9/21/2021
Today from Hiiraan Online:  _
Wararka Maanta- Isniin, Jun 14, 2021
Booliiska Soomaaliya oo shaaciyay iney gacanta ku dhigeen Shabakad dhalinyarada dalka ka dhoofin jirtay
 

Isniin, Juun, 14, 2021 (HOL) - Taliska Booliiska Soomaaliya ayaa faahfaahin ka bixiyay howlgalo aay sheegeen in ciidamada amaanka ka sameeyeen magaalada Muqdisho lagu soo qabqabtay dad kala duwan.

Afhayeenka Booliiska Soomaaliya Sadiiq Aadan Doodishe oo shir Jaraa'id u qabtay warbaahinta ayaa sheegay in ciidanka amaanka aay gacanta kuso dhigeen rag iyo haween uu sheegay iney dhalinyaro badan aay ka tahriibin jireen magaalada Muqdisho.

Afhayeenka Booliiska ayaa intaasi ku daray in dadka aay ciidamada soo qabteen tiradoodu tahay 27 qof oo isugu jira rag iyo dumar, iyadoo 27 ruux 22 ka mid ah yihiin dumar waxaana dhamaantood lagu sheegay iney sifo sharci daro ah magaalada Muqdisho uga dhoofin jireen dhalinyaro farabadan.

Waxuu intaasi ku daray in kooxdan wax tahriibisa aay ciidanka Booliska gacanta kuso dhigeen 8-dii bishan lagu jiro, islamarkaana baaritaano lagu wado la horkeeni doono sharciga.

Afhayeenka ayaa sidoo kale sheegay in ciidamada Booliska aay wadaan howgalo kale oo lagula dagaalamayo kooxo hubeysan oo xiliyad habeenkii ah dhac ka geysta qeybo ka mid ah degmooyinka gobolka Banaadir, islamarkaana qaarkood aay gacanta kuso dhigeen.

Jamaal Cali Cabdi, Hiiraan Online
[email protected]













Click here
6/14/2021 11:25 AM EST
Isniin, Juun, 14, 2021 (HOL) - Kenya iyo Soomaaliya waxay dib ugu soo laabteen dhabbihii dib loogu soo celin lahaa xiriirkii diblomaasiyadeed ka dib khilaaf daba dheeraaday oo labada dal ka dhaxeeyay tan iyo sanadkii hore.

6/14/2021 11:14 AM EST
Isniin, Juun, 14, 2021 (HOL) - Ciidanka nabad sugida Puntland ayaa soo bandhigay askari horey uga tirsanaa ciidanka Puntland oo kasoo goostay kooxda Alshabaab sida uu lagu sheegay wareysi muuqaal ah oo laga duubay askarigan.

6/14/2021 10:48 AM EST
Isniin, Juun, 14, 2021 (HOL) - Maxkamadda sare ee ciidamada qalabka sida Puntland ayaa maanta dil toogasho ah ku xukuntey 17 nin oo ka tirsan ururka Alshabaab. Halka mid 18-aad oo lagu magacaabo Cabdirisaaq Axmed Buraale lagu xukumey Xabsi daa’in, sida lagu xusay go'aan maxkamadda kasoo baxay.

6/14/2021 7:55 AM EST
Isniin, Juun, 14, 2021 (HOL) - Howlgalo qorsheysan oo ka dhan ah Ururka Al-shabaab ayay ciidamada Xoogga dalka ka sameeyeen deegaano ka tirsan gobolka Jubbada Hoose, gaar ahaan deeganada ku yaala Galbeedka Magaalada Kismaayo.

6/14/2021 6:12 AM EST
Isniin, Juun, 14, 2021 (HOL) - Warar dheeraad ah ayaa kasoo baxaya dagaal xoogan oo xalay saqdii dhexe ka dhacay deegaanka Hoosingoow ee gobolka Jubbada Hoose.

6/14/2021 1:22 AM EST
Isniin, Juun, 14, 2021 (HOL) - Golaha Midowga Musharaxiinta madaxweynaha Soomaaliya ayaa bayaan kasoo saaray guddigii maalin ka hor uu magacaabay Raysal wasaataha Soomaaliya Maxamed Xuseen Rooble iney baaritaano kusoo sameeyaan xaalada aay ku sugan yihiin ciidankii tababarka loogu qaaday dalka Eriteria, kuwaas oo la sheegay in laga qeyb galiyay dagaalo ka dhacay gudaha dalka Itoobiya.