1/21/2021
Today from Hiiraan Online:  _
Wararka Maanta- Talaado, Jan 12, 2021
Midowga musharixiinta oo beesha caalamka u dirray hannaanka loo qaban karo doorasho leysku waafaqsan yahay


 

Talaado Janaayo,12, 2021 (HOL) - Golaha Midowga musharixiinta Madaxweynaha Soomaaliya ayaa beesha caalamka u gudbiyay qoraal ay walaac ay kaga muujinayaan cawaaqib xumo ay sheegeen in ay ka dhalan karto habka ay dowladda federalka ku wado nidaamka doorashooyinka dalka.

Golaha Midowga musharixiinta Madaxweynaha waxay sheegeen tallaabooyinka ay dowladdu wado in ay khatar gelinayaan midnimada Soomaaliya ayna fursad siinayaan Al-Shabaab iyo kooxo kale oo mucaarad ah oo hubaysan.

Waxay ku celiyeen inay diyaar u yihiin hanaan doorasho oo xalaal ah oo waqtigooda dhaca, waxayna soo saareen baaqaan hoos ku xusan.

Waxay ku baaqeen baahida degdegga ah ee loo qabo heshiis xaqiijinaya Daacadnimada iyo dhexdhexaadnimada guddiyada doorashooyinka. Golaha musharixiinta waxay sheegeen in ay diyaariyeen liis ay ku qoran yihiin kuwa laga saarayo guddiyada hirgelinta doorashooyinka ee lagu muransan yahay.

Waxay codsadeen kulan deg deg ah oo dhexmara Gudoomiyaha Aqalka Sare iyo madax dhaqameedka ka soo jeeda goboladaas, si ay u doortaan xubnaha guddiga doorashada. Waxay kaloo codsadeeen in doorashada wakiilada Somaliland u matalaya labada aqal ee barlamaanka ay ka dhacdo xerada Xallane lana hoos geeyo beesha caalamka.

Goluhu murrashixiintu waxay soo jeediyeen in Caasimadaha Dowladaha Xubnaha ka ah dowladda Federaalka lagusoo koobo doorashooyinka xildhibaanada aqalka hoose, halkii laga dhigi lahaa labo magaalo sida ku xusan heshiiska doorashada.

Goluhu waxay ku baaqeen kulan deg deg ah oo ay yeeshaan hoggaamiyeyaasha Dowladda Federaalka, Dowladaha Xubnaha ka ah Federaalka, musharixiinta iyo xubnaha muhiimka ah ee bulshada rayidka ah, iyo kormeerayaasha Beesha Caalamka si looga fogaado isfaham waaga.


Abdiweli M. Sheikh, Hiiraan Online
[email protected]












Click here
1/12/2021 4:13 PM EST
Talaado Janaayo,12, 2021 (HOL) - Madaxwyenaha Puntland Siciid Deni ayaa kala diray golihii deegaanka degmada Gaalkacyo, sida lagu sheegay wareegto caawa kasoo baxday madaxtooyada Puntland.

1/12/2021 2:24 PM EST
Talaado, Janaayo, 12. 2021 (HOL)- Qoraal dheer oo ka soo baxay beesha caalamka ayaa looga hadlay walaaca guud oo ay ka qabaan Ismari-waaga wali ka taaggan geedi socodka doorashada Soomaaliya

1/12/2021 1:34 PM EST
Talaado Janaayo, 12, 2021 (HOL) - Goob ku taal koonfurta magaalada Laascaanood ayaa caawa fiidkii qarax ka dhacay kaas oo la sheegay in uu ahaa bam gacmeed.

1/12/2021 11:39 AM EST
Talaado, Janaayo, 12, 2021 (HOL) -Ra'iisal Wasaaraha Xukuumadda Soomaaliya Maxamed Xusseen Rooble ayaa sheegay in aan lala socodsiin go'aanka Wasiirka Ganacsiga Soomaaliya Khaliif Cabdi Cumar uu ku kala diray maamulkii Rungta Ganacsiga iyo Warshadaha Soomaaliya.

1/12/2021 9:33 AM EST
Talaado, Janaayo, 12, 2021 (HOL) -Dowladda Soomaaliya ayaa gabi ahaanba ka qaaday saanbaagyada carrada laga buuxiyo oo ay isticmaalaan ciidamada AMISOM xarunta CID ee KM4 oo ciriiri badan ay ku qabeen gaadiidka dadweynaha.

1/12/2021 4:58 AM EST
Talaado Janaayo,12, 2021 (HOL) - Dowladda Soomaaliya ayaa markii ugu horeysay ka hadashay ciidamo hubeysan oo muqaalkooda lagu baahiyay baraha Bulshada kuwaas oo la sheegayay in loo diyaariyay ka hortaga doorasho aan wada ogol aheyn oo ka dhacda Dalka.

1/12/2021 4:38 AM EST
Talaado Janaayo, 12, 2021 (HOL) - Madaxweynaha Dowlad Gobolleedka Galmudug Axmed Cabdi Kaariye QoorQoor ayaa isaga oo wareysi siiyay laanta Afka Soomaaliga ee BBC da sheegay in dalka aysan ka dhici doonin doorasho hal dhinac ah.

1/12/2021 3:53 AM EST
Talaado, Janaayo, 12, 2021 (HOL) - Madaxweynaha maamulka Koonfur Galbeed Cabdicasiis Xassan Maxamed Lafta-gareen ayaa dib ugu laabtay magaalada Baydhabo kaddib kulan uu uga qeybgalay magaalada Muqdisho.

1/12/2021 2:43 AM EST
Talaado Janaayo,12, 2021 (HOL) - Sarkaal katirsanaa Al-shabaab oo lagu magacaabo Cabdulfatah Abu bakar Abdi oo loo yaqaano Mousa al Muhajir oo ay wehliyaan 20 kamid ah dagaalyahanadiisa, ayaa wararku sheegayaan inuu ku biirayo ISIS.

1/12/2021 2:40 AM EST
Talaado Janaayo,12, 2021 (HOL) - Qaramada Midoobay ayaa ka digtay xaaladaha siyaasadeed ee ka jira dalka Uganda xilli walaac laga muujinayo suurtagalnimada in la helo doorashooyin baarlamaan iyo madaxtinimo oo xor iyo xalaal ah dabayaaqada toddobaadkan.

1/12/2021 1:04 AM EST
Talaado Janaayo,12, 2021 (HOL) - Madaxweynaha Soomaaliland Muuse Biixi Cabdi ayaa si adag uga soo horjeestay doorashada xildhibaannada Soomaaliland ku matala dowladda dhexe oo lagu waddo in doorashadoodu ku dhacdo gobolka Banaadir.

1/12/2021 12:20 AM EST
Talaado, Janaayo, 12 2021 (HOL) - Wararka ka imanaya gobolka Jubbada Hoose ayaa sheegaya in qarax lala eegtay gaari ay la socdeen ciidamo Kenyaan ah oo marayay deegaanka lagu magacaabo Husungoow.