9/23/2021
Today from Hiiraan Online:  _
Wararka Maanta- Sabti, Jun 19, 2021
Somaliland oo bilaabaysa wajiga labaad ee tallaalka Covid-19
 

Sabti, Juun, 19, 2021 (HOL) - Wasaarada caafimaadka Somaliland, ayaa sheegtay in ay bilaabayso bixinta wajigii labaad ee tallaalka Covid-19.

Agaasimaha guud ee wasaarada caafimaadka Somaliland Maxmed Cabdi Xergeeye, ayaa sheegay in wasaaradiisu ay diyaarisay wajiga labaad (second shot), ee tallaalka Covid-19.

"Waxan doonayaa in aan dadweynaha la wadaago in wasaarada caafimaad ku ay bilabayso wajiga labaad ee tallaalka Covid-19" ayuu yidhi.

"Wasaaradu waxa ay baryahaaba waday in ay diyaariso wajigi labaad ee tallaalka wayna ku guulaysatay" ayuu hadalkisa ku daray.

Agaasimaha ayaa dadwaynaha ku booriyay in ay qaataan wajiga labaad (second shot) ee tallaalka.

Tallaalkan ayaa loogu talo galay dadkii qaatay wajigii kobaad ee tallaalka oo sugayay in ay qatay markii labaad.

Abdilahi Abdi Rahman, Hiiraan online
[email protected]
    













Click here
6/19/2021 1:01 PM EST
Sabti, Juun, 19, 2021 (HOL) - Raiisul Wasaaraha Xukuumadda Soomaaliya Maxamed Xuseen Rooble ayaa soo saaray liiska kama dambeyska ah ee wax ka badalka guddiyada doorashooyinka heer Federaal, Heer Dowlad Goboleed, Guddiga Xalinta Khilaafaadka iyo kuwa Somaliland.

6/19/2021 10:31 AM EST
Sabti, Juun, 19, 2021 (HOL) - Qaar kamid ah Culimada iyo Isimada Puntland ayaa ka hor yimid xeer lagu mamnuucayo gudniinka gabdhaha, kaas oo todobaadkii hore ay meel mariyeen golaha wasiiradda Puntland.

6/19/2021 9:58 AM EST
Sabti, Juun, 19, 2021 (HOL) - Sagaal ka mid ah 13 xildhibaan ee golaha degaanka degmada Laascaanood ayaa saaka isugu yimi afaafka hore ee xarunta dawlada hoose si ay u yeeshaan kalfadhigii u horeeyey ee ay ku dooran lahaayeen hogaankooda, taas oo noqotay mid aan suuragelin.

6/19/2021 7:53 AM EST
Sabti, Juun, 19, 2021 (HOL) - 32,849 arday ayaa u fadhiistay imtaxanaadka shahaadiga ah ee dugsiyada dhexe iyo sarre ee Somaliland, ardaydan ayaa iskugu jira, 21, 148 arday oo dugsiyada dhexe ah iyo 11,701 arday oo dugsiyada sarre ah.

6/19/2021 7:04 AM EST
Sabti, Juun, 19, 2021 (HOL) - Hoggaamiyaha Xisbiga Wadajir C/raxmaan C/shakuur Warsame ayaa markale si aad ah u dhaliilay guddiga doorashada Soomaaliya oo uu sheegay iney wali ku jiraan xubno badan oo ka tirsan taageerayaasha madaxweyne Farmaajo.

6/19/2021 6:37 AM EST
Sabti, Juun, 19, 2021 (HOL) - Madaxweynaha Soomaaliya Maxamed Cabdullaahi Farmaajo ayaa ugu hambalyeeyay Antonio guterres dib-u-doorashadiisa markii labaad inuu noqdo xoghayaha guud ee Qaramada Midoobay.

6/19/2021 6:20 AM EST
Sabti, Juun, 19, 2021 (HOL) - Xogeeyaha guud xisbiga Waddani Khadar Xuseen Cabdi, ayaa xukuumada ku eedeeyay dib u dhac kuyimid kalfadhiyada golayaasha deegaanka ee degmooyinka, Laascaanod, Burco iyo Oodwayne.

6/19/2021 6:09 AM EST
Sabti, Juun, 19, 2021 (HOL) - Wasiirka Arrimaha Dibadda iyo Iskaashiga Caalamiga, Maxamed C / risaaq Maxamuud, ayaa ka qeyb galay furitaanka Shirka Diblomaasiyadda Antalya, oo socon doona 18-ka ilaa 20-ka Juun.

6/19/2021 3:27 AM EST
Sabti, Juun, 19, 2021 (HOL) - Wararka naga soo gaaraya deegaanka Biyo Cadde ee gobolka Sh/dhexe ayaa sheegaya in xalay saqdii dhexe Madaafiic aay ku garaaceen dagaalamayaasha Al-shabaab.

6/19/2021 1:54 AM EST
Sabti, Juun, 19, 2021 (HOL) - Burcad hubeysan oo Koofur Afrikaan ah ayaa xalay waxay ku dileen goobtiisa ganacsi muwaadin Soomaaliyeed.