9/21/2021
Today from Hiiraan Online:  _
Wararka Maanta- Axad, Jun 13, 2021
Maraykanka oo ciidamo gaar ah u diraya Kenya si ay u fuliyaan howlgallo ka dhanka ah Al-Shabaab
 

Axad, Juun, 13, 2021 (HOL) - Madaxweynaha dowladda Mareykanka Joe Biden ayaa ku dhawaaqay in ciidamo gaar ah oo Mareykan ah loo dirayo Kenya si ay gacan uga geystaan dadaallada ka dhanka ah Alshabab.

Madaxweyne Biden ayaa warqad uu u qoray Koongaraska Mareykanka, wuxuu ku sheegay inuu ogolaaday in ciidamo gaar ah loo diro Kenya, kuwaas oo la filayo inay iskaashi kala sameeyaan militariga Kenya ee la dagaalanka Al-Shabaab.

Tirada ciidamada lamasheegin. Qorshaha ciidan ee Mareykanka ayaa la filayaa inuu noqdo mid xoojiya amaanka dalka Kenya oo sanadihii ugu dambeeyay la kulmayay weeraro qasaaro badan dhaliyay oo kaga imaanayay Al-Shabaab.

Madaxweyne Biden, wuxuu shaaca kaga qaaday warbixintiisa ugu weyn in militariga Mareykanku ay qaadi doonaan duqeymo ka dhan ah Al-Shabaab si loo yareeyo qatarta ay leeyihiin, isagoo qirtay dhowr jeer oo duqeymo caynkan oo kale ah horey u dhaceen tan iyo markii uu xafiiska qabtay.

Madaxweynihii hore ee Mareykanka Donald Trump ayaa bishii Diseembar ee la soo dhaafay wuxuu amar ku bixiyay in laga soo saaro Soomaaliya tiro ciidan oo lagu qiyaasay 700 oo askari oo Mareykan ah ugu dambeyn 15-ka Janaayo 2021.

Abdiweli M. Sheikh, Hiiraan Online
















Click here
6/13/2021 1:49 PM EST
Axad, Juun, 13, 2021 (HOL) - Hoggaamiyaha Golaha Kacdoonka Hiiraan Jenaraal Abuukar Xaaji Warsame Xuud oo maanta shir jaraa'id ku qabtay gudaha magaalada Baledweyne ayaa si faahfaahsan uga hadlay kulan la sheegay inuu dhexmaray isaga iyo madaxweyne ku xigeenka Hirshabeelle Yuusuf Dabageed.

6/13/2021 1:42 PM EST
Axad, Juun, 13, 2021 (HOL) - Mayarka caasimada Hargaysa Cabdiraxmaan Maxamuud Caydiid (Soltelco), ayaa kursiga mayarka Hargaysa oo uu marlabaad u ordayay uga tanaasulay xildhibaan Cabdikariim Axmed Mooge.

6/13/2021 1:28 PM EST
Axad, Juun, 13, 2021 (HOL) - Raysal wasaaraha Soomaaliya Maxamed Xuseen Rooble oo wehlinayeen madaxweynayaasha maamulada Hirshabeelle iyo Galmudug ayaa kulan kula qaatay maanta gudaha magaalada Muqdisho Danjiraha dowladda Mareykanka u fadhiya Soomaaliya Donald Yamamoto.

6/13/2021 9:00 AM EST
Axad, Juun, 13, 2021 (HOL) - Dowladda Soomaaliya ayaa sheegtay in Kenya ay dib u furan karto safaaraddeedii Muqdisho ayna dibloomaasiyiinteeda dib u bilaabi karaan howlahooda, taasoo ugu dambeyn soo afjari karta khilaafka labada dal.

6/13/2021 8:18 AM EST
Axad, Juun, 13, 2021 (HOL) - Guddiga farsamada arrimaha doorashooyinka dalka ee uu dhawaan magacaabay Raysal wasaaraha Soomaaliya Maxamed Xuseen Rooble ayaa maanta magaalada Muqdisho kulan kula qaatay kooxda Qaramada Midoobay u qaabilsan taageerada arrimaha doorashooyinka.

6/13/2021 7:13 AM EST
Axad, Juun, 13, 2021 (HOL)- Maxkamada sarre ee Somaliland oo dhawaan loo gudbiyay natiijadii hordhaca ahayd ee doorashada golayaasha deegaanka iyo wakiilada, ayaa soo saartay jadwalka ansixinta golayaasha deegaaka cusub. Warbixinta ay soo saartay maxkamada sarre ayaa u dhignayd sidan:- Abdilahi Abdi Rahman, Hiiraan Online [email protected]

6/13/2021 6:41 AM EST
Axad, Juun, 13, 2021 (HOL) - Duulimaadyadii diyaradaha Soomaaliya iyo Kenya aay si toos ah u bilaawday maantay oo Axad ah kadib markii aay hakad ku jireen muddo bil ah.

6/13/2021 5:22 AM EST
Axad, Juun, 13, 2021 (HOL) - Warar dheeraad ah ayaa kasoo baxaya howlgalo qorsheysan oo saacadahii lasoo dhaafay ciidamada Militariga Soomaaliya ka sameeyeen deegaano ka tirsan gobolka Sh/hoose.

6/13/2021 1:48 AM EST
Axad, Juun, 13, 2021 (HOL) - Madaxweynaha maamul goboleedka Hirshabeelle Cali Cabdullaahi Xuseen ayaa xilka qaadis ku sameeyay wasiir ku xigeenkii Amniga maamulka Hirshabeelle Xasan Maxamed Cilmi.