9/23/2021
Today from Hiiraan Online:  _
Wararka Maanta- Talaado, Jun 15, 2021
Taliska ciidanka Xoogga dalka oo ka hadlay qaraxii Ismiidaaminta ahaa ee maanta ka dhacay Muqdisho
 

Talaado, Juun, 15, 2021 (HOL) - Taliyaha ciidamada Xoogga dalka Soomaliyeed Jenaraal Odawaa Yuusuf Raage ayaa si faahfaahsan uga hadlay qarax Ismiidaamin ahaa oo barqaninadii maanta ka dhacay afaafka hore ee Xerada tababarada Jenaral Dhagabadan.

Taliye Odawaa ayaa sheegay in qaraxa maanta uu fuliyay ruux isku soo xiray Jaakad walxa qarxa ku rakiban yihiin, islamarkaana uu dhexgalay dhalinyaro dooneysay iney ku biiraan ciidanka Gorgor oo ku jiray safka baaritaanka Xerada Jenaral Dhagabadan si ay Xerada ugu gudbaan.

Taliyaha oo la hadlayay warbaahinta qaranka ayaa sheegay in 10 ka mid ah dhalinyaradii ku sugneed afaafka hore ee Xerada ay ku dhinteen qaraxa halka 20 kalana ay ku dhaawacmeen, kuwaas oo loo qaaday xarumaha Caafimaadka magaalada Muqdisho.

"Allaha u naxariisto waxaa dhimatay 10 kamid dhallinyaro dooneysay in ay ku biiraan ciidamada xoogga dalka waxaana dhaawac soo gaaray 20 kale kuwaa oo ku sugnaa banaanka koontarool-ka laga galo xerada Ciidanka ee General Dhaga badan, dhallinyarada ayaa sugeysay Baaritaanka ka hor inta uusan dhex galin qof naftii halige ah” sidaas waxaa Warbaahinta Qaranka u sheegay Taliyaha ciidanka xoogga dalka General Odawaa Yuusuf Raage.

Jenaraal Odawaa Yuusuf ayaa uga tacsiyadeeyay ehelada iyo shacabka Soomaaliyeed dhalinyarada maanta lagu dilay qaraxa Ismiidaaminta ahaa ee doonayay isu diiwaan gelinta ku biiritaanka ciidanka Gorgor ee dowladda Soomaaliya.

Jamaal Cali Cabdi, Hiiraan Online
[email protected]













Click here
6/15/2021 10:37 AM EST
Talaado, Juun, 15, 2021 (HOL) - Madaxweynaha maamul goboleedka Jubbaland Axmed Maxamed Islaam, Axmed Madoobe ayaa maanta madaxtooyada Jubbaland ku qaabilay wafdi uu hogaaminayay Wakiilka gaarka ah ee Xoghayaha guud ee Qaramada Midoobay u qaabilsan arimaha Soomaaliya James Swan, waxaana wafdiga ka mid ahaa Wakiilka gaarka ah ee Guddoomiyaha Guddiga Midowga Afrika u fadhiya Soomaaliya, Danjire Francisco Caetano Madeira, xubno kasocday Midowga Yurub iyo urur goboleedka IGAD.

6/15/2021 10:29 AM EST
Talaado, Juun, 15, 2021 (HOL) - Madaxweynaha Somaliland Muuse Biixi Cabdi, ayaa kulan dardaaran iyo hogo tusaalayn ah la qaatay xildhibaanada xisbiga Kulmiye ku matali doona golaha wakiilada ee cusub.

6/15/2021 8:54 AM EST
Talaado, Juun, 15, 2021 (HOL) - Madaxweynaha dowlad goboleedka Puntland Siciid Deni ayaa ku baaqay in la ilaaliyo fulinta heshiiskii doorasho ee 27-ka May ee sandkan ay Muqdisho kuwada galeen dowladda federalka Soomaaliya, dowlad goboleedyada iyo gobolka Banaadir.

6/15/2021 7:54 AM EST
Talaado, Juun, 15, 2021 (HOL) - Maleeshiyaad hubeysan ayaa barqanimadii maanta nin Dawaral ahaa ku dilay deegaanka Bacda ee duuleedka degmada Matabaan ee gobolka Hiiraan.

6/15/2021 7:08 AM EST
Talaado, Juun, 15, 2021 (HOL) - Kooxda Alshabaab ayaa sheegatay masuuliyadda weerar ismiidaamin ah oo maanta barqadii lala beegsaday goob ay ku sugnaayeen dhalinyaro Soomaaliyeed oo doonaysay in qortaan ciidamada xoogga dalka.

6/15/2021 3:46 AM EST
Talaado, Juun, 15, 2021 (HOL) - Qarax ismiidaamin ah oo aad u xooggan ayaa lala beegsaday dhalinayro ah dooneysay inay ku biiraan ciidanka milatariga Soomaaliya.

6/15/2021 3:01 AM EST
Talaado, Juun, 15, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta lagu wadaa inuu si rasmi ah u furo Kalfadhiga 48-aad ee Golaha Wakiilada Maamulka Puntland.

6/15/2021 2:02 AM EST
Talaado, Juun, 15, 2021 (HOL) - Madaxweynaha maamul goboleedka Hirshabeelle Cali Cabdullaahi Xuseen ayaa magaalada Muqdisho kula kulmay Wakiilada Beesha Caalamka ee fadhigooda yahay Muqdisho.