9/20/2021
Today from Hiiraan Online:  _
Wararka Maanta- Isniin, July 5 , 2021
Maamulada Koofur Galbeed iyo Galmudug oo kala doortay guddoomiyaha guddiga doorashada iyo ku xigeenkiisa
 

Isniin, Luulyo, 5, 2021 (HOL) - Waxaa maanta magaalada Muqdisho lagu doortay guddoomiyaha iyo guddoomiye ku xigeenka maamulka Koofur Galbeed Soomaaliya.

Gudoomiyaha guddiga doorashooyinka maamulka Koofur Galbeed ayaa loo doortay Yuusuf Cabduqaadir Maxamed Baffo oo helay codad gaaraya 10 cod, halka Maxamed Cabdullaahi Isxaaq oo la tartamayna uu helay 1 cod kaliya.

Magaalada Muqdisho waxaa Maanta kulan ku yeeshay Guddiga Doorashooyinka Koonfur Galbeed Soomaaliya, iyaga oo  doortey Gudoomiye iyo Gudoomiye Kuxigeen.

Waxaa sidoo kale guddoomiye ku xigeenka guddiga oo loo doortay Nuurdiin Ibraahim Aadan oo helay codad gaarayay 9 cod iyadoo Cabdullaahi Cabdi Mudalin oo la tartamayna uu helay 2 cod kaliya.

Dhinaca kale waxaa doorasho taa lamid ah galay guddiga doorashooyinka maamulka Galmudug, iyaga oo doortay guddoomiye iyo ku xigeenkiisa.

Waxaa xilka guddoomiyaha iyo guddoomiye ku xigeenka guddiga doorashada maamulka Galmudug ku kala guuleystay Maxamed Daahir Guuleed oo loo doortay guddoomiyaha, kaaso helay codad gaaraya 11 cod mana jirin qof la tartamay.

Saacid Aadan Jaamac ayaa isna loo doortay guddoomiye ku xigeenka waxa uuna helay 11 cod, mana jirin cid la tartantay.

Maamul goboleedyada haray ayaa iyagana la filayaa in maalmaha soo socda aay doortaan guddoomiye iyo guddoomiye ku xigeenka guddiga doorashada ee maamuladaasi ku matalaya sida Jubaland, Puntland, Hirshabeelle, kuwa gobolada Waqooyi ee Somaliland, iyo Beelaha Banaadiriga.

Jamaal Cali Cabdi, Hiiraan Online
[email protected]












Click here
7/5/2021 2:56 PM EST
Isniin, Luulyo, 5, 2021 (HOL) - Ciidamada ilaallada jaamacada Camuud ee magaalada Boorama, ayaa wiil dhalinyaro ah oo arday ah toogtay.

7/5/2021 1:51 PM EST
Isniin, Luulyo, 5, 2021 (HOL) - Beesha caalamka ayaa soo saartay warsaxaafadeed ay kusoo dhoweynayso natiijada kasoo baxday shirkii Golaha Wadatashiga Qaranka ee Muqdisho ka dhacay 29-kii Juunyo, ee laga soo saaray go’aano ka mid yihiin jadwal cusub oo doorasho.

7/5/2021 12:08 PM EST
Isniin, Luulyo, 5, 2021 (HOL) - Puntland ayaa kasoo horjeesatay in hay’adda batroolka Soomaaliya ee Somali Petroleum Authority”, ay gasho heshiisyo caalami ah oo ku saabsan arrimaha shati bixinta shidaalka Soomaaliya.

7/5/2021 8:22 AM EST
Isniin, Luulyo, 5, 2021 (HOL) - Maxkamada ciidamada qalabka sida ee maamulka Puntland ayaa bilowday dhegaysiga maxkamadaynta 7 nin oo dhalinyaro oo lagu eedeeyay in ay yihiin shabakad katirsan Alshabaab oo ka howlgali jiray koonfurta magaalada Gaalkacyo ee Galmudug.

7/5/2021 5:11 AM EST
Isniin, Luulyo, 5, 2021 (HOL) - Koomiishanka xuquuqal insaanka Somaliland, ayaa ku baaqay in si dhakhso ah looso gaba gabeeyo dacwada 8 hablood oo Berbera ugu xidhan in ay calanka Soomaaliya ku labisteen.

7/5/2021 4:34 AM EST
Isniin, Luulyo, 5, 2021 (HOL) - Ganacsade Soomaali ah oo lagu magacaabo Cabdullaahi Bootaan Saruurow, ayaa Meydkiisa laga helay meel aan ka fogeeyn Magaalada Brits ee Gobalka North West, ee dalka Koonfur Afrika sida ay Booliska gobalka xaqiijiyeen.

7/5/2021 2:19 AM EST
Isniin, Luulyo, 5, 2021 (HOL) - Xukuumadda Fedaraalka Soomaaliya ayaa ka hadashay xiisad dagaal oo ka taagan magaalada Baledweyne ee xarunta gobolka Hiiraan, kadib dagaal halkaasi ku dhexmaray ciidamada dowladda Soomaaliya iyo kuwa Hirshabeelle oo dhinac ah iyo ciidamada labaxay golaha Kacdoonka Hiiraan.

7/5/2021 2:14 AM EST
Isniin, Luulyo, 5, 2021 (HOL) - Ciidamada dowladda Soomaaliya ayaa xalay deegaanka Darusalaam oo ka mid ah deegnada hoostaga degmada Cadale ee gobolka Sh/dhexe ka sameeyay howlgal ka dhan Al-shabaab oo la sheegay in lagu dilay sarkaal ka tirsanaa Shabaab.

7/5/2021 1:11 AM EST
Isniin, Luulyo, 5, 2021 (HOL)- 2 caruura ayaa ku nafwayay kadib markii uu dab ka kacay guri kuyaala xaafada laynka booliiska, ee magaalada Hargaysa.