9/20/2021
Today from Hiiraan Online:  _
Wararka Maanta- Talaado, July 20, 2021
Soomaalida sharci la'aanta ku jooga Maraykanka oo la siiyay waqti dheeri ah
 

Talaado, Luulyo, 20, 2021 (HOL) - Dowladda Maraykanka ayaa shaacisay inay u kordhisay Soomaalida sharci la’aanta ku jooga dalka Maraykanka muddo 18 bilood ah, laga bilaabo Sebtember 18, 2021, illaa Maarso 17, 2023.

Dib u cusboonaysiintan  ayaa u oggolaan doonta muwaadiniinta Soomaaliyeed ee sida joogtada ah u degganaa Mareykanka tan iyo July 19, 2021 inay soo gudbiyaan codsiyadoodii hore.

Go'aanka loogu kordhiyay muwaaddiniinta Soomaaliyeed ayaa loo aaneeyay sababo la xiriira xaaladdaha amni ee Soomaaliya ay ku sugan tahay, arrimaha binu'aadinimada iyo cudurka COVID-19.

Soomaali badan ayaa sharci la’aan ku jooga dalka Maraykanka, kuwaas oo qeyb kamid ah xilligii madaxweyne Trump dib loogusoo celiyay Soomaaliya.

Go’aankan cusub waxaa  ka faa’idaysandoonaa illaa 100 Soomaali ah oo aan haysan sharciyada Maraykanka, kuwaas oo markii hore Maraykanka ku galay si qarsoodi ah.

Abdiweli M. Sheikh, Hiiraan Online












Click here
7/21/2021 12:47 AM EST
Talaado, Luulyo, 20, 2021 (HOL) - Iyadoo maanta dunida muslimka ah laga xusayo ciidda ciidul adxaha ayaa maanta waxaa si wayn looga ciiday magaalada Jigjiga ee Caasimadda degaanka Soomaalida.

7/20/2021 7:44 AM EST
Talaado, Luulyo, 20, 2021 (HOL) - Wasiirka ganacsiga Somaliland Maxamuud Sacad Saajin, oo ka hadlayay dhacdadii ay qaar kamida dhalinyarada reer Awdal calanka Soomaaliya kula soo baxeen 26 Juun, ayaa sheegay in anay jirin sabab dhalinyarada Awdal ugu riyaaqaan midow Soomaaliyeed.

7/20/2021 7:28 AM EST
Talaado, Luulyo, 20, 2021 (HOL) - Madaxweynaha Somaliland Muuse Biixi Cabdi, oo salaada Ciidal Odaxada shacabka kula tukaday Masjid Jaamaca Hargaysa, ayaa ka dayriyay mukhaadaraadka oo uu sheegay in uu Somaliland kuso badanayo.

7/20/2021 3:25 AM EST
Talaado, Luulyo, 20, 2021 (HOL) - Waxaa maanta oo talaado ah oo ku beegan maalinta koowaad ee Ciidda Carafo si weyn looga Ciiday wadamo badan oo ka mid ah Caalamka oo ay Soomaaliya ku jirto.

7/20/2021 3:14 AM EST
Talaado, Luulyo, 20, 2021 (HOL) - Madaxweynaha dowladda Federaalka Soomaaliya Maxamed Cabdullaahi Farmaajo ayaa hambalyo ku aaddan Munaasabadda Maalinta koowaad ee Ciidda Carafo u diray Shacabka Soomaaliyeed iyo dhamaan Muslimiinta Caalamka ee u dabbaal-degaya farxadda Ciidda Carafo.

7/20/2021 2:42 AM EST
Talaado, Luulyo, 20, 2021 (HOL) Afartan sanno ka hor, maanta oo kale (Luuliyo 20, 1981), Soomaaliya waxaa ka dhacay shil dayaaradeed kii ugu xumaa ee taariikhda, kaas oo sababay dhimasho ilaa 50 qofood, sagaal ka mid ah dadkii geeriyoodayna ay isku qoys ahaayeen.

7/20/2021 2:17 AM EST
Talaado, Luulyo, 20, 2021 (HOL) - Guddoomiyaha xisbiga UCID Faysal Cali Waraabe, ayaa madaxweynaha Somaliland Muuse Biixi Cabdi ka codsaday in wasiiradu ay faraha kala baxaan doorashada shirgudoonka wakiilada.