9/23/2021
Today from Hiiraan Online:  _
Wararka Maanta- Sabti, Jun 26, 2021
Xildhibaan Yuusuf Xasan oo si faahfaahsan uga hadlay afduubka Kenya loogu geysto gabdhaha Soomaalida
 

Sabti, Juun, 26, 2021, (HOL) - Iyadoo mudooyinkii ugu dambeeyay walaac xoogan laga muujinaayay xaalada amaan darro ee soo wajaheysay shacabka Soomaaliyeed ee ku nool gudaha dalkaasi Kenya, ayaa waxaa ka hadlay Xildhibaan Yuusuf Xasan Cabdi oo ka mid ah Baarlamaanka dalka Kenya.

Xildhibaan Yuusuf Xasan ayaa sheegay iney bilaaween dadaalo xoogan oo ku aadan sidii aay wax uga qaban lahayeen afduubka lagu beegsanaayo dadka Soomaaliyeed, islamarkaana sheegay iney kala hadleen hay'adaha aay quseyso arrimaha amniga sidii wax looga qaban lahaa dhibaatooyinka la xariira afduubka iyo sidii looga hortagii lahaa.

"Laamaha amniga iyo nabadgalyada dalka waxaan kala hadlay badbaadinta iyo xoojinta nabadgalyada shacabka Soomalida, waana waajib saaran iney dabagalaan oo aay qaadaan talaaboyin deg deg ah oo lagu soo afjarayo Buracada wax afduubata" ayuu yiri Xildhibaan Yuusuf Xasan.

Xildhibaanka ayaa intaasi ku daray in shacabka Soomaaliyeed looga baahan yahay iney muujiyaan taxadar iyo foojignaan dheeri ah, waalidiintana aay ogaadan halka aay aadayaan caruurtooda iyo waliba cida ay la socdaan.

"Anaga inta aan ognahay waxa la afduubtay 3 gabdhood waxana la soo badbaadiyay Xafsa, wayna dhici karta iney jiran gabdho kale oo la'yahay oo afduuban, waxaa naloo xaqiijiyay kiiska hal gabar oo meydkeda laga helay Mombasa loona soo qabtay gabar kale oo Soomaali ah oo ku eedeysan kiiskaas, waxanse ugu baaqaya waalidinta ineysan buracada gabdhaha afduubta aysan siinin lacago madax furasho ah oo aay laamaha amniga soo wargeliyaan sababto ah hadii burcada lacag la siiyo wey sii kordhayaan" ayuu yiri Xildhibaanka.

Isagoo sii hadlaayay ayuu sheegay inuu ugu baaqayo dadka baraha bulshada ku buunbuuniyo dhibaatooyin aanan badneen oo Soomaalida ku haysto Kenya oo uu sheegay ineysan aheyn xaalada sida wax loo buunbuuninaayo.

"Dhalinyaradeena waxay ka buuxaan xabsiyo kuyaala Ingiriiska maalin walba lagu dilaa wadamo badan sida, Koofur Afrika, Ingiriiska, Mareykanka iyo meelo kale Soomaaliyana waaba la ogyahay, wax la isbarbar dhigi karo mahan" ayuu yiri xildhibaanka

Waxuu sidoo kale ka hadlay wararka la xariira nadaafad darada lagu tilmaamo suuqa ugu weyn Kenya ee kuyaala xaafada Islii, isagoona sheegay in wax waliba halmar la qaban karin aayna ku talo jiraan baabi'inta howlaha nadaafad darada ee ka muuqda wadooyinka qaar ee xaafada Soomaalida degto ee Islii.

"Wadanka Kenya waxaa ku nool Sadax Milyan iyo bar Soomaali ah waxayna ganacsiyo waa weyn iyo dabaqyo dhaadheer ku leyihiin Suuqa ugu weyn Nairobi ee Islii oo maalinkasta aay usoo ganacsi tagaan laba boqol oo kun oo qofood, waxaan ugu baaqaya iney ka shaqeyaan nadaafada oo qof waliba hagaajisto bilicda hortiisa" ayuu yiri Xildhibaan Yuusuf Xasan.

