9/20/2021
Today from Hiiraan Online:  _
Wararka Maanta- Jimco, July 23, 2021
Dowladda Soomaaliya oo ka hadashay duqayn maanta lagu garaacay saldhigyo Alshabab ku lahaayeen meel ku dhow Xarar dheere
 

Jimco, Luulyo, 23, 2021 (HOL) - Dowladda Soomaaliya ayaa sheegtay in Al-Shabaab ay la kulantay khasaare kale oo weyn, kaddib markii duqeyn xagga cirka ah ay ku garaacday dagaalamayaal ku sugnaa inta u dhexeeysa Qaycad iyo Xarardheere ee gobolka Mudug.

War-saxaafadeed ka soo baxay Wasaaradda Warfaafinta ee dowladda ayaa lagu sheegay in weerarka duqaynta lagu dilay dhowr dagaalyahanno, sidoo kalena lagu burburiyay hub.

Lama sheegin tirada dhimasho ah, inkastoo bayaanka lagu xusay in la qiimeeynayo waxyeelada weerarka.

Dowladdu ma sheegin cidda ka caawisay weerarka cirka ah, mana jirin wax xaqiijin ah oo ka soo baxay Taliska Mareykanka ee Afrika ama AMISOM.

Horraantii toddobaadkan, Mareykanku ayaa qaaday duqeyntiisii ugu horreysay tan iyo markii maamulka Biden la wareegay talada dalkaas.


Abdiweli M. Sheikh, Hiiraan Online
 












Click here
7/23/2021 11:07 AM EST
Jimco, Luulyo, 23, 2021 (HOL) - Wiil iyo gabadh dhalinyaro ah ayaa inta la ogyahay ku nafwaayay tiro kalena way ku dhaawacantay, shil baabuur oo ka dhacay meel aan ka fogayn hotelka Saw ee magaalada Boorama ee gobolka Awdal.

7/23/2021 10:49 AM EST
Jimco, Luulyo, 23, 2021 (HOL) - Wasiirka wasaarada dhaqanka iyo dhalinyarada dalka Jamhuuriyada Jabuuti Marwo Hibo Muumin iyo wafti ay hogaaminayso, ayaa soo gaadhay caasimada Somaliland ee Hargaysa.

7/23/2021 10:40 AM EST
Jimco, Luulyo, 23, 2021 (HOL) - Raysal wasaaraha Xukuumada Soomaaliya Maxamed Xuseen Rooble ayaa xilka qaadis ku sameeyay Agaasimahii Shaqaalaha hay'adda Nabadsugida Cabdullaahi Kulane iyo taliyahii Nabadsugida ee garoonka Aadan Cadde Cabdiwahaab Sheekh Cali.

7/23/2021 7:51 AM EST
Jimco, Luulyo, 23, 2021 (HOL) - Gudoomiyahii hore ee Gobolka Gedo Cismaan Nuur Xaaji (Macalimuu), ayaa sheegay in hay'ada nabad sugida ay saaka mar kale ka celisay garoonka diyaaradaha Aadan Cadde isaga iyo wafdi la socday.

7/23/2021 6:55 AM EST
Jimco, Luulyo, 23, 2021 (HOL) - Wararka aan ka helayno koonfurta gobolka Mudug, ayaa sheegaya in ciidamadda xoogga dalka iyo kuwa Galmudug ay dagaal culus oo qeyb ka ah duqeymo ku qaadeen xarumo kooxda Alshabab ku lahaayeen konfurta gobolka Mudug.

7/23/2021 6:44 AM EST
Jimco, Luulyo, 23, 2021 (HOL) - Taliyihii booliiska degmada Gar-adag ee gobolka Sanaag Cabaas Maxammed Diiriye, ayaa lagu dilay howlgal uu hogaaminayay oo ciidanka booliiska degmadu fuliyeen.

7/23/2021 3:00 AM EST
Jimco, Luulyo, 23, 2021 (HOL) - Wasiirka amniga maamul goboleedka Galmudug Axmed Macalin Fiqi oo la hadlay warbaahinta ayaa sheegay in jab iyo khasaare xoog leh ay gaarsiiyeen dagaalamayaasha Al-shabaab ee ku sugan deegaanada maamulka Galmudug.

7/23/2021 2:20 AM EST
Jimco, Luulyo, 23, 2021 (HOL) - Raysal wasaaraha Soomaaliya Maxamed Xuseen Rooble ayaa xalay kulan casho sharaf la qaatay guddiga doorashooyinka heer Fedaraal.