9/21/2021
Today from Hiiraan Online:  _
Wararka Maanta- Sabti, Jun 26, 2021
Wafdi uu hoggaaminayay wasiirka amniga Puntland oo qaraxyo lagula beegsaday degaano katirsan gobolka Bari
 

Sabti, Juun, 26, 2021, (HOL) - Wararka Hiraan Online kasoo gaaraya gobolka Bari ayaa sheegaya in wafdi uu hoggaaminayay wasiirka amniga Puntland, Cabdisamad Gallan lala beegsaday labo qarax oo loogu qariyay wadada xilli ay safrayeen.

Ugu yaraan hal askari ayaa la sheegay inuu  dhintay, labo kalena ay ku dhaawacmeen kadib markii mid kamid ah gaadiidka galbinayay masuuliyiinta uu qaraxu haleelay.

Weerarkan ayaa ka dhacay wadada gasha tuulada Balidhidin ee gobolka Bari, halkaas oo ay masuuliyiintu ku wajahnaayeen, iyagoo kasoo laabtay degmada Xaafuun oo ay labo maalmood ka hor kasoo dhagax dhigeen mashaariic horumarineed oo dhinaca biyaha ah.

Lama sheegin khasaare kale oo ka dhashay weerarkan.

Goobta lagu beegsaday masuuliyiinta Puntland waxaa dhaqdhaqaaqyo ka sameeya oo dhuumaalaysi ku joogo kooxda Daacish oo dhowr jeer ciidamada Puntland halkaas kula dagaalamay.

Wixii faahfaahin oo kusoo kordha kala soco Hiiraan Online

Abdisalan Nur Dirie, Hiiraan Online












Click here
6/26/2021 12:17 PM EST
Sabti, Juun, 26, 2021, (HOL) - Wasiirka amniga Puntland Cabdisamad Gallan ayaa ku eedeeyay kooxda Daacish in ay ka dambeeyaan qarax maanta barqadii kolonyo uu hoggaaminayay lagula eegtay meel qiyaastii 20km ujirta degmada Balidhidhin ee gobolka Bari.

6/26/2021 8:21 AM EST
Sabti, Juun, 26, 2021, (HOL) - Madaxweynaha dowlad goboleedka Puntland Siciid cabdullaahi Deni wafdi uu hoggaaminaayo ayaa goordhaw soo gaaray magaalada Muqdisho ee Caasimada Soomaaliya.

6/26/2021 7:25 AM EST
Sabti, Juun, 26, 2021, (HOL) - Iyadoo mudooyinkii ugu dambeeyay walaac xoogan laga muujinaayay xaalada amaan darro ee soo wajaheysay shacabka Soomaaliyeed ee ku nool gudaha dalkaasi Kenya, ayaa waxaa ka hadlay Xildhibaan Yuusuf Xasan Cabdi oo ka mid ah Baarlamaanka dalka Kenya.

6/26/2021 5:14 AM EST
Sabti, Juun, 26, 2021, (HOL) - Nin Soomaali ah oo ku hubeysnaa mindi dheer ayaa magaalada Wuerzburg ee koonfurta Jarmalka ku dilay seddex qof, halka shan kalena uu gaarsiiyay dhaawac culus, sida ay booliisku sheegeen.

6/26/2021 5:08 AM EST
Sabti, Juun, 26, 2021, (HOL) - Madaxweynaha maamul goboleedka Jubbaland Axmed Maxamed Islaam iyo wafdi uu hoggaaminaayo ayaa goordhaw soo gaaray magaalada Muqdisho.

6/26/2021 3:32 AM EST
Sabti, Juun, 26, 2021 (HOL) - Munaasibad lagu xusayo markii ay Somaliland ka xorowday gumaystihi Ingiriiska 26 Juun 1960, ayaa xalay lagu qabtay Hargaysa.

6/26/2021 2:34 AM EST
Sabti, Juun, 26, 2021 (HOL) - Madaxweynaha Somaliland Muuse Biixi Cabdi, ayaa sheegay in $60 milyan oo banka adduun ku Somaliland usoo mariyay dowlada Soomaaliya, dowlada Soomaaliya ku maqanyihiin.

6/26/2021 2:26 AM EST
Sabti, Juun, 26, 2021, (HOL) - Wararka ka imaanaya magaalada Jowhar ee xarunta maamulka Hirshabeelle ayaa sheegaya in laba askari aay ku geeriyoodeen rasaas loo ridaayaay dabaaldega munaasabadda 26-Juun oo ah 61 sano guuradii kasoo wareegatay markii goboladda Waqooyi ka xuroobeen gumeystihii Ingiriiska.

6/26/2021 1:52 AM EST
Sabti, Juun, 26, 2021, (HOL) - Waxaa Xalay magaalada Muqdisho iyo inta badan gobolada dalka Soomaaliya lagu qabtay Munnaasabaddo lagu xusaayo maalinta qiimaha badan ee 26-Juun.

6/26/2021 1:42 AM EST
Sabti, Juun, 26, 2021 (HOL) - Madaxweynaha Somaliland Muuse Biixi Cabdi, ayaa gardaro aan loo dulqadan karin ku tilmamay in dowlada Soomaaliya xusto 26 Juun.