1/28/2021
Today from Hiiraan Online:  _
Wararka Maanta- Talaado, Jan 12, 2021
Dowladda Soomaaliya oo ka hadashay muqaalka ciidamo dhawaan lagu soo bandhigay Duleedka Muqdisho


 

Talaado Janaayo,12, 2021 (HOL) - Dowladda Soomaaliya ayaa markii ugu horeysay ka hadashay ciidamo hubeysan oo muqaalkooda lagu baahiyay baraha Bulshada kuwaas oo la sheegayay in loo diyaariyay ka hortaga doorasho aan wada ogol aheyn oo ka dhacda Dalka.

Wasiir ku xigeenka wassaaradda warfaafinta Xukuumadda Soomaaliya Cabdiraxmaan Sheekh Yuusuf Al-cadaala oo soo saaray qoraal uu kaga hadlaayo iney waxba kama jiraan tahay ciidamada la sheegay iney kasoo horjeedaan doorashada ay ku dhawaaqday Xukuumadda Soomaaliya.

"Muqaalka maalmahaan la wareejinayay ee lagu sheegay ciidamo kasoo horjeeda doorashada waa been abuur aan sal iyo raad toona laheyn mana ahan muqaalo hadda la duubay ciidamada muqaalka ka muuqdana ma aha kuwa falaago ah" ayuu yiri wasiir ku xigeenka warfaafinta Soomaaliya Cabdiraxmaan Al-cadaala.


Wasiir Cabdiraxmaan Sheekh Yuusuf Al-cadaala ayaa sido kale Warbaahinta iyo dadka wax qoro ugu baaqay ineysan hurinin oo aysan ka qeyb qaadan tabinta waxyaabaha colaada hurinaya.

"Waxaan ugu naseexaynayaa Warbaahinta iyo Dadka wax faafiya in laga dhawrsado been abuurka nuucaan oo kale ah waa ku gaf Qaranka, waa ku gaf ciidamada, waana ku gaf Shacabka Soomaaliyeed Colaad hurