9/21/2021
Today from Hiiraan Online:  _
Wararka Maanta- Axad, July 4 , 2021
Jenaraal Xuud " Qof walba xaniinyahiisa ayuu fuulaya, wax waan waan dambe magaleyno"
 

Axad, Luulyo 4, 2021 (HOL) - Hoggaamiyaha golaha kacdoonka Hiiraan Jenaraal Abuukar Xaaji Warsame Xuud ayaa faahfaahin ka bixiyay sababta ka dambeysa dagaal ka dhacay magaalada Baledweyne iyo waxyaabaha keenay.

Jenaraal Xuud ayaa sheegay in dagaalka uu yimid kadib markii looga baxay balan lala galay oo ahaa inaan Baledweyne lagu qaban karin shirar iyo kulamo la xariira maamulka Hirshabeelle waa sida uu hadalka u dhigaye.

" Dagaalka waxaa keenay Hirshabeelle oo dhowr iyo toban wasiir geysay magaalada si ay shir ugu qabsadaan, waxayna ka baxeen heshiis ay nala galeen oo ahaa inaan kulan ama  masuuliyiin kale imaan karin Baledweyne" ayuu yiri Jenaraal Xuud.

Janeraalka ayaa sheegay in khasaaraha dhankooda kasoo gaaray dagaalkii xalay uu yahay dhaawaca laba askari, isagoona sheegay dhanka kale inuu ka arkay dhaawaca afar askari.

Jenaraal Xuud ayaa sidoo kale ugu hanjabay ciidamada AMISOM oo gacanta ku haya garoonka diyaaradaha Baledweyne iney qarxin doonaan diyaarad dambe oo sida madax ka tirsan Hirshabeelle hadii aay kasoo degto garoonka Baledweyne

"Diyaaradahii Baledweyne waxay noqdeen kuwa Hirshabeelle u shaqeeya hadii diyaarad dambe soo degto waan qarxin doona, wax waan waan ah oo aan geli doonana majiran nin walba xaniinyahiisa ayuu fuulaya" ayuu yiri Jenaraal Xuud.

Hadalka Jenaraalka ayaa imaanaya xili xalay ciidamo isaga daacad u ah dagaal xoogan kusoo qaadeen gudaha magalada Baledweyne oo ilaa haatan laga dareemayo xiisad dagaal.

Majirto wali wax war ah oo kasoo baxay dhanka maamulka Hirshabeelle oo ku aadan dagaaladii xalay Baledweyne ku dhexmaray iyaga iyo ciidamada Kacdoonka Hiiraan.

Jamaal Cali Cabdi, Hiiraan Online
[email protected]













Click here
7/4/2021 10:34 AM EST
Axad, Luulyo 4, 2021 (HOL) - Wasaarada deegaanka Somaliland, ayaa sheegtay in ay la wareegayso dhamaan xayawaanka duur-joogta ah ee shacabku haysto.

7/4/2021 9:51 AM EST
Axad, Luulyo 4, 2021 (HOL) - Shil baabur oo ka dhacay degmada Gabilay, ayaa sababay dhimashada 1 qof iyo dhawaca 8 kale.

7/4/2021 9:45 AM EST
Axad, Luulyo 4, 2021 (HOL) - Waxaa goordhaw si rasmi ah usoo gabagaboowday doorashada guddoomiyaha cusub ee guddiga doorashooyinka dadban ee dalka Soomaaliya oo maanta ka dhacday magaalada Muqdisho.

7/4/2021 6:51 AM EST
Axad, Luulyo 4, 2021 (HOL) - Saraakiisha ciidamada kumaandoonka dowladda federalka Soomaaliya, ayaa maanta nawaaxiga magaalada Dhuusomareeb kusoo bandhigay maydad qaarkood madaxa laga jaray oo katirsan dagalamayaal katirsan Alshabaab.

7/4/2021 5:29 AM EST
Axad, Luulyo 4, 2021 (HOL) - Yuusuf Cisman Cabdulle ( Yusuf Shaacir), oo ah abwaan reer Hargaysa ah, ayaa sheegay in uu ka aqbalay dowlada Soomaaliya, oo ku dartay guddida xeel dheerayaasha Afsomaliga.

7/4/2021 5:22 AM EST
Axad, Luulyo 4, 2021 (HOL) - Barlamaanka Puntland ayaa maanta meel mariyay xeer oggolaanaya in guddoomiyaha barlamaanka Puntland xasaanada looga qaadi karo 44 cod, iyagoo meesha ka saaray xeerkii hore oo sheegayay in 34 cod xilka looga qaadi karo.

7/4/2021 3:38 AM EST
Axad, Luulyo 4, 2021 (HOL) - Lixdan askari oo Mareykan ah oo ka qeyb qaatay dagaalkii sanadkii 1993 ciidamada Maraykanku ku galeen Muqdisho ayaa heli doona abaalmarino casri ah sanadkan gudihiisa.

7/4/2021 2:16 AM EST
Axad, Luulyo 4, 2021 (HOL) - Afhayeenka xisbiga Kulmiye Cabdinaasir Muxumed Xasan Buuni, ayaa sheegay in wasiir Dubbe anay waxba ka galin hablaha Borama.

7/4/2021 2:00 AM EST
Axad, Luulyo 4, 2021 (HOL) - Dagaal xoogan oo u dhaxeeyay ciidamada dowladda Soomaaliya iyo ciidamada Golaha Kacdoonka Hiiraan ee uu hoggaamiyo Jenaraal Abuukar Xaaji Warsame Xuud ayaa ka dhacay magaalada Baledweyne.

7/4/2021 1:07 AM EST
Axad, Luulyo 4, 2021 (HOL) - Hoggaamiyaasha golaha Kacdoonka Hiiraan ayaa waqti kooban u qabtay iney isaga baxaan gudaha magaalada xubno ka tirsan golaha wasiirada maamulka Hirshabeelle oo Baledweyne ku sugan.

7/4/2021 1:00 AM EST
Axad, Luulyo 4, 2021 (HOL) - Magaalada Makelle ee Caasimada gobolka Tigray waxaa lagu soo bandhigay kumanaan mabaaxiis oo ka tirsan ciidamada Militariga dowladda Itoobiya, kuwaas oo la sheegay in lagu qabtay dagaaladii u dhaxeeyay TPLF iyo Militariga dalka Itoobiya.