9/23/2021
Today from Hiiraan Online:  _
Wararka Maanta- Talaado, Jun 15, 2021
Madaxweynaha Jubbaland oo Kismaayo ku qaabilay Wakiilada Beesha Caalamka
 

Talaado, Juun, 15, 2021 (HOL) - Madaxweynaha maamul goboleedka Jubbaland Axmed Maxamed Islaam, Axmed Madoobe ayaa maanta madaxtooyada Jubbaland ku qaabilay wafdi uu hogaaminayay Wakiilka gaarka ah ee Xoghayaha guud ee Qaramada Midoobay u qaabilsan arimaha Soomaaliya James Swan, waxaana wafdiga ka mid ahaa Wakiilka gaarka ah ee Guddoomiyaha Guddiga Midowga Afrika u fadhiya Soomaaliya, Danjire Francisco Caetano Madeira, xubno kasocday Midowga Yurub iyo urur goboleedka IGAD.

Kulanka waxaa looga hadlay xaalada dalka iyo arimaha Doorashooyinka, iyadoo masuuliyiinta ka socotay Beesha Caalamka ay uga mahad celiyeen Madaxweynaha Jubbaland Axmed Maxamed Islaam sida ay uga go’antahay in doorashada dalka inay ku dhacdo hanaan wadar ogol ah isla markaana la dardar galiyo shaqooyinka muhiimka u ah howlaha doorashooyinka dalka.

Madaxweyne Axmed Madoobe ayaa sheegay in Wakiilada Beesha Caalamka ay si weyn u wada falanqeeyen arrimaha doorashooyinka dalka, islamarkaana ay isla meel dhigeen dedejinta iyo waliba dardargelinta qabsoomida doorashooyinka dalka.

Gabagabadii kulanka maanta waxaa la isku raacay in la joogteeyo kulamada iyo wadatashiyada la xiriira arrimaha doorashooyinka dalka.

Jamaal Cali Cabdi, Hiiraan Online
[email protected]













Click here
6/15/2021 10:29 AM EST
Talaado, Juun, 15, 2021 (HOL) - Madaxweynaha Somaliland Muuse Biixi Cabdi, ayaa kulan dardaaran iyo hogo tusaalayn ah la qaatay xildhibaanada xisbiga Kulmiye ku matali doona golaha wakiilada ee cusub.

6/15/2021 8:54 AM EST
Talaado, Juun, 15, 2021 (HOL) - Madaxweynaha dowlad goboleedka Puntland Siciid Deni ayaa ku baaqay in la ilaaliyo fulinta heshiiskii doorasho ee 27-ka May ee sandkan ay Muqdisho kuwada galeen dowladda federalka Soomaaliya, dowlad goboleedyada iyo gobolka Banaadir.

6/15/2021 7:54 AM EST
Talaado, Juun, 15, 2021 (HOL) - Maleeshiyaad hubeysan ayaa barqanimadii maanta nin Dawaral ahaa ku dilay deegaanka Bacda ee duuleedka degmada Matabaan ee gobolka Hiiraan.

6/15/2021 7:08 AM EST
Talaado, Juun, 15, 2021 (HOL) - Kooxda Alshabaab ayaa sheegatay masuuliyadda weerar ismiidaamin ah oo maanta barqadii lala beegsaday goob ay ku sugnaayeen dhalinyaro Soomaaliyeed oo doonaysay in qortaan ciidamada xoogga dalka.

6/15/2021 6:58 AM EST
Talaado, Juun, 15, 2021 (HOL) - Taliyaha ciidamada Xoogga dalka Soomaliyeed Jenaraal Odawaa Yuusuf Raage ayaa si faahfaahsan uga hadlay qarax Ismiidaamin ahaa oo barqaninadii maanta ka dhacay afaafka hore ee Xerada tababarada Jenaral Dhagabadan.

6/15/2021 3:46 AM EST
Talaado, Juun, 15, 2021 (HOL) - Qarax ismiidaamin ah oo aad u xooggan ayaa lala beegsaday dhalinayro ah dooneysay inay ku biiraan ciidanka milatariga Soomaaliya.

6/15/2021 3:01 AM EST
Talaado, Juun, 15, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta lagu wadaa inuu si rasmi ah u furo Kalfadhiga 48-aad ee Golaha Wakiilada Maamulka Puntland.

6/15/2021 2:02 AM EST
Talaado, Juun, 15, 2021 (HOL) - Madaxweynaha maamul goboleedka Hirshabeelle Cali Cabdullaahi Xuseen ayaa magaalada Muqdisho kula kulmay Wakiilada Beesha Caalamka ee fadhigooda yahay Muqdisho.