9/21/2021
Today from Hiiraan Online:  _
Wararka Maanta- Khamiis, July 8 , 2021
Madaxtooyada Puntland oo jawaab ka bixisay eedaynta wasiir Jamaal u jeediyay madaxweyne Deni
 

Khamiis, Luulyo, 8, 2021 (HOL) - Afhayeenka madaxtooyada Puntland, Jaamac Yuusuf Jaamac (Jaamac Dabaraani), ayaa jawaab ka bixiyay hadal kasoo baxay wasiirka qorshaynta Soomaaliya, Jamaal Maxamed Xasan, kaasoo madaxweynaha Puntland ku eedeeyay inuu faro galin ku hayo doorashada aqalka hoose ee ka dhacaysa Puntland.

Jaamac Dabaraani oo qoraal kusoo daabacay bartiisa twitterka ayaa ku tilmaamay hadalka wasiir Jamaal mid uu u adeegsanayo inuu mar kale colaad iyo rabshado ka huriyo Puntland.

“Waa nasiib daro inaad isku dayeyso inaad sawir xun ka bixiso Puntland iyo dadkeeda! Taariikhda ayaa ku qoridoonta,” ayuu yiri Dabaraani.

Wasiir Jamaal ayaa ugu baaqay madaxweyne Deni oo uu sheegay inuu yahay musharax madaxweyne, in uu faraha kala baxo dhammaan arrimaha la xiriira doorashada & inuu si deg deg ah u joojiyo faragelinta guddiyada farsamada doorashada.

Jamaal wuxuu sheegay in odayaasha beelaha, wakiillada & musharixiinta baarlamaanka ay dhammaantood muujiyeen walaac weyn oo ku saabsan heerka ay gaarsiisan tahay wax is daba marinta, cagajugleyn iyo faragelin uu doorashada ku hayo madaxweyne Deni.

Xildhibaan Jamaal oo lagu tiriyo saaxiibada dhow ee madaxweyne Farmaajo ayaa loolan adag u galidoono sidii uu mar kale kursiga xildhibaanimo ugusoo laaban lahaa.

Warar ay helayso HOL, waxay sheegayaan in madaxtooyada Puntland ay dadaal xooggan badan ku bixindoonto sidii meesha looga saari lahaa inuu xildhibaan Jamaal mar kale soo laabto.

Abdisalan Nur Dirie, Hiiraan Online












Click here
7/8/2021 2:28 PM EST
Khamiis , Luulyo, 8, 2021 (HOL) - Guddoomiyaha xisbiga Waddani Cabdiraxmaan Maxammed Cabdilaahi (Cirro), ayaa sheegay in xisbigiisu diyaar uyahay furista ururada siyaasada.

7/8/2021 9:45 AM EST
Khamiis, Luulyo, 8, 2021 (HOL) - La taliyaha arrimaha doorashooyinka madaxweyne Farmaajo, Cabdi Cali Raage ayaa sheegay in maanta loo diiday inuu ka dago magaalada Kismaayo, diyaaradii uu la socdayna dib loogu celiyo Muqdisho.

7/8/2021 8:49 AM EST
Khamiis, Luulyo, 8, 2021 (HOL) - Wasaaradda waxbarashada Puntland ayaa maanta shaacisay natiijada imtixaanka shahaadiga ee fasalka 4-aad dugsiyada sare, waxayna soo bandhigtay tobankii arday ee ugu sareeyay guud ahaan imtixaanka.

7/8/2021 8:47 AM EST
Khamiis , Luulyo, 8, 2021 (HOL) - Boqolaal kamida dadwaynaha reer Hagaysa, ayaa ka qayb qaadanaya ollole lagu nadiifinayo dooxa wayn ee Hargaysa, oo uu hogaaminayo maayirka cusub ee Hargaysa.

7/8/2021 6:20 AM EST
Khamiis, Luulyo, 8, 2021 (HOL) - Waxaa maanta si rasmi ah loo shaaciyay natiijada Imtixaanka shahaadiga ee fasalka 8-aad ee sanad dugsiyeedka 2020-2021 ee dugsiyada gobolka Banaadir.

7/8/2021 5:23 AM EST
Khamiis, Luulyo, 8, 2021 (HOL) - Madaxweynahii hore ee dalka Koofur Afrika Jacob Zuma ayaa isku dhiibay Booliiska dalkaasi si ay ugu bilaabato 15 bilood oo xabsi oo uu ku muteystay amardiido uu ku sameeyay maxkamada dastuuriga ee dalka Koofur Afrika.

7/8/2021 2:30 AM EST
Khamiis, Luulyo, 8, 2021 (HOL) - Ciidamada Booliiska Soomaaliya ayaa Xalay toogasho ku dilay nin ku hubeysna qoriga AK-47, kaasoo la sheegay inuu doonayay inuu carqaladeeyo dhismaha wadada xiriirisa Muqdisho iyo Balcad.

7/8/2021 2:23 AM EST
Khamiis, Luulyo, 8, 2021 (HOL) - Wasaaradda kalluumaysiga Soomaaliya ayaa dacaayad lagu suurad xumeeyo horrumarada laga sameeyey dhinaca Kalluumeysiga ku tilmaamtay warbixin kasoo baxday urur caalami ah oo daraasadeeya dambiyada abaabulan ee caalamiga ah, oo magaciisa loo gaabiyo Global Initiative.

7/8/2021 1:50 AM EST
Khamiis, Luulyo, 8, 2021 (HOL) - Waxaa Xalay magaalada Muqdisho ku geeriyooday Taliyahii ciidamada Booliiska qeybta gobolka Sh/hoose ee maamulka Koofur Galbeed Gaashaanle sare Muuse Cabduqaadir.