9/23/2021
Today from Hiiraan Online:  _
Wararka Maanta- Sabti, July 3 , 2021
Raysal wasaaraha Soomaaliya oo si kulul u Cambaareeyay qaraxii Ismiidaaminta ee Muqdisho ka dhacay
 

Sabti, Luulyo 3, 2021 (HOL) - Raysal wasaaraha Soomaaliya Maxamed Xuseen Rooble ayaa si kulul u cambaareeyay qarax Ismiidaamin ahaa oo xalay maqribkii ka dhacay goob Maqaaxi ah oo Shaaha lagu cabo kasoo geystay khasaare isugu jira dhimasho iyo dhaawac.

Qaraxa Ismiidaaminta ahaa waxaa waxaa fuliyay ruux naftii hure ah oo isku soo rakibay waxyaabaha qarxa kaasoo la dhexgalay dad farabadan oo Maqaaxida fadhiyay, waxaana la sheegay iney ku dhinteen dad gaaraya ilaa 5 ruux tiro intaasi ka badana aay ku dhaawacmee.

Rayal wasaare Rooble ayaa sheegay in Al-shabaab qaraxa aay ku dileen dad aan waxba galabsan, waxuunq u tacsitadeeyay dadkii halkaasi ku geeriyooday.

"Waxaan cambaareynayaa qaraxii argagixisada Alshabaab galabta ka geysteen Muqdisho oo ay ku dhinteen kuna dhaawacmeen dad rayid ah oo aan waxba galabsan.Inta dhimatay Allaha u naxariisto, dhaawacyadana Allaha bogsiiyo. Falkan bahalnimada iyo arxan darrida ah waxa uu muujinayaa sida ay argagixisada uga go’antahay waxyeelleynta shacabka, taas oo waajib nooga dhigeysa in aan isu kaashanno la dagaallanka iyo ciribtirka argagixisada noo diiddan nabadda iyo dowladnimada" ayuu yiri Raysal Wasaare Rooble.

Bishii lasoo dhaafay ayay aheyd markii qarax Ismiidaamin ah oo uu fuliyay ruux isku soo xiray waxyaabaha qarxa oo uu ku dilay in ka badan 10 dhalinyaro ah oo dooneysay iney ku biiraan ciidamada dowladda, kaasoo ka dhacay xerada tababarada Janeraal dhagabadan ee magaalada Muqdisho.

Jamaal Cali Cabdi, Hiiraan Online
[email protected]













Click here
7/3/2021 3:07 PM EST
Sabti, Luulyo 3, 2021 (HOL) - Waxaa maanta magaalada Muqdisho ugu soo gabagaboobay tababar muddo sadax cisho ah u socday guddiyada doorashooyinka dalka Soomaaliya.

7/3/2021 11:17 AM EST
Sabti, Luulyo 3, 2021 (HOL) - Dad gadoodsan oo iskugu soo baxay magaalada Gabilay, ayaa dab qabadsiiyay calanka buluuga ah ee Soomaaliya.

7/3/2021 10:09 AM EST
Sabti, Luulyo 3, 2021 (HOL) - Ururka caalamiga ah ee ka dhanka ah dambiyada abaabulan, oo loo gaabiyo Global Initiative, ayaa daabacay warbixin ku saabsan kalluumaysiga sharci darrada ah ee ka jira xeebaha Soomaaliya iyo musuqmaasuqa ka dhex jira hay'adaha dowladda Soomaaliya iyo kuwa maamul goboleedyada.

7/3/2021 6:37 AM EST
Sabti, Luulyo 3, 2021 (HOL) - Waxaa maanta magaalada Baledweyne soo gaaray tiradii ugu badneyd ee golaha wasiirada maamulka Hirshabeelle tan iyo markii Hirshabeelle madaxweyne ka noqday Cali Cabdullaahi Xuseen Guudlaawe.

7/3/2021 5:18 AM EST
Sabti, Luulyo 3, 2021 (HOL) - General Cabdulqaadir Cali Diiriye (Subxaanyo) oo ka tirsanaa Saraakiishii Ciidanka Asluubta ee Dowladdii Dhexe iyo bud- dhigayaashii ciidamada qalabka sida ee Soomaaliya, ayaa saakay ku geeriyooday magaalada Muqdisho.

7/3/2021 4:30 AM EST
Sabti, Luulyo 3, 2021 (HOL) - Dowladda Soomaaliya ayaa shaacisay in ay toban qof ku geeriyoodeen, halka tobaneeyo kalena ay ku dhawacmeen qarax is-miidaamin ah oo habeenkii xalay ka dhacay magaalada Muqdisho.

7/3/2021 3:37 AM EST
Sabti, Luulyo 3, 2021 (HOL) - Dagaalamayaasha Al-shabaab ayaa sheegtay masuuliyada qaraxii Ismiidaaminta ahaa ee xalay Maqribkii ka dhacay Maqaaxi Shaaha lagu cabo oo ku taalay agagaarka Isgoyska Jubba ee magaalada Muqdisho.

7/3/2021 3:30 AM EST
Sabti, Luulyo 3, 2021 (HOL) - Lix bilood kadib waxaa si rasmi ah loo furay Safaaradda Soomaaliya ay ku leedahay magaalada Nairobi ee dalka Kenya, kadib xal laga gaaray khilaaf diblumaasiyadeed oo u dhaxeeyay dowladaha Soomaaliya iyo Kenya.