10/17/2021
Today from Hiiraan Online:  _
Wararka Maanta- Talaado, Oct 12, 2021
Xildhibaan Barkhad Jaamac Batuun oo $20,000 lagu wareejiyay
 

Talaado, October, 12, 2021 (HOL) - Xaliimo Aw Cumar Faarax (Xaliimo Biritish) oo kamid ah qurbajooga Somaliland, ayaa lacag dhan $20,000 oo ay xalay balan qaaday ku wareejisay xildhibaan Barkhad Jaamac Batuun, kadib, markii wasiirka gargaarka ee Soomaaliya Khadiija Maxamed Diiriye ay kala noqotay lacag ay hore ugu balan qaaday Batuun, si uu baabuur u siisto.

Xaliimo Biritish, ayaa jeeg ay ku saxeenatay 20,000 oo dollar farta ka saartay xildhibaan Batuun isla maantaba, munaasibada warbaahintu ka qay gashay oo ka dhacday xaafada Daami ee magaalada Hargaysa, waxayna ugu talo gashay in Batuun lacagtaa ku iibsado baabuur kuwa raaxada ah.

Waxay Xaliimo Biritish hadalka Wasiir Khadiija ku tilmaantay mid cid kale soo dhex marisay, oo la doonayay in Somaliland lagu wax yeeleeyo, waxayna sheegtay in ay isla markiiba ka jawaabtay si ay Somaliland u difaacdo.

"Wax iyada kaligeed ka yimid maaha, ee waa wax lasoo dhexmarinayo oo malaha ay is lahayd aad Barkhad kuyara beer laxawsatid, oo waxay u arkaysay nin dhalinyar ah oo ay mawqifkiisa badali karto, anigu waxan u arkayay Khadiija oo lasoo dhexmarayo oo Somaliland la tooganayo aniguna askari Somaliland difaacaya ayaan ahaa" ayay tidhi Xaliimo Biritish.

Batuun ayaa dhankiisa sheegay in uu ka guddoomay hadiyada ay Xaliimo u keentay, isla markaana u mahadnaqay.

"Walashay aad baan ugu mahadnaqayaa, waxan uga mahadnaqayaa in ay i maamuustay, dareen wanaagsan ayay la timid, waan ka guddoomay hadiyada ay ii keentay, 20,000 ee dollar ee walashay i guddoonsiisay" ayuu yidhi Batuun.

Batuun ayaa sidookale sheegay in uu lacagtaa  iyo lacag uu jeebkiisa kaga daray ku bilaabi doono xarun caafimaad oo laga hirgalin doono xaafada Daami ee magaalada Hargaysa.

"Anigu gaadhi ku wadan maayo, lakiin, wax iyada waanaag u ah, qarankana wanaag u ah oo baahi deegaanka taalo ah ayaanu doonaynaa in aanu samayno, xaafadu xarun caafimaad ayay u baahantahay, aniguna $10,000 ayaan ku darayaa, $30,000 waxan doonayaa in aan ku wareejiyo odayaasha si deg deg ahna loo bilaabo xaruntaa caafimaad" ayuu yidhi Batuun.

Wasiirka gargaarka ee Soomaaliya ayaa xalay sheegtay in ay la noqotay baabuur ay hore ugu balan qaaday xildhibaan Batuun, kadib markii, uu guusha wayn kasoo hooyay doorashooyinkii wakiilada Somaliland, Khadiija ayaa Barkhad baabuurka kala noqotay kadib markii, ay ku qaniiintay sida uu uga falceliyay qadiyada dadka xukuumada Somaliland ka tarxiishay gobolka Sool iyo jawaab uu siiyay raysal wasaaraha Soomaaliya oo ka hadlay raafka.

Abdilahi Abdirahman Mohamed, Hiiraan Online
[email protected]












Click here
10/12/2021 6:11 PM EST
Talaado, October, 12, 2021 (HOL) - Gudida doorashooyinka Itoobiya ayaa war saxaafadeed ay soo saareen ku shaaciyay natiijada rasmiga ee doorashadii dhawaan ka dhacday dawlad degaanka Soomaalida.

10/12/2021 2:03 PM EST
Talaado, October, 12, 2021 (HOL) - Madaxweynaha dowladda federalka Soomaaliya Maxamed Cabdullaahi Farmaajo ayaa caawa jeediyey khudbad ku saabsan guusha taariikhiga ah ee go'aanka Kiiska Badda Soomaaliya.

10/12/2021 10:37 AM EST
Talaado, October, 12, 2021 (HOL) - Maxkamada Cadaaladda Aduunka ee ICJ ayaa goordhaw si rasmi ah ugu xukmisay dalka Soomaaliya lahaanshaha dhul badeed ay dowladda Kenya murum galisay.

10/12/2021 8:09 AM EST
Talaado, October, 12, 2021 (HOL) - Bayaan kasoo baxay wasaaradda arrimaha dibadda Soomaaliya, ayaa lagu diiday hindisaha hawlgalka wadajirka ah ee Qaramada Midoobay iyo midowga Afrika ee la doonayo in laga hirgaliyo Soomaaliya sannadka soo socda 2022.

10/12/2021 7:56 AM EST
Talaado, October, 12, 2021 (HOL) - Wararka ka imaanaya degmada Deyniile ee gobolka Banaadir ayaa sheegaya in qarax miino nooca dhulka lagu aaso ah lagu khaarajiyay Taliyahii Nabadsugida degmada Deyniile Cabdishakuur Raage xili oo ku sugnaa duuleedka degmadaasi.

10/12/2021 5:26 AM EST
Talaado, October, 12, 2021 (HOL) - Dowladda Soomaaliya ayaa maanta rajo aad u weyn ka muujinaysa in ay ku guulaysan doonto dacwadda kiiska badda oo galabta lagu wado in maxkamadda ICJ ay si rasmi ah ugu dhawaaqdo, sida uu qorshuhu yahay.

10/12/2021 4:03 AM EST
Talaado, October, 12, 2021 (HOL) - Hal askari oo katirsan ciiddanka Puntland ayaa ku dhintay, dhowr kalena way ku dhaacmeen iska hor imaad xalay ka dhacay magaalada Garowe, oo dhexmaray ciiddanka amniga iyo rag ka ganacsada maandooriyaha.

10/12/2021 3:27 AM EST
Talaado, October, 12, 2021 (HOL) - Sheekh Maxamed Ibraahim Shakuul oo kamid ah culimada Soomaaliyeed ee dalka Kenya, kana mid ah xubnaha guddiga ganacsatada ee Xaafadda Islii ayaa ka digay in mudaharaadyo iska soo horjeeda ay ka dhacaan xaafadda Soomaalida ee islii, kadib Go'aanka dhinaca badda ee la filayo inuu maanta kasoo baxo Maxkmadda Cadaaladda Aduunka ee ICJ.

10/12/2021 2:42 AM EST
Talaado, October, 12, 2021 (HOL) - Kooxo hubeysan oo burcad Koofur Afrikaan ah ayaa Xalay muwaadin Soomaaliyeed ku dilay goobtiisa ganacsi oo ku tiilay magaalada Quenstown ee gobolka Eastern Cape ee dalkaasi Koofur Afrika.

10/12/2021 1:33 AM EST
Talaado, October, 12, 2021 (HOL) - Waxaa maanta oo Talaado ah lagu wadaa in Maxkamada Cadaaladda Aduunka ee ICJ iney ku dhawaaqdo go'aanka kiiska dacwada Badda ee u dhaxeeysay dowladaha Soomaaliya iyo Kenya.