12/7/2021
Today from Hiiraan Online:  _
Wararka Maanta- Axad, Nov 21, 2021
Shan qof oo gobolka Gedo ugu geeriyooday abaaraha ka jira Jubbaland
 

Axad, November, 21, 2021 (HOL) - Ugu yaraan 3 qof ayaa gaajo ugu dhintay tiro kale oo aan la xaqiijin way is dal-daleen kadib markii ay xoolahoodii ku waayeen abaarta ka jirta gobolka Gedo ee dowlad goboleedka Jubbaland.

Sida uu sheegay guddoomiyaha degmada Luuq Cali Kadiye Axmed, dadka dhintay ayaa labo ka mid ah waxay ahaayeen caruur. Guddoomiyaha ayaa intaa ku daray in boqolaal qoys iyo dad ka soo barakacay deegaano kale ay soo gaareen xarunta degmada.

Waxa uu ka codsaday hay’adaha samafalka in ay soo farageliyaan, wuxuuna ka digay dad badan in ay nolashooda halis ugu jirta haddii ay sii dheeraato xaaladda abaaraha ka jira gobolka Gedo.

Deegaanada ugu daran ee ay ka jiraan abaaraha ayaa waxaa ka mid ah tuulooyinka Golweyn, Yurkud iyo deegaano kale oo u dhaxeeya Garbahaarey iyo Luuq ee gobolka Gedo.

Si kastaba ha ahaatee, Raysal wasaaraha Soomaaliya ayaa magacaabay guddi heer wasiirro oo la faray in ay si degdeg ah uga jawaabaan xaaladda abaareed ee ka jirta Soomaaliya.
Deegaannada Jubbaland ayaa ah meelaha ugu darran ee abaartu saameysay, iyadoo hadda ay billaabatay in ay dadku u geeriyoodaan haraad iyo gaajo, kadib markii ay waayeen biyo iyo cunto ku filan.

Abdiweli M. Sheikh, Hiiraan Online














Click here
11/21/2021 12:14 PM EST
Axad, November, 21, 2021 (HOL) - Hanti-dhowaraha Guud ee Soomaaliya Dr. Maxamed Maxamuud Cali Afgooye ayaa soo saaray warbixin sannadeedka ku saabsan baaritaanka maaliyadda laamaha dawladda Soomaaliya.

11/21/2021 12:00 PM EST
Axad, November, 21, 2021 (HOL) - Guddigii baarayey kiiska Ikraan Tahliil Faarax, oo ah gabar ka tirsan NISA oo la la’yahay tan iyo June 26 2021, ayaa caawa soo saaray natiijo horudhac oo ay sheegeen inay kasoo baxday baaritaankooda.

11/21/2021 10:15 AM EST
Axad, November, 21, 2021 (HOL) - Wasiirka Dhalinyada iyo ciyaaraha Somaliland Cabdirashiid Xaaji Ducaale Qambi, ayaa askar ciidanka Somaliland ka goostay oo sheegay in ay Buuhoodle Somaliland ka xoraynayaan uga digay in ay qas galiyaan gobolkaas.

11/21/2021 10:02 AM EST
Axad, November, 21, 2021 (HOL) - Musharaxa xisbiga Waddani Cabdiraxmaan Maxamed Cabdillaahi Cirro, oo ka jawaabay eedayntii uu madaxweyne Biixi u jeediyay shalay, ayaa sheegay in madaxweynaha looga fadhiyay in uu ka hadlo siyaasada iyo xaalada guud ee Somaliland halkii uu isaga weerari lahaa.

11/21/2021 7:03 AM EST
Axad, November, 21, 2021 (HOL) - Maxkamadda ciiddamada qalabka sida ee maamulka Puntland ayaa maanta xukun dil ah ku riday labo nin oo katirsan ururka Alshabaab oo ka qeyb qaatay weerarkii bishii march ee sanadkan lagu qaaday xabsiga magaalada Boosaaso.

11/21/2021 6:17 AM EST
Axad, November, 21, 2021 (HOL) - Dowladda Soomaaliya ayaa maanta aas qaran u sameysay allaha u naxariistee agaasimihii Radio Muqdisho, Cabdicasiis Maxamuud Guuleed Afrika, kaas oo xalay lagu dilay weerar ismiidaamin ah oo uu geystay qof naftii hallige ah oo katirsanaa Alshabaab.

11/21/2021 4:11 AM EST
Axad, November, 21, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa magacaabay guddi heer Wasiirro ah oo u xilsaaran gurmadka dadka la il-daran abaaraha ku dhuftay meelo badan ee waddanka ah.

11/21/2021 1:37 AM EST
Axad, November, 21, 2021 (HOL) - Wasiirkii hore ee arrimaha dibadda Soomaaliya, Maxamed Cabdirisaaq Maxamuud, ayaa sheegay in ay fajac ku noqotay xil ka qaadistii xalay lagu sameeyay, xilli uu sheegay inuu madaxweynaha iyo raysal wasaaraha ka sugayay in ay wax ka qabtaan tabashooyin uu u gudbiyay.

11/21/2021 1:29 AM EST
Axad, November, 21, 2021 (HOL) - Warar dheeraad ayaa kasoo baxaya dagaal culus oo xalay ku dhexmaray degmada Dhoobleey ee gobolka Jubbada Hoose ciidamo ka tirsan dagaalamayaasha Al-shabaab iyo kuwa Nabadsugida maamulka Jubbaland.