9/21/2021
Today from Hiiraan Online:  _
Wararka Maanta- Sabti, Jun 19, 2021
Culimada iyo Isimada Puntland oo Barlamaanka Puntland uga digay inuu meel mariyo xeerka mamnuucaya gudniinka gabdhaha
 

Sabti, Juun, 19, 2021 (HOL) - Qaar kamid ah Culimada iyo Isimada Puntland ayaa ka hor yimid xeer lagu mamnuucayo gudniinka gabdhaha, kaas oo todobaadkii hore ay meel mariyeen golaha wasiiradda Puntland.

Xeerkaan oo aan weli loo gudbin barlamaanka Puntland ayaa guud ahaanba meesha ka saaraya in wax gudniin ah lagu sameeyo gabdhaha islamarkaana ciddii wax guda la ciqaabidoono.

Maalin kadib markii la meel mariyay xeerkaan, ayay culimada Puntland ka hor yimaadeen, iyagoo sheegay inuu gef ku yahay qodob shareecadda islaamka kamid ah oo oggolaanaya gabdhaha in la gudo, gudniinkaas oo ah mid aan waxyeelo naftooda u geysanayn.

Boqor Burhaan Boqor Muuse oo kamid ah Isimada Puntland oo galabta shir jaraa’id ku qabtay magaalada Qardho ayaa sheegay gudniinka gabdhuhu inuu yahay Sunno soo jireen ah oo aan sinaba loo aqbali karin in meesha laga saaro.

“Wixii ka hor imaanaya Naska, xaddiis ama Aayad, wax aan aqbali karno ma ahan. Mana yeeli karno. Waxaan leeyahay ciddii gefkaas ku kacday oo hay'addo sandareero yar ka qaadatay, ilaaheey ha u toobad keenaan,” ayuu yiri boqor Burhaan Boqor Muuse.

Boqor Burhaan ayaa ugu digay barlamaanka Puntland in ay ka fiirsadaan xeerkaan, wuxuuna ku boorriyay in si lamid ah barlamaanadii ka horeeyay ay u diidaan xeerkaan meel marintiisa.

Dhawaan ayaa la filayaa in barlamaanka Puntland oo ku jira kal fadhigooda loo gudbiyo xeerkaan muranka badan uu ka taagan yahay.

Abdiweli M. Sheikh, Hiiraan Online












Click here
6/19/2021 1:01 PM EST
Sabti, Juun, 19, 2021 (HOL) - Raiisul Wasaaraha Xukuumadda Soomaaliya Maxamed Xuseen Rooble ayaa soo saaray liiska kama dambeyska ah ee wax ka badalka guddiyada doorashooyinka heer Federaal, Heer Dowlad Goboleed, Guddiga Xalinta Khilaafaadka iyo kuwa Somaliland.

6/19/2021 10:44 AM EST
Sabti, Juun, 19, 2021 (HOL) - Wasaarada caafimaadka Somaliland, ayaa sheegtay in ay bilaabayso bixinta wajigii labaad ee tallaalka Covid-19.

6/19/2021 9:58 AM EST
Sabti, Juun, 19, 2021 (HOL) - Sagaal ka mid ah 13 xildhibaan ee golaha degaanka degmada Laascaanood ayaa saaka isugu yimi afaafka hore ee xarunta dawlada hoose si ay u yeeshaan kalfadhigii u horeeyey ee ay ku dooran lahaayeen hogaankooda, taas oo noqotay mid aan suuragelin.

6/19/2021 7:53 AM EST
Sabti, Juun, 19, 2021 (HOL) - 32,849 arday ayaa u fadhiistay imtaxanaadka shahaadiga ah ee dugsiyada dhexe iyo sarre ee Somaliland, ardaydan ayaa iskugu jira, 21, 148 arday oo dugsiyada dhexe ah iyo 11,701 arday oo dugsiyada sarre ah.

6/19/2021 7:04 AM EST
Sabti, Juun, 19, 2021 (HOL) - Hoggaamiyaha Xisbiga Wadajir C/raxmaan C/shakuur Warsame ayaa markale si aad ah u dhaliilay guddiga doorashada Soomaaliya oo uu sheegay iney wali ku jiraan xubno badan oo ka tirsan taageerayaasha madaxweyne Farmaajo.

6/19/2021 6:37 AM EST
Sabti, Juun, 19, 2021 (HOL) - Madaxweynaha Soomaaliya Maxamed Cabdullaahi Farmaajo ayaa ugu hambalyeeyay Antonio guterres dib-u-doorashadiisa markii labaad inuu noqdo xoghayaha guud ee Qaramada Midoobay.

6/19/2021 6:20 AM EST
Sabti, Juun, 19, 2021 (HOL) - Xogeeyaha guud xisbiga Waddani Khadar Xuseen Cabdi, ayaa xukuumada ku eedeeyay dib u dhac kuyimid kalfadhiyada golayaasha deegaanka ee degmooyinka, Laascaanod, Burco iyo Oodwayne.

6/19/2021 6:09 AM EST
Sabti, Juun, 19, 2021 (HOL) - Wasiirka Arrimaha Dibadda iyo Iskaashiga Caalamiga, Maxamed C / risaaq Maxamuud, ayaa ka qeyb galay furitaanka Shirka Diblomaasiyadda Antalya, oo socon doona 18-ka ilaa 20-ka Juun.

6/19/2021 3:27 AM EST
Sabti, Juun, 19, 2021 (HOL) - Wararka naga soo gaaraya deegaanka Biyo Cadde ee gobolka Sh/dhexe ayaa sheegaya in xalay saqdii dhexe Madaafiic aay ku garaaceen dagaalamayaasha Al-shabaab.

6/19/2021 1:54 AM EST
Sabti, Juun, 19, 2021 (HOL) - Burcad hubeysan oo Koofur Afrikaan ah ayaa xalay waxay ku dileen goobtiisa ganacsi muwaadin Soomaaliyeed.