9/23/2021
Today from Hiiraan Online:  _
Wararka Maanta- Sabti, Jun 19, 2021
Cabdiraxmaan Cabdishakuur " Guddiga doorashada wali waxaa ka buuxa taageerayaasha madaxweyne Farmaajo"
 

Sabti, Juun, 19, 2021 (HOL) - Hoggaamiyaha Xisbiga Wadajir C/raxmaan C/shakuur Warsame ayaa markale si aad ah u dhaliilay guddiga doorashada Soomaaliya oo uu sheegay iney wali ku jiraan xubno badan oo ka tirsan taageerayaasha madaxweyne Farmaajo.

Siyaasi Warsame ahna Musharax madaxweyne ayaa intaasi ku daray in 20 meeyo ka mid ah taageerayaasha madaxweyne Farmaajo iyo tobaneeyo dharcad ah aay wali ku jiraan guddiga doorashada dalka, islamarkaana waxuu sheegay in guddiga laga saaray Xaawo Aadan Yare Culusow oo lagu eedeyay iney kasoo horjeeday madaxweyne Farmaajo.

"Waxaa Guddiga doorashada laga saaray Xaawo Aadan Yare Culusow oo lagu eedeyey in ay Farmaajo ka soo horjeedday, kana tirsanayd taageerayaasha mucaaradka. Dhinaca kale, ku dhowaad 20 ruux oo taageerayaasha Farmaajo ah iyo toboneeyo dharcad ah ayaa weli Guddiga ku jira. Haddii uu sidan ku soo baxo liiska guddiga, waxay tani mugdi gelinaysaa hufnaanta Guddiga iyo dhexdhexaadnimada Raysalwasaare Rooble" ayaa lagu yiri qoraal uu bartiisa Facebook soo dhigay Siyaasi C/raxmaan C/shakuur.

Eedeynta C/raxmaan C/shakuur ayaa imaaneysa xili qaar ka mid ah guddiga doorashada lasoo badalay kadib markii la sheegay in lagu helay eedeymo laga soo gudbiyay oo ahaa iney ka tirsanayeen shaqaalaha Madaxtooyada iyo Haya'adda NISA lamana oga eedeyntan cusub ee Musharax C/raxmaan C/shakuur waxa aay ka badeli karto guddiga doorashada dalka.

Jamaal Cali Cabdi, Hiiraan Online
[email protected]













Click here
6/19/2021 1:01 PM EST
Sabti, Juun, 19, 2021 (HOL) - Raiisul Wasaaraha Xukuumadda Soomaaliya Maxamed Xuseen Rooble ayaa soo saaray liiska kama dambeyska ah ee wax ka badalka guddiyada doorashooyinka heer Federaal, Heer Dowlad Goboleed, Guddiga Xalinta Khilaafaadka iyo kuwa Somaliland.

6/19/2021 10:44 AM EST
Sabti, Juun, 19, 2021 (HOL) - Wasaarada caafimaadka Somaliland, ayaa sheegtay in ay bilaabayso bixinta wajigii labaad ee tallaalka Covid-19.

6/19/2021 10:31 AM EST
Sabti, Juun, 19, 2021 (HOL) - Qaar kamid ah Culimada iyo Isimada Puntland ayaa ka hor yimid xeer lagu mamnuucayo gudniinka gabdhaha, kaas oo todobaadkii hore ay meel mariyeen golaha wasiiradda Puntland.

6/19/2021 9:58 AM EST
Sabti, Juun, 19, 2021 (HOL) - Sagaal ka mid ah 13 xildhibaan ee golaha degaanka degmada Laascaanood ayaa saaka isugu yimi afaafka hore ee xarunta dawlada hoose si ay u yeeshaan kalfadhigii u horeeyey ee ay ku dooran lahaayeen hogaankooda, taas oo noqotay mid aan suuragelin.

6/19/2021 7:53 AM EST
Sabti, Juun, 19, 2021 (HOL) - 32,849 arday ayaa u fadhiistay imtaxanaadka shahaadiga ah ee dugsiyada dhexe iyo sarre ee Somaliland, ardaydan ayaa iskugu jira, 21, 148 arday oo dugsiyada dhexe ah iyo 11,701 arday oo dugsiyada sarre ah.

6/19/2021 6:37 AM EST
Sabti, Juun, 19, 2021 (HOL) - Madaxweynaha Soomaaliya Maxamed Cabdullaahi Farmaajo ayaa ugu hambalyeeyay Antonio guterres dib-u-doorashadiisa markii labaad inuu noqdo xoghayaha guud ee Qaramada Midoobay.

6/19/2021 6:20 AM EST
Sabti, Juun, 19, 2021 (HOL) - Xogeeyaha guud xisbiga Waddani Khadar Xuseen Cabdi, ayaa xukuumada ku eedeeyay dib u dhac kuyimid kalfadhiyada golayaasha deegaanka ee degmooyinka, Laascaanod, Burco iyo Oodwayne.

6/19/2021 6:09 AM EST
Sabti, Juun, 19, 2021 (HOL) - Wasiirka Arrimaha Dibadda iyo Iskaashiga Caalamiga, Maxamed C / risaaq Maxamuud, ayaa ka qeyb galay furitaanka Shirka Diblomaasiyadda Antalya, oo socon doona 18-ka ilaa 20-ka Juun.

6/19/2021 3:27 AM EST
Sabti, Juun, 19, 2021 (HOL) - Wararka naga soo gaaraya deegaanka Biyo Cadde ee gobolka Sh/dhexe ayaa sheegaya in xalay saqdii dhexe Madaafiic aay ku garaaceen dagaalamayaasha Al-shabaab.

6/19/2021 1:54 AM EST
Sabti, Juun, 19, 2021 (HOL) - Burcad hubeysan oo Koofur Afrikaan ah ayaa xalay waxay ku dileen goobtiisa ganacsi muwaadin Soomaaliyeed.