Hadalka Xildhibaan Yuusuf Xasan Cabdi ayaa kusoo beegmaya xili Soomaalida ku nool dalka Kenya aay lasoo darstay cabsi iyo welwel la xariira afduub loo geysanaayo gabdhaha Soomaaliyeed ee ku nool dalkaasi Kenya.

Jamaal Cali Cabdi, Hiiraan Online
[email protected]













Click here
6/26/2021 12:17 PM EST
Sabti, Juun, 26, 2021, (HOL) - Wasiirka amniga Puntland Cabdisamad Gallan ayaa ku eedeeyay kooxda Daacish in ay ka dambeeyaan qarax maanta barqadii kolonyo uu hoggaaminayay lagula eegtay meel qiyaastii 20km ujirta degmada Balidhidhin ee gobolka Bari.

6/26/2021 8:21 AM EST
Sabti, Juun, 26, 2021, (HOL) - Madaxweynaha dowlad goboleedka Puntland Siciid cabdullaahi Deni wafdi uu hoggaaminaayo ayaa goordhaw soo gaaray magaalada Muqdisho ee Caasimada Soomaaliya.

6/26/2021 6:04 AM EST
Sabti, Juun, 26, 2021, (HOL) - Wararka Hiraan Online kasoo gaaraya gobolka Bari ayaa sheegaya in wafdi uu hoggaaminayay wasiirka amniga Puntland, Cabdisamad Gallan lala beegsaday labo qarax oo loogu qariyay wadada xilli ay safrayeen.

6/26/2021 5:14 AM EST
Sabti, Juun, 26, 2021, (HOL) - Nin Soomaali ah oo ku hubeysnaa mindi dheer ayaa magaalada Wuerzburg ee koonfurta Jarmalka ku dilay seddex qof, halka shan kalena uu gaarsiiyay dhaawac culus, sida ay booliisku sheegeen.

6/26/2021 5:08 AM EST
Sabti, Juun, 26, 2021, (HOL) - Madaxweynaha maamul goboleedka Jubbaland Axmed Maxamed Islaam iyo wafdi uu hoggaaminaayo ayaa goordhaw soo gaaray magaalada Muqdisho.

6/26/2021 3:32 AM EST
Sabti, Juun, 26, 2021 (HOL) - Munaasibad lagu xusayo markii ay Somaliland ka xorowday gumaystihi Ingiriiska 26 Juun 1960, ayaa xalay lagu qabtay Hargaysa.

6/26/2021 2:34 AM EST
Sabti, Juun, 26, 2021 (HOL) - Madaxweynaha Somaliland Muuse Biixi Cabdi, ayaa sheegay in $60 milyan oo banka adduun ku Somaliland usoo mariyay dowlada Soomaaliya, dowlada Soomaaliya ku maqanyihiin.

6/26/2021 2:26 AM EST
Sabti, Juun, 26, 2021, (HOL) - Wararka ka imaanaya magaalada Jowhar ee xarunta maamulka Hirshabeelle ayaa sheegaya in laba askari aay ku geeriyoodeen rasaas loo ridaayaay dabaaldega munaasabadda 26-Juun oo ah 61 sano guuradii kasoo wareegatay markii goboladda Waqooyi ka xuroobeen gumeystihii Ingiriiska.

6/26/2021 1:52 AM EST
Sabti, Juun, 26, 2021, (HOL) - Waxaa Xalay magaalada Muqdisho iyo inta badan gobolada dalka Soomaaliya lagu qabtay Munnaasabaddo lagu xusaayo maalinta qiimaha badan ee 26-Juun.

6/26/2021 1:42 AM EST
Sabti, Juun, 26, 2021 (HOL) - Madaxweynaha Somaliland Muuse Biixi Cabdi, ayaa gardaro aan loo dulqadan karin ku tilmamay in dowlada Soomaaliya xusto 26 Juun.