Sabti, Juun, 19, 2021 (HOL) - Wasiirka Arrimaha Dibadda iyo Iskaashiga Caalamiga, Maxamed C / risaaq Maxamuud, ayaa ka qeyb galay furitaanka Shirka Diblomaasiyadda Antalya, oo socon doona 18-ka ilaa 20-ka Juun.
Madashan oo ka bilaabatay gobolka koonfurta ku yaal ee Antalya, ayaa martigalisay 12 madax maamul goboleed, 43 wasiir arrimo dibadeed, afar madax hore, wakiilo ka socda ururada caalamiga ah iyo waxgarad ka kala yimid daafaha dunida.
Wasiirka Arimaha Dibada Mudane Maxamed C / risaaq wuxuu ka qeyb galay dood cilmiyeed kusaabsan iskaashiga Afrika iyo wax wada qabsiga, isagoo muujiyay sida ay Soomaaliya usoo dhaweyneyso maalgashi iyo iskaashi ballaaran.
Wasiirku wuxuu wadahadallo laba geesood ah la yeeshay dhiggiisa Azerbaijan, Mudane Jeyhun Bayramov, kaas oo diiradda lagu saaray xoojinta xiriirka labada dal iyo iskaashiga dhowr dhinac oo ay ka wada faa'iideysan karaan labada dal iyo dadka walaalaha ah.
Safiirka Soomaaliya, Jaamac Cabdullaahi Maxamed, ayaa waraaqihiisa aqoonsiga u gudbiyay Madaxweynaha Azerbaijan, H.E. Ilham Aliyev, bishii Juun 12, isagoo ah safiir aan deganeyn oo xoojinaya xiriirka taariikhiga ah ee labada dal.