12/8/2021
Today from Hiiraan Online:  _
Wararka Maanta- Khamiis, Sept 16, 2021
"Marry igee ama Meherkayga isii" weedh ku baxday Dhakhtar haweenka gaar u ah oo ku yaal magaalada Harar
 

Khamiis, September, 16, 2021 (HOL) - Dhakhtarka lagu magacaabo Marry oo ku yaal magaalada Harar oo ah dhakhtar gaar loo leeyahay ayaa waxaa usoo caafimaad raadsada dad u badan Soomaali, oo ka kala yimaadda inta badan dhulka ay Soomaalidu degto.

Haddaba dhawaan ayaa waxaan u kuur galnay xaaladda dadka Soomaaliyeed ee goobtan u yimaadda si xaaladooda caafimaad wax looga qabto, oo u badan haween.

Inta badan dadka goobtan yimaadda maadaama u badan yihiin Soomaali meelo fog ka yimaadday, waxay intooda badan degaan huteello u badan kuwa ay Soomaalidu leedahay ee ku yaal magaalada Harar.

Marka ay yimaaddaan dhakhtarkan Marry, waxaa dhacda in intooda aan aqoon luuqadda Axmaariga ay u baahdaan qof turjumaan ah, oo u kala afceliya dhakhtarkii iyo bukaankii meesha yimid, kaas oo lacag ka qaata qofkii bukaanka ahaa ee luuqaddu ku adkayd ama aan aqoon.

Arrinta layaabka leh ayaa ah in haweenkii ay dhakhtarkan u aamineen si aan caadi ahayn, iyadoo la sheego inay haweenka goobtan yimaadda oo u badan kuwo la qabo ay raggooda xujo kaga dhigaan in dhakhtarkan lageeyo ama sheekaduba xumaanayso, waana midda ay ku baxday sheekada odhanaysa "Marry igee ama Meherkaygii isii".

Dhinaca kale waxaa jirta in degaanka Soomaalida ay joogaan dhakhaatiir takhasus u leh xanuunada haweenka oo lamid ah midka Harar loo tago, iyadoo aad moodo in dadku ay iska jecel yihiin in dhinacaa Harar iyo wixii ka koreeya un u tagaan xaaladaha caafimaad daro ee lasoo darista.

 

Abdilahi Jawhar, Hiiraan Online
[email protected]












Click here
9/16/2021 3:25 PM EST
Khamiis, September, 16, 2021 (HOL) - Ra’iisul wasaaraha Soomaaliya, Maxamed Xuseen Rooble ayaa ku sheegay qoraal uu baahiyay xafiiska Madaxweynaha mid hareer marsan Dastuurka KMG ah.

9/16/2021 9:02 AM EST
Khamiis, September, 16, 2021 (HOL) - Madaxweyne Farmaajo ayaa soo saaray wareegto uu ku hakinayo awoodaha raysal wasaare Rooble, kadib markii uu ku eedeeyay inuu soo saaro go’aanno ku keli ah oo aan waafaqsanayn shuruucda iyo Dastuurka dalka.

9/16/2021 8:39 AM EST
Khamiis, September, 16, 2021 (HOL) - Kalfadhigii 79aad ee Golaha Wasiirada Somaliland, oo uu shirguddoominayay madaxwayne Biixi, ayaa guddi loogu saaray dilalka soo noq noqday ee ka dhacay magaalada Laascaanood.

9/16/2021 8:23 AM EST
Khamiis, September, 16, 2021 (HOL) - Wakiilka Qaramada Midoobay ee Soomaaliya iyo wakiilka midowga Afrika ee Soomaaliya, ayaa maanta kulan ay Baydhabo kula qaateen Madaxweynaha Koonfur galbeed, waxay kala hadleen khilaafka siyaasadeed ee soo kala dhexgalay madaxweyne Farmaajo iyo raysal wasaare Rooble.

9/16/2021 5:25 AM EST
Khamiis, September, 16, 2021 (HOL) - Taliyaha Ciidanka Haramcad Cabdixamiid Cabdillaahi Fanax oo hoggaaminayay ciidamadda Haramcad ayaa dhaawac ka soo gaarey kadib dagaal saakay ciidamadda milatariga iyo kuwa Haramcad ku dhexmaray isgoyska Banaadir ee Muqdisho.

9/16/2021 5:18 AM EST
Khamiis, September, 16, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, oo kasoo laabtay safar uu ku joogay waddamada Yurub, ayaa sheegay in madaxweyne Biixi uu codsaday in doorashada madaxtooyada lagu qabto wakhtigeedi, oo aan mudo kordhin loo samayn.

9/16/2021 2:08 AM EST
Khamiis, September, 16, 2021 (HOL) - Dagaalkan ayaa ah mid xoogan oo u dhaxeeya ciidamo ka wada tirsan dowladda Soomaaliya ayaa ka socda agagaarka isgoyska Banaadir ee magaalada Muqdisho.

9/16/2021 1:41 AM EST
Khamiis, September, 16, 2021 (HOL) - Sarkaal Booliis ah oo asalkiisu yahay Soomaali Kenyan ayaa kooxo aan heebtooda la garaneyn ka afduubteen mid ka mid ah wadooyinka ugu waaweyn magaalada Nairobi ee dalka Kenya Thika Super Highway maalinimadii Isniinta aheyd sida ay sheegeen qoyska Sarkaalka la afduubtay oo lagu Cisman Godane.

9/16/2021 1:11 AM EST
Khamiis, September, 16, 2021 (HOL) - Wararka ka imaanaya magaalada Pretoria ee dalka Koofur Afrika ayaa sheegaya in deegaan hoos yimaada magaaladaasi lagu dilay Muwaadin Soomaaliyeed oo ka mid ganacsatada Soomaliyeed ee ku noola dalkaasi.