5/12/2021
Today from Hiiraan Online:  _
Wararka Maanta- Axad, May 2 , 2021
Faysal Cali Waraabe “Intuu saldhiga booliska ugu tagay buu ku yidhi abti 10 sano ayaa lagu xukumayaa hadanad is casilin”


 

Axad, May, 2, 2021 (HOL) - Guddoomiyaha xisbiga mucaaradka ah ee UCID Eng. Faysal Cali Waraabe, ayaa taliyaha booliska Somaliland ku eedeeyay in uu musharixiinta ula dhaqmayo sidi argagixisada.

Guddoomiye Faysal ayaa taliyaha ku eedeeyay in musharax xisbigiisa ka xidhan uu intuu saldhiga booliska ugu tagay ku yidhi is casil hadii kale 10 sano ayaa lagu xukumi.

“Waaka inanka uu abtiga u yahay ee Saaxil ka sharaxan xidhay ee markii la waydiiyay maxad u xidhay yidhi abti baan u aho waxan leeyahay ka joog nin kale ayaa Kulmiye ka sharaxane” ayuu yidhi guddoomiyuhu.

“Intuu saldhiga booliska ugu tagay buu ku yidhi abti hadanad is casilin 10 sano ayaa lagu xukumayaaye is casil, waar ma argagixisaa!” ayuu hadalkiiisa ku daray.

Faysal ayaa taliyaha ku sheegay mid aan sharciga iyo dhaqanka booliska aan waxba ka garanayn.

“Waxa loo dhiibay booliskii ku yaroo reer Hargaysa ah oo uu markii horana Xirsi walay oo uu xidig, xidig, xidig, siiyay, oo uu madaxweynihiina ugu darayo uu yidhi booliiska xukun, booliiskaba garan mayo” ayuu yidhi guddoomiyuhu.

“Wakaa anaga noo hanjabayee leh cid xasanad lihi ma jirto, dee haduu xasanada diido oo uu sharciga diido isna ma wuxu noqonayaa taliye” ayuu hadalkiisa ku daray.

Hadalka guddoomiyaha ayaa imanaya kadib markii ay dowladu xabsiga dhigtay musharixiin ka sharaxan xisbigiisa.

Cabdilaahi Cabdiraxmaan Maxamed, Hiiraan online
[email protected] 











Click here
5/2/2021 3:37 PM EST
Axad, May 02, 2021 (HOL) - Hotelka Decale ee magaalada Muqdisho ayaa caawa shir ku yeeshay xubo ka tirsan midowga Musharixiinta iyo wafdi ka socda dowladda Qatar oo xalay soo gaaray Muqdisho.

5/2/2021 2:27 PM EST
Axad, May 02, 2021 (HOL) - Maxkamadda ciidamada Puntland ayaa maanta xukun dil ah ku ridey shan nin oo lagu helay in ay ahaayeen horjoogayaal katirsan Alshabaab, kuwaas oo qaabilsanaa amarada iyo qorsheynta dilalka iyo qaraxyada magaalada Galkacyo.

5/2/2021 2:13 PM EST
Axad, May, 2, 2021 (HOL) - Taliyaha booliska Somaliland, Maxamed Aadan Saqadhi, oo kawajabaya eedo losoo jediyay, ayaa yidhi “dadka booliiska eedaynayaa waa dad doonaya in ay sharciga gacmahooda ku qaatan maalinta doorashada”.

5/2/2021 11:00 AM EST
Axad, May 02, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble kulan waddatashi ah iskugu yeeray madaxda maamul goboleedyada iyo gobolka Banaadir 20-ka bishan May.

5/2/2021 9:41 AM EST
Axad, May, 02, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa kulan la qaatay ergey ka socda dowladda Qatar Dr. Mutlaq Al-Qahtani.oo xalay soo gaaray magaalada Muqdisho.

5/2/2021 9:31 AM EST
Axad, May, 2, 2021 (HOL) - Waalidiinta 6 arday oo loo haysto in ay abaabuleen rabshadihii dugsiga Nuradiin ee magaalada Hargaysa ka dhacay 3, Maarso, ayaa sheegay in loo diiday in ay caruurtooda xabsiga ku booqdaan.

5/2/2021 9:20 AM EST
Axad, May, 2, 2021 (HOL) - Xarunta xuquuqal insaanka madaxabanaan ee Somaliland, ayaa booliska ku eedeesay in ay si sharci daro ah u xidheen musharixiin ka tirsan xisbiyada mucaaradka iyo wariyayaal.

5/2/2021 9:05 AM EST
Axad, May, 02, 2021 (HOL) - Waxaa xalay magaalada Muqdisho soo gaaray ergay gaar ah oo ka socda dowladda Qatar Dr. Mutlaq bin Majed al-Qahtani kaasoo kulamo kala duwan la qaadan doona madaxda dowladda Federaalka iyo madaxda Dowlad Gobolleedyada.

5/2/2021 7:53 AM EST
Axad, May 02, 2021 (HOL) - Jubbaland ayaa ku eedeeysay madaxweyne Farmaajo in uusan doonayn inuu arrimaha amniga ku wareejiyo raysal Wasaaraha Soomaaliya, Maxamed Xuseen Rooble oo xukuumadiisa loo igmaday inay la wareegto masuuliyadda doorashada iyo amniga.

5/2/2021 6:48 AM EST
Axad, May 02, 2021 (HOL) - Midowga Musharraxiinta ayaa soo dhoweeyay in RW Rooble uu si buuxda ula wareegay maamulka doorashooyinka qaranka iyo amniga dalka.

5/2/2021 1:45 AM EST
Axad, May 02, 2021 (HOL) - Bayaan ka soo baxay dowladda Mareykanka ayaa kagy sheegay in ay soo dhaweynayaan tallaabadii ay shalay qaadeen Madaxweyne Maxamed C/llaahi Farmaajo iyo Golaha Shacabka ee Baarlamanka Soomaaliya, taas oo si rasmi ah dib loogu noqday heshiiskii doorashada ee 17-kii September 2020.