9/23/2021
Today from Hiiraan Online:  _
Wararka Maanta- Arbaco, Jun 30, 2021
Puntland oo sheegtay in ay dishay xubno katirsan Daacish oo maalmo ka hor qaraxyo ka geystay gobolka Bari
 

Arbaco, Juun, 30, 2021 (HOL) - Ciidamada nabad sugida Puntland ayaa sheegay in ay ku guulaysteen in ay soo afjaraan xubno ka tirsan Daacish oo qaraxyo iyo miinooyin dhigayey wadada isku xirta Xamure iyo Balidhidin ee gobolka Bari.

Maalmo ka hor ayay ahayd markii wafdi uu hoggaaminayay wasiirka amniga Puntland qarax lagula eegtay meel 20km u jirta Balidhidhin, halkaas oo uu ku geeriyooday askari iyo dhaawaca labo kale.

Taliska ciidanka PSF wuxuu sheegay in xubnaha ay  dileen uu ka mid ahaa nin kaamiro watay oo horey u duubay kolonyo ka tirsanaa ciidamada amniga oo lala beegsaday qarax dhowr maalmood ka hor, hadana laguna baahiyey barta Internetka.

"Ciidamada PSF oo garabsanaya ciidamada kale ee Puntland ayaa ku guulaystay in ay soo afjaraan xubno ka tirsan Daacish oo qaraxyo iyo miinooyin dhigayey wadada isku xirta Xamure iyo Balidhidin ee gobolka Bari, xubnahan ay ciidamada PSF dileen waxaa ka mid ahaa nin kaamiro watay oo horey u duubay kolonyo ka tirsanaa ciidamada amniga oo lala beegsaday qarax dhowr maalmood ka hor, hadana laguna baahiyey barta Internetka." ayaa lagu yidhi qoraal kasoo baxay Ciidanka PSF

Ciidanka amniga Puntland ayaa howlgallo ka waday deegaanada hoos yimaada degmada Balidhidhin ee gobolka Bari, halkaas oo ay si firfircoon uga howlgalaan dagaalamayaasha kooxda Daacish.

Abdiweli M. Sheikh, Hiiraan Online












Click here
6/30/2021 2:43 PM EST
Arbaco, Juun, 30, 2021 (HOL) - Xeer ilaaliyaha Maxkamada Ciidamada Qalabka Sida Cabdullahi Buulle Kamey ayaa si adag uga digay in cidaamada dowladda Soomaaliya ridaan rasaas farabadan maalmaha u dabaal dega Xoriyada dalka.

6/30/2021 11:38 AM EST
Arbaco, Juun, 30, 2021 (HOL) - Raysal wasaaraha Soomaaliya Maxamed Xuseen Rooble ayaa tababar u furay guddiyadda doorashooyinka dalka ee heer fedaraal iyo heer dowlad goboleed oo socon doona muddo afar maalin ah.

6/30/2021 11:29 AM EST
Arbaco, Juun, 30, 2021 (HOL) - Wasiirka Maaliyadda Xukuumadda Federaalka Soomaaliya Cabdiraxmaan Ducaale Bayle, ayaa kulan kula qaatay xarunta Wasaaradda Maaliyadda Kristina Svenssn oo ah wakiilka Soomaaliya u qaabilsan Bangiga Adduunka.

6/30/2021 8:50 AM EST
Arbaco, Juun, 30, 2021 (HOL)- Afar askari oo katirsan booliska Somaliland, ayaa lagu eedeeyay in ay kufsi u gaysteen gabadh yar oo ku nool degmada Ceel-afweyn ee gobolka Sanaag.

6/30/2021 7:41 AM EST
Arbaco, Juun, 30, 2021 (HOL) - Mayorka cusub ee caasimada Hargaysa Cabdikariin Axmed Mooge, ayaa xilka kala wareegay mayorkii hore Cabdiraxman Maxamuud Caydiid (Soltelco).

6/30/2021 7:09 AM EST
Arbaco, Juun, 30, 2021 (HOL) - Wasiirka maaliyadda dowladda federalka Soomaaliya, Cabdiraxmaan Ducaale Beyla ayaa beeniyay in khilaafyadii siyaasadeed ee hareeyay doorashooyinka Soomaaliya ay sabab u yihiin, hakinta lacago caalamku ku kabi jiray miisaaniyadda dalka.

6/30/2021 6:24 AM EST
Arbaco, Juun, 30, 2021 (HOL) - Dagaalamayaasha Al-shabaab ayaa weerar madaafiic loo adeegsaday waxay ku qaadeen Saldhig ciidamada AMISOM gaar ahaan kuwa Burundi ku leeyihiin deegaanka Biya Cadde oo ka mid ah deegaanada hoos yimaada degmada Mahadaay ee gobolka Sh/dhexe.

6/30/2021 2:08 AM EST
Arbaco, Juun, 30, 2021 (HOL) - Warbaahinta faafisa xogaha ururka Alshabaab ayaa sheegay in kooxda Alshabab ay howgal qorshaysan ka fuliyeen jasiiradda Kudhaa, iyagoo guryahooda kala baxay masuuliyiin katirsanaa maamulka Jubbaland.

6/30/2021 1:52 AM EST
Arbaco, Juun, 30, 2021 (HOL) - Ciidamada Booliiska Soomaaliya gaar ahaan qeybta guud ee gobolka Banaadir ayaa soo bandhigay 14 nin oo ku labisnaa dareeska ciidanka, kuwaas oo dhac ka geysanayay xaafadaha magaalada Muqdisho.