wuxuu sheegay in tababaro la siiyay kadibna loosoo wareejiyay dhinaca buuraha Galgala, halkaas oo uu uga qeyb qaatay weeraro ka dhan ah ciidamada Puntland ee sugan Galgala.

Wuxuu sheegay inuu lasoo goostay hub iyo saddex qori oo labo kamid ah uu kasoo furtay Shabaabkii uu dilay, kadibna uu iskusoo dhiibay ciidamada Puntland ee ku sugan tuulada Af-urur ee gobolka Bari.

Abdiweli M. Sheikh, Hiiraan Online












Click here
6/14/2021 11:25 AM EST
Isniin, Juun, 14, 2021 (HOL) - Kenya iyo Soomaaliya waxay dib ugu soo laabteen dhabbihii dib loogu soo celin lahaa xiriirkii diblomaasiyadeed ka dib khilaaf daba dheeraaday oo labada dal ka dhaxeeyay tan iyo sanadkii hore.

6/14/2021 10:48 AM EST
Isniin, Juun, 14, 2021 (HOL) - Maxkamadda sare ee ciidamada qalabka sida Puntland ayaa maanta dil toogasho ah ku xukuntey 17 nin oo ka tirsan ururka Alshabaab. Halka mid 18-aad oo lagu magacaabo Cabdirisaaq Axmed Buraale lagu xukumey Xabsi daa’in, sida lagu xusay go'aan maxkamadda kasoo baxay.

6/14/2021 7:55 AM EST
Isniin, Juun, 14, 2021 (HOL) - Howlgalo qorsheysan oo ka dhan ah Ururka Al-shabaab ayay ciidamada Xoogga dalka ka sameeyeen deegaano ka tirsan gobolka Jubbada Hoose, gaar ahaan deeganada ku yaala Galbeedka Magaalada Kismaayo.

6/14/2021 6:12 AM EST
Isniin, Juun, 14, 2021 (HOL) - Warar dheeraad ah ayaa kasoo baxaya dagaal xoogan oo xalay saqdii dhexe ka dhacay deegaanka Hoosingoow ee gobolka Jubbada Hoose.

6/14/2021 1:34 AM EST
Isniin, Juun, 14, 2021 (HOL) - Taliska Booliiska Soomaaliya ayaa faahfaahin ka bixiyay howlgalo aay sheegeen in ciidamada amaanka ka sameeyeen magaalada Muqdisho lagu soo qabqabtay dad kala duwan.

6/14/2021 1:22 AM EST
Isniin, Juun, 14, 2021 (HOL) - Golaha Midowga Musharaxiinta madaxweynaha Soomaaliya ayaa bayaan kasoo saaray guddigii maalin ka hor uu magacaabay Raysal wasaataha Soomaaliya Maxamed Xuseen Rooble iney baaritaano kusoo sameeyaan xaalada aay ku sugan yihiin ciidankii tababarka loogu qaaday dalka Eriteria, kuwaas oo la sheegay in laga qeyb galiyay dagaalo ka dhacay gudaha dalka Itoobiya.