9/26/2021
Today from Hiiraan Online:  _
Wararka Maanta- Arbaco, July 21, 2021
Gabadh 13 jir ah oo u geeriyootay gudniinka Fircooniga ah oo lagu sameeyay
 

Arbaco, Luulyo, 21, 2021 (HOL) - Gabar 13 jir ah ayaa oo ku noolayd tuulada Jeerinle oo hoos tagta magaalada Gaalkacyo ayaa u geeriyootay dhiig bax kasoo gaaray markii lagu sameeyay gudniinka fircooniga ah, sida ay HOL u xaqiijiyeen qaar kamid ah ehelada qoyskeeda.

Geerida Fartuun Xasan Axmed oo reer guuraaga ah, oo dhacday horraantii bishan, ayaa qabsatay wakaaladdaha wararka. Waana kiiskii ugu horreeyay ee dhimashada gudniinka fircooniga gudaha Soomaaliya tan iyo sanadkii 2018, kadib geeridii Deeqa Daahir Nuur oo ahayd 10-jir.

“Waxaan raadinay gaari si aan u qaadno isbitaal, laakiin nooma uusan suuragalin inuu nasoo gaaro waqtigii loogu talagalay… Ma aanan ogeyn waxaan sameyn lahayn. Markii dambe waxaan helnay gaari, laakiin way dhimatay markii uu yimid, ”waxaa sidaasi yiri, Nadiifo oo ah hooyada Fartun.”

Hooyo Nadiifo waxay sheegtay in ay la joogtay gabadheeda iyadoo dhiig baxaysa subaxii hore, illaa ay ka dhimatay abbaaraha 4-ta galabnimo.

Aabaheed Xasan Axmed oo ah Ari jire ah islamarkaana naafo ka ah indhaha,  ayaa sheegay in gabadhiisu ay ahayd qof hawlkar ah oo caawin jirtay shaqada reerka.

“Wax walba way ii samayn jirtay… Way i caawin jirtay wayna ii karin jirtay cuntada, waxayna xanaanayn jirtay xoolaha markii aan nasanayo, ”ayuu yidhi. Waalidkeed waxay sheegeen inay ka qoomameynayaan go’aanka ay qaateen.

Soomaaliya, qiyaastii 98% ayaa lagu sameeyaa gudniinka fircooniga ah marka ay  gabdhuhu gaaraan inta badan 10 sano.

Abdiweli M. Sheikh, Hiiraan Online












Click here
7/21/2021 2:00 PM EST
Arbaco, Luulyo, 21, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa ka guddoomay Guddiga Dib u heshiisiinta Gobolka Gedo nuqulka warbixintii ay ka soo diyaariyeen Gobolka Gedo, isagoo adkeeyey muhiimadda ay leedahay in degdeg loo dhaqan geliyo dhammaan qodobbada ay soo saareen Guddigu.

7/21/2021 11:49 AM EST
Arbaco, Luulyo, 21, 2021 (HOL) - Taliyihii hore ee ciiddanka booliiska gobolka Banaadir Saadaq Cumar Xasan {Saadaq John}, ayaa kasoo muuqday jiiddaha dagaalka ciiddamada Galmudug iyo kuwa xoogga dalka kula jiraan kooxda Alshabaab.

7/21/2021 8:36 AM EST
Arbaco, Luulyo, 21, 2021 (HOL) - Guddiga hirgalinta doorashooyinka heer Dowlad Goboleed Puntland, ayaa maanta qalab ay kamid yihiin sanaadiiqda codbixinta kala wareegay xafiiska UNSOM ee Garowe.

7/21/2021 6:33 AM EST
Arbaco, Luulyo, 21, 2021 (HOL) - Hal qof ayaa ku nafwaayay shan kalena way ku dhaawacmeen shil baabuur oo ka dhacay degmada Xamaas oo ku taala jidka u dhexeeya Hargaysa iyo Berbera.

7/21/2021 5:31 AM EST
Arbaco, Luulyo, 21, 2021 (HOL) - Taliyaha guud ee ciidamada dalka Itoobiya Birhanu Jula oo la hadlaayay Wakaalada wararka ee dowladda dalka Itoobiya ayaa sheegay inuu sugayo amarka madaxda ka sareeysa, si markale ciidamada dowladda dagaal ugu qaadaan gobolka Tigraay ee Waqooyiga dalka Itoobiya.

7/21/2021 5:09 AM EST
Arbaco, Luulyo, 21, 2021 (HOL) - Milatariga Mareykanka ayaa Talaadadii shalay qaaday duqeyn cirka ah oo ka dhan ah mintidiinta Alshabaab waana duqeyntii ugu horreysay oo noocan oo kale ah oo uu Maraykanku ka fuliyo Soomaaliya tan iyo markii uu madaxweyne Joe Biden la wareegay xafiiska bishii Janaayo.

7/21/2021 4:47 AM EST
Arbaco, Luulyo, 21, 2021 (HOL) - Diyaarad siday dad rikaab ah oo goordhaw ku dhacday garoonka diyaaradaha magaalada Ceelwaaq ee gobolka Gedo, kaasoo la sheegay inuu muddooyinkii dambe ahaa midaan shaqeyneen.

7/21/2021 2:52 AM EST
Arbaco, Luulyo, 21, 2021 (HOL) - Dowladda Soomaaliya ayaa sheegtay in kooxda Alshabab duqayn lagula beegsaday deegaanada Galmudug ee haatan ay ka socdaan dagaalada u dhexeeya ciidamada Galmudug iyo kuwa xoogga dalka oo dhinac ah iyo kooxda Alshabaab.

7/21/2021 2:04 AM EST
Arbaco, Luulyo, 21, 2021 (HOL) - Hoggaamiyaha Al-shabaab Axmed Cumar Abuu Cubeyd ayaa fariin cod ah oo uu soo duubay kaga hadlay arrimaha doorashooyinka dalka Soomaaliya.