9/21/2021
Today from Hiiraan Online:  _
Wararka Maanta- Khamiis, July 1 , 2021
Munaasabadda 1-da Luulyo oo laga xusay magaalada Muqdisho iyo gobolada dalka
 

Khamiis, Luulyo 1, 2021 (HOL) - Munaasabado heerkoodu aad u sareeyo oo lagu weyneynaayo xuska 1-da Luulyo oo ku asteysan 61-sano guuradii kasoo wareegatay markii gobolada Koofureed xornimada ka qaateen gumeystihii Talayaaniga sanadka markuu ahaa 1960-kii iyo israacii labada gobol ee Koofur iyo Waqooyi ayaa xalay lagu qabtay magaalada Muqdisho iyo qaar ka mid ah gobolada dalka.

Boqolaal shacab ah oo u badan dhalinyaro ayaa xalay lagu arkaayay iyagoo dhex damashadaya wadooyinka waa weyn ee magaalada Muqdisho iyo goobaha taariiqiga ah ee ku yaala magaalada Muqdisho, iyaga oo ku labisan dhar ka sameysan midabka Calanka dalkeena Soomaaliya.

Goobta ugu mashquulka badneyd ee dad weynaha ugu badan isugu tageen ayaa aheyd fagaaraha Daljirka Dahsoon halkaas oo aay buux dhaafiyeen dadweyne farabadan oo ka kala yimid dhamaan degmooyinka gobolka Banaadir, waxaana halkaasi kula hadlay dadkii ku sugnaa guddoomiyaha gobolka Banaadir Cumar Fishin oo la qeybsaday farxada iyo u dabaaldega maalinta 1-da Luulyo.

Dhinaca kale madaxweynaha Soomaaliya Maxamed Cabdullaahi Farmaajo ayaa Xalay calan-saaray Madaxtooyada Qaranka Soomaaliya, si loo maamuuso Maalinta Xorriyadda iyo Midnimada ee 1-da Luulyo oo ku aadan sannad-guurada 61-aad ee ka soo wareegtay xornimada Gobollada Koonfureed iyo midowga Labadii Gobol ee gumaystuhu uu kala qaybiyey.

Madaxweynaha ayaa dhammaan shacabka Soomaaliyeed ugu hambalyeeyay maalintan qiimaha badan oo ku suntan gobanimada, midnimada iyo dowladnimada dadka Soomaaliyeed ee maal iyo naf-ba u huray hanashada Qaran ka tarjumaya himilada iyo hiigsigooda.

Raysal wasaaraha Soomaaliya Maxamed Xuseen Rooble ayaa dhankiisa uga hambalyeeyay shacabka Soomaaliyeed.

"Waxaan Shacabka Soomaaliyeed meel walba oo ay joogaan ugu hambalyeynayaa  munaasabadda 1-da Luulyo oo ku beegan Sanad guurada 61aad ee ka soo wareegtay Xorriyaddii Gobollada Koofureed ee dalkeenna, Midowgii Koofur iyo Woqooyi iyo Dhalashadii Qarankeenna.Waxaan abaal u haynaa, ku faaneynaa, una duceyneynaa aabbeyaashii u soo halgamay, soona hooyay xorriyadda aan ku naallooneyno kuwaas oo guushaas ku gaaray isku duubni, wadajir, walaalnimo iyo is-jaceyl" ayuu yiri Raysal wasaare Rooble.

Gabagabadii xuska maalintan qiimaha badan ku leh shacabka Soomaaliyeed ayaa si weyn waxaa looga dareemay u dabaal-dageeda guud ahaan dalka Soomaaliya

Jamaal Cali Cabdi, Hiiraan Online
[email protected]

 













Click here
7/1/2021 1:51 PM EST
Khamiis, Luulyo 1, 2021 (HOL) - Wasiirka arrimaha gudaha Somaliland Maxamed Kaahin Axmed, ayaa sheegay in Somaliland ilaalinta amniga kaga duwantahay dowlada Soomaaliya.

7/1/2021 10:49 AM EST
Khamiis, Luulyo 1, 2021 (HOL) - Madaxweynaha Soomaaliya Maxamed Cabdullahi Farmaajo oo khudbad ku aaddan 1-da luuliyo u jeediyey Shacabka Soomaaliyeed ayaa ku bogaadiyey sida ay u weyneeyeen, uguna dabbaal-degeen 61-guurada ka soo wareegtay Xornimada Gobollada dalka iyo Midowga labada Gobol ee Waqooyi iyo Koonfur ee gumeystuhu uu kala qeybiyey.

7/1/2021 9:25 AM EST
Khamiis, Luulyo 1, 2021 (HOL) - Dowladda Maraykanka ayaa ugu baaqday dowladda federaalka iyo dowlad goboleedyada inay si deg deg ah oo ugu macquulsan usoo geba-gebeeyaan hanaanka doorashada dalka.

7/1/2021 8:40 AM EST
Khamiis, Luulyo 1, 2021 (HOL) - Guddoomiyaha xisbiga UCID Faysal Cali Waraabe, ayaa sheegay in Somaliland xornimadeeda wayday 1 July.

7/1/2021 7:16 AM EST
Khamiis, Luulyo 1, 2021 (HOL) - Ciidamada booliska Somaliland, ayaa xabsiga dhigay Degen Miiraash oo isku dayday in ay hor istaagto dhalinyaro magaalada Borama ku gubayay calanka Soomaaliya.

7/1/2021 6:54 AM EST
Khamiis, Luulyo 1, 2021 (HOL) - Mareeyaha hay'ada duulimaadyada Somaliland Cumar Sayid Cabdilaahi, ayaa sheegay in la fasaxay shirkada Fly Dubai.

7/1/2021 6:26 AM EST
Khamiis, Luulyo 1, 2021 (HOL) - Madaxweynaha dowladda Federaalka Soomaaliya Maxamed Cabdullaahi Farmaajo oo maamusaya Xuska Maalinta Xorriyadda iyo Midnimada ee 1-da Luulyo ayaa ubax lagu maamuusayey gobanimada, midnimada iyo geesiyaashii naftooda u huray halgankii gobonnimo doonka dalkeenna dhigay Taallada SYL.

7/1/2021 2:37 AM EST
Khamiis, Luulyo 1, 2021 (HOL) - Booliiska Soomaaliya ayaa shaaciyay in gacanta lagu soo dhigay rag falal burcadnimo ah ka geysan jiray magaalada Muqdisho, kadib howlgalo burcad sifeyn ah ah oo aay ka sameeyeen degmooyinka gobolka Banaadir.

7/1/2021 1:23 AM EST
Khamiis, Luulyo 1, 2021 (HOL) - Wasiirka warfaafinta Somaliland Saleebaan Yusuf Cali Koore, ayaa hambalyo udiray qaar kamida dhalinyarada Borama iyo Laascaanood oo muuqaalo iska soo duubay iyago ku labisan calanka Somaliland.

7/1/2021 1:09 AM EST
Khamiis, Luulyo 1, 2021 (HOL) - Wararka ka imaanaya deegaanka Kuunya Baroow ee gobolka Sh/hoose ayaa sheegaya in halkaasi shalay galinkii dambe ay dhaqdhaqaaqa Al-shabaab goob fagaare ah ku toogteen ilaa 8 ruux oo aay ku eedeeyeen basaasnimo.