3/29/2024
Today from Hiiraan Online:  _
Wararka Maanta- Talaado, Feb 18, 2021
Somaliland: Guddoomiyaha baanka dhexe oo ka hadlay lacag been abuura oo suuqyada Somaliland soo gashay
 

Khamiis, Febraayo, 18, 2021 (HOL)- Guddoomiyaha baanka dhexe ee Somaliland Cali Jaamac Ibrahim (Baqdaadi) ayaa sheegay in isticmaalka lacagta 50 ka dollar laga joojiyay suuqyada Somaliland, kadib markii la’ogaaday in lacag badan oo been abuur ahi soo gashay suuqyada.

Guddoomiye Baqdaadi ayaa ka warbixiyay, calaamadaha lagu garan karo lacagta been abuur ka ah.

“Waxa lagu garanayaa 12 calamadood, oo ay kaga duwantahay lacagta caadiga ah, imika wuxun baan sii xusayaa 3 calamadood, noodhka foojariga ahi wuxuu soo baxay 2013, lacag badan ayaa sanadkaa soo baxday, lacagta sanadkaa soo baxdayna wada been abuur maaha, lakiin lacagta foojari ga ah oo dhami waxay soo baxday sanadkaa, waxa kale oo uu kaga duwanyahay lacagta caadiga ah, lambar kiisu waxa uu kawada bilaabmaa 427, astaanta kale ee muuqataa waxa weeyaan, B2 ayaa ku qoran”. Ayuu yidhi gudoomiye Baqdaadi.

Sidookale guddoomiyaha ayaa ka hadlay xaga ay lacagtani Somaliland kasoo gashay.

“lacagtani halkay ka timid, waxa lasheegaya, oo ilo xogogaalihi noo sheegayaan in ay Xamar ay ku soo horaysay, kolay doorashooyinkaa iyo waxaa ka socda, ayaa laga yaaba in ay la xidhiidho, dabeetana waxay soo martay dalka Itoobiya gudihiisa, markii danbena wajaale ayay soo gaadhay, wajalena way soo dhaaftay oo Hargaysa ayay soo gaadhay, lakiin ilaa 20 cisho ayay suuqa ku jirtay”. Ayuu hadalkiisa sii raaciyay guddoomiyuhu.

Guddoomiyaha ayaa bulshada Somaliland ugu baaqay in anay qaadan lacagta 50 ka dollar ah, ilaa inta sifiican loo kala saarayo, lacagta been abuur ka ah iyo ta caadiga ah.

Cabdilahi Cabdiraxman Sh. Maxamed, Hiiraan Online
[email protected] 












Click here
2/18/2021 6:27 PM EST
Khamiis, Feberaayo, 18, 2021 (HOL) - Madaxweynihii hore ee Soomaaliya Xasan Shiikh Maxamuud, ayaa goor dhowayd bartiisa Facebook kusoo qoray in ay Ciidanka dowladda weerar ku soo qaadeen hotel Maida oo ku sugan yahay isaga iyo madaxweynihii hore Sharif Shiikh Ahmed.

2/18/2021 5:22 PM EST
Khamiis, Feberaayo, 18, 2021 (HOL) - Xaaladda magaalada Muqdisho ayaa caawa laga dareemayaa kacsanaan ah, iyadoo ciidamo daacad u ah musharrixiinta iyo ciidamada dowladda isku hor fadhiyaan qeybo badan oo Muqdisho katirsan, taasoo shacabka walaac xoogan ku beertay.

2/18/2021 1:08 PM EST
Khamiis, Feberaayo, 18, 2021 (HOL) - Amaanka guud ahaan Taalada Daljirka Dahsoon ee lagu waddo in uu Berri ah ka dhaco mudaaharaadka ay iclaamiyeen mucaaradka dowladda ayaa waxaa la wareegay ciidamo ku hubeysan gaadiidka dagaalka oo uu horkacayo Gen Yuusuf Maxamed Siyaad Indhacade.

2/18/2021 11:14 AM EST
Khamiis, Feberaayo, 18, 2021 (HOL) - Midowga Musharixiinta iyo siyaasiyiinta mucaaradka ayaa galabta kormeeray taallada Daljirka Dahsoon oo lagu waddo in maalinta Berri ah uu ka dhaco dibadbaxa ay kol hore ku baaqeen mucaaradka

2/18/2021 10:01 AM EST
Khamiis, Feberaayo, 18, 2021 (HOL) - Wararka naga soo gaaraya degmada Matabaan ee gobolka Hiiraan ayaa sheegaya in halkaasi aay ka dhacday dhacdo la yaab badan oo aad looga hadal haayo Magaaladaasi.

2/18/2021 9:06 AM EST
Khamiis, Feberaayo, 18, 2021 (HOL) - Midowga yurub ayaa sheegay in laga fogaado ficilada iyo ereyada xanafta leh ee keeni kara rabshado ama qalalaase ka dhasha mudaharaadka midowga musharrixiinta mucaaradka ka sameynayaan Muqdisho jimcaha berrito ah.

2/18/2021 6:01 AM EST
Khamiis, Feberaayo, 18, 2021 (HOL) - Dowladda Maraykanka ayaa muwaadiniinteeda ku sugan gudaha Soomaaliya waxay ugu digtay inay ka fogaadaan banaanbaxyo la filayo inay maalinta berrito ah ka dhacaan magaalada Muqdisho.

2/18/2021 4:43 AM EST
Khamiis, Feberaayo, 18, 2021 (HOL) - Prof Cabdi Ismaaciil Samatar oo ka hadlay shir jaraa'id oo magaalada Muqdisho uu ku qabtay guddoomiyaha Aqalka Sare ayaa si gaar ah isku dul-taagay shirkii dhawaan ku soo dhamaaday magaalada Baydhabo.

2/18/2021 3:26 AM EST
Khamiis, Feberaayo, 18, 2021 (HOL) - Magaalada Muqdisho waxaa ku geeriyooday alle ha u naxariistee fannaankii weynaa Faarax Siidoow Faarax oo ka mid ahaa fannaaniinta Soomaaliyeed kuwood loogu jeclaa dhinaca Luuqda.

2/18/2021 2:32 AM EST
Khamiis, Feberaayo, 18, 2021 (HOL) - Hoggaamiyaha Golaha Kacdoonka Hiiraan Jenaraal Abuukar Xaaji Warsame Xuud oo la hadlayay mid ka mid ah Idaacadaha maxaliga ayaa ka hadlay arrimo badan oo xasaasi ah.

2/18/2021 12:50 AM EST
Khamiis, Feberaayo, 18, 2021 (HOL) - Madaxweynaha Dowlad Gobolleedka Hirshabeelle Cali Cabdullaahi Xusseen Guudllaawe ayaa si KMG xilka Wasiirka Wasaarradda Maaliyada iyo hormarinta Dhaqaalaha ugu magacaabay Maxamed Maxamuud Cabdulle [ Maxamed Dheere] oo horay Wasaarraddan u soo maamulay.

2/18/2021 12:37 AM EST
Khamiis, Feberaayo, 18, 2021 (HOL)-Magaalada Muqdisho waxaa ka soconaya dhaqdhaqaaqyo iska soo horjeeda oo la xiriira dibadbaxa maalinta Berri ah lagu waddo in ay qabtaan midowga musharixiinta iyo siyaasiyiinta ka soo horjeeda dowladda uu hoggaamiyo madaxweyne Maxamed Cabdullaahi Farmaajo.