7/30/2021
Today from Hiiraan Online:  _
Wararka Maanta- Sabti, July 17, 2021
Cabinaasir Qodax "Shirweyne uunbaa laygaga qaadi kara xilka"


 

Sabti, Luulyo, 17, 2021 (HOL) - Xildhibaan Cabdinaasir Yuusuf Cismaan (Qodax), ayaa waraysi uu MM TV siiyay ku sheegay in xisbiga UCID aanu ka qaadi karin xubinimada xisbiga.

Cabdinaasir oo xisbiga UCID uu sheegay in xisbiga laga caydhiyey, ayaa sharci daro ku tilmaamay go'aanka uu xisbigiisu gaadhay.

"Waxan u arkaa arrin sharci daro ah, oo shirwayne uun baa laygaga qaadi kara xilka" ayuu yidhi Qodax.

"Gole dhexe iyo gudi fulina igama qaadi karto waad soo akhriyigi kartaa xeerarka xisbiga" ayuu hadalkiisa ku daray.

Qodax ayaa ku andacooday in ay xaq u leeyihiin in ay isbahaysi la samaystaan xisbiga ay doonaan.

"Waxan u arkaa in aanu u leenahay xaq siyaasi ah" ayuu yidhi.

Qodax oo xisbiga UCID ku eedeeyay in uu faafiyay sirta xisbiga, ayaa diiday in uu wax sir ah faafiyay.

"Anuu sir xisbi maan soo ban dhigin waxan soo ban dhigay uun aragtida aan ka qabo hogaankii hogaamin laha wakiilada" ayuu yidhi.

Xisbiga UCID ayaa sheegay in ay eryeen xildhibaan Qodax oo aha xogeeye ku xigeenkii xisbiga iyo xildhibaan xisbiga kasoo baxay.

Sababta Qodax xisbiga looga eryay, ayaa ah in isaga iyo xildhibaano uu wataa ay heshiis isbahaysi la galeen xisbiga Kulmiye.

Abdilahi Abdi Rahman, Hiiraan Online
[email protected]














Click here
7/17/2021 9:14 AM EST
Sabti, Luulyo, 17, 2021 (HOL) - Xildhibaan Yaasiin Maxamuud Xiir (Faratoon), oo isbahaysiga xildhibaanada UCID iyo Kulmiye u sharaxeen jagada shirgudoonka wakiilada Somaliland, ayaa balan qaaday in uu sinaan ku hogaamin doono golaha.

7/17/2021 7:36 AM EST
Sabti, Luulyo, 17, 2021 (HOL) - Guddoomiyaha aqalka sare ee Soomaaliya ayaa ku eedeeyay raysal wasaare Rooble in aanu masuuliyad iska saarin xallinta khilaafka ka taagan doorashada xildhibaanada labada aqal ee Somaliland.

7/17/2021 7:26 AM EST
Sabti, Luulyo, 17, 2021 (HOL) - Gudiga maamulaysa tartanka gabayada oo maalmihii la soo dhaafay ka socdey magaalada Buuhoodle ayaa lagu dhawaaqay sedexda xubnood ee ku guulaystey kaalmaha u horeeya.

7/17/2021 7:21 AM EST
Sabti, Luulyo, 17, 2021 (HOL) - Xisbiga UCID ayaa xubinimadii iyo xilkiiba ka qaaday Cabdinaasir Yuusuf Cismaan (Qodax), oo ahaa xogeeye ku xigeenkii xisbiga UCID kadib markii isaga iyo xildhibaanu uu hogaaminaya isbahaysi la samaysten xisbiga Kulmiye.

7/17/2021 6:48 AM EST
Sabti, Luulyo, 17, 2021 (HOL) - Inta la ogyahay 9 xildhibaan oo ka tirsan xisbiga UCID, ayaa isbahaysi siyaasadeed kula midoobay xisbiga Kulmiye.

7/17/2021 6:45 AM EST
Sabti, Luulyo, 17, 2021 (HOL) - Shan muwaadin oo Soomaali ah oo loo haystay burcad badeednimo ayaa Jimcihii shalay la siidaayay kadib markii maxkamada sare ee Seychelles ay ogaatay in aysan jirin cadeyn ku filan oo ay ku taageerto eedaha loo soo jeediyay.

7/17/2021 6:43 AM EST
Sabti, Luulyo, 17, 2021 (HOL) - Waxa hotelka Maansoor ee magaalada Hargaysa lagu soo bandhigay buuga Hawaale Warran oo uu qoray abwaan Maxammed Ibraahin Warsame (Hadraawi).

7/17/2021 6:34 AM EST
Sabti, Luulyo, 17, 2021 (HOL) - Guddoonka Golaha wakiilada Dowladda Jubbaland, ayaa maanta magacaabay xubnaha guddiga Baarlamaanka ee qabashada doorashada Aqalka sare ee Jubbaland.

7/17/2021 1:33 AM EST
Sabti, Luulyo, 17, 2021 (HOL) - Maamulka dowlad deegaanka Soomaalida Itoobiya ayaa sheegay in suuragal tahay iney ciidamo u diraan dowladda dhexe ee dalka si ay uga qeyb qaataan dagaalka u dhaxeeya dowladda iyo Falaagada TPLF.

7/17/2021 1:28 AM EST
Sabti, Luulyo, 17, 2021 (HOL) - Ciidamada Xoogga Dalka Soomaaliya ayaa howlgalo ka dhan ah Al-shabaab ka sameeyay tuulooyin dhowr ah oo hoos yimaada degmada Janaale ee gobolka Sh/hoose.

7/17/2021 1:25 AM EST
Sabti, Luulyo, 17, 2021 (HOL) - Raysal wasaaraha dowladda Soomaaliya Maxamed Xuseen Rooble ayaa soo dhaweeyay Jadwalka hanaanka doorashooyinka labada aqal ee Baarlamaanka Soomaaliya ee ay soo saareen guddiga doorashooyinka heer Fedaraal ee FEIT.