9/21/2021
Today from Hiiraan Online:  _
Wararka Maanta- Isniin, Jun 21, 2021
Guddiga Farsamada oo guddiyada doorashooyinka dalka ku amray iney xaroodaan
 

Isniin, Juun, 21, 2021 (HOL) - Guddiga Farsamada arrimaha doorashooyinka ayaa ku dhawaaqay in xubnaha guddiyada doorashada dalka inaay ku soo xaroodaan ugu dambeyn maalinta Khamiista ah si loogu bilaabo tababaro ku saabsan habka aay ku shaqeyn lahayeen.

Guddoomiyaha guddiga farsamada arrimaha doorashooyinka dalka ayaa Xafiiska Raysal wasaaraha Soomaaliya ku wareejiyay liiska xubnaha kama dambeysta ah ee guddiyada doorashada dalka, islamarkaana dhawaan la guda gali doono howlaha doorashooyinka.

Guddoomiye Cabdulqaadir Cilmi Cali ayaa sheegay in mudo todobaad ah la tababari doono guddiyada kadibna aay dhexdooda iska dooran doonaan guddoonkooda.

Xubnaha guddiga farsamada ee xafiiska Raysal wasaaraha Soomaaliya ayaa sidoo kale shaaciyay in guddiyada marka uu tababarka u dhamaado si toos aay u gudda gali doonaan qabashada doorasho loo dhan yahay oo xor iyo xalaal ah.

Raysal wasaare Rooble ayaa la sugaya inuu dalka ka hirgaliyo doorasho lagu wada qanacsan yahay oo waqtigeeda ku qabsoonta, waxaana la filayaa maalmaha soo socda magaalada Muqdisho iyo gobolada dalka iney ka bilaawdaan ololaha doorashada Musharaxiinta Xildhibaanada Baarlamaanka labada Aqal ee dowladda Soomaaliya kadibna xigi doonto tan madaxweynaha Soomaaliya.

Jamaal Cali Cabdi, Hiiraan Online
[email protected]













Click here
6/21/2021 5:04 PM EST
Isniin, Juun, 21, 2021 (HOL)- Hay'ada caafimaadka aduunka ee WHO, ayaa dawooyinka lagaga hortago iyo kuwa lagu daweeyo xanuunka Shubanka ku wareejiyay Somaliland.

6/21/2021 3:36 PM EST
Isniin, Juun, 21, 2021 (HOL) - Wararka naga soo gaaraya magaalada Baledweyne ee xarunta gobolka Hiiraan ayaa sheegaya in goordhaw oo Caawa ah halkaasi lagu dilay guddoomiyahii Ururka dhalinyarada gobolka Hiiraan Faarax Diir Cabdi Cali.

6/21/2021 1:27 PM EST
Isniin, Juun, 21, 2021 (HOL) - Xubnaha cusub ee golaha deegaanka degmada Buuhoodle, ayaa mayor u doortay Khadiija Axmed Yuusuf halka ay mayor ku xigeena u doorteen Mustafe Cabdi Ayaanle.

6/21/2021 10:50 AM EST
Isniin, Juun, 21, 2021 (HOL) - Wasiirka maaliyada Somaliland Sacad Cali Shire, ayaa sheegay in Soomaaliya ka mid tahay waddamada loo bahanyahay in Somaliland la baro.

6/21/2021 7:12 AM EST
Isniin, Juun, 21, 2021 (HOL) - Guddi loo xilsaaray baaritaanka dilkii magaalada Gaalkacyo loogu geystay Sheikh Cali Axmed Faarax (Cali Dheere), ayaa maanta soo bandhigay warbixin ku saabsan natiijada baaritaan dilkiisa.

6/21/2021 3:08 AM EST
Isniin, Juun, 21, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa sameeyay guddiga ka shaqeyn doona amniga doorashooyinka dalka.

6/21/2021 2:46 AM EST
Isniin, Juun, 21, 2021 (HOL) - Kooxo hubeysan ayaa xalay fiidkii ku dilay degmada Wadajir ee gobolka Banaadir Sarkaal ka tirsanaa ciidanka Kumaandooska Gorgor ee dowladda Soomaaliya.

6/21/2021 1:48 AM EST
Isniin, Juun, 21, 2021 (HOL) - Madaxweynaha Soomaaliya Maxamed Cabdullaahi Farmaajo ayaa bogaadiyay in awood-siinta ganacsatada Soomaaliyeed iyo xaqiijinta suuqyo heer gobol ah oo loo iib geeyo wax soo saarka dalka, taaso kor u qaadeyso dhaqaalaha dalka fursadaha shaqaaleysiinta dhallinyarada iyo heer nololeedka shacabka Soomaaliyeed.