10/18/2021
Today from Hiiraan Online:  _
Wararka Maanta- Isniin, July 5 , 2021
Puntland oo bilowday wajigii labaad maxkamadaynta xubno katirsan ururka Alshabaab oo koonfurta Gaalkacyo ka howgali jiray
 

Isniin, Luulyo, 5, 2021 (HOL) - Maxkamada ciidamada qalabka sida ee maamulka Puntland ayaa bilowday dhegaysiga maxkamadaynta 7 nin oo dhalinyaro oo lagu eedeeyay in ay yihiin shabakad katirsan Alshabaab oo ka howlgali jiray koonfurta magaalada Gaalkacyo ee Galmudug.

Maxkamada ciidamada Puntland, ayaa soo bandhigtay caddeymo maqal iyo muuqaal oo ay eedeesanayaashu ku qiranayaan in ay ka dambeeyaan dilal madax jebis ah iyo qaraxyo intooda badan ka dhacay Gaalkacyo dhinaceeda koonfureed ee Galmudug.

Dilalka ay qirteen qeybtood waxaa kamid ah, dilkii labadii july ee sanadkii 2019 loo geystay taliyihii saldhigga Gaalkacyo ee dhinaca Galmudug, Cawil Nuur Roobe ( Cawil Tubaako), oo u geeriyooday qarax gaarigiisa loogu xiray, dilkii 14 june 2019 loo geystay Cali Tahliil Cadceed (Cali Dhiif), sarkaal katirsanaa NISA, dilkii kowdii june 2019 loo geystay, Maxamed Cabdi Khayre (Fiimto) oo ahaa sarkaal katirsanaa hay’addaha Qaramada Midoobay.

Eedeeysanayaasha waxaa ku jiray qaar kaloo qirtay in ay wax ka abaabuleen qaraxii taliyihii hore ee ciidanka lugta Soomaaliya, gaashaanle sare Cabdixamiid Maxamed Dirir iyo weerarkii lagu qaaday xaruntii Sheikh Cabdiweli Cilmi Cali Afyare.

Waa dhegaysigii labaad oo maxkamada ciidamada Puntland u fariisto eedeeysanayaal katirsan Alshabab, kuwaas oo howlgalada ugu badan ka fulin jiray koonfurta magaalada Gaalkacyo.

Dhawaan ayay ahayd markii Puntland ay xukun dil ah ku fulisay 18 nin oo katirsanaa kooxda Alshabaab, kuwaas oo tan iyo sanadkii 2008 masuul ka ahaa qaraxyadii iyo dilalkii lagu laayay haldoorkii Puntland, sida uu sheegay maamulka Puntland.

Akhriso magacyada eedeesanayaasha;-

Cabdiqadar Cabdulle Xasan (Muruq)

Maxamed Cabdullaahi Xuseen

Liibaan Ciise  Cali    (Madax kariye)

Nuur Xuseen Cabdiqaadir (Manuur)

Maxamed Sharafle Maxamuud (Culusow)

Axmed Cali Axmed

Xasan Isaaq Maxamed


Abdiweli M. Sheikh, Hiiraan Online












Click here
7/5/2021 2:56 PM EST
Isniin, Luulyo, 5, 2021 (HOL) - Ciidamada ilaallada jaamacada Camuud ee magaalada Boorama, ayaa wiil dhalinyaro ah oo arday ah toogtay.

7/5/2021 1:51 PM EST
Isniin, Luulyo, 5, 2021 (HOL) - Beesha caalamka ayaa soo saartay warsaxaafadeed ay kusoo dhoweynayso natiijada kasoo baxday shirkii Golaha Wadatashiga Qaranka ee Muqdisho ka dhacay 29-kii Juunyo, ee laga soo saaray go’aano ka mid yihiin jadwal cusub oo doorasho.

7/5/2021 12:08 PM EST
Isniin, Luulyo, 5, 2021 (HOL) - Puntland ayaa kasoo horjeesatay in hay’adda batroolka Soomaaliya ee Somali Petroleum Authority”, ay gasho heshiisyo caalami ah oo ku saabsan arrimaha shati bixinta shidaalka Soomaaliya.

7/5/2021 8:49 AM EST
Isniin, Luulyo, 5, 2021 (HOL) - Waxaa maanta magaalada Muqdisho lagu doortay guddoomiyaha iyo guddoomiye ku xigeenka maamulka Koofur Galbeed Soomaaliya.

7/5/2021 5:11 AM EST
Isniin, Luulyo, 5, 2021 (HOL) - Koomiishanka xuquuqal insaanka Somaliland, ayaa ku baaqay in si dhakhso ah looso gaba gabeeyo dacwada 8 hablood oo Berbera ugu xidhan in ay calanka Soomaaliya ku labisteen.

7/5/2021 4:34 AM EST
Isniin, Luulyo, 5, 2021 (HOL) - Ganacsade Soomaali ah oo lagu magacaabo Cabdullaahi Bootaan Saruurow, ayaa Meydkiisa laga helay meel aan ka fogeeyn Magaalada Brits ee Gobalka North West, ee dalka Koonfur Afrika sida ay Booliska gobalka xaqiijiyeen.

7/5/2021 2:19 AM EST
Isniin, Luulyo, 5, 2021 (HOL) - Xukuumadda Fedaraalka Soomaaliya ayaa ka hadashay xiisad dagaal oo ka taagan magaalada Baledweyne ee xarunta gobolka Hiiraan, kadib dagaal halkaasi ku dhexmaray ciidamada dowladda Soomaaliya iyo kuwa Hirshabeelle oo dhinac ah iyo ciidamada labaxay golaha Kacdoonka Hiiraan.

7/5/2021 2:14 AM EST
Isniin, Luulyo, 5, 2021 (HOL) - Ciidamada dowladda Soomaaliya ayaa xalay deegaanka Darusalaam oo ka mid ah deegnada hoostaga degmada Cadale ee gobolka Sh/dhexe ka sameeyay howlgal ka dhan Al-shabaab oo la sheegay in lagu dilay sarkaal ka tirsanaa Shabaab.

7/5/2021 1:11 AM EST
Isniin, Luulyo, 5, 2021 (HOL)- 2 caruura ayaa ku nafwayay kadib markii uu dab ka kacay guri kuyaala xaafada laynka booliiska, ee magaalada Hargaysa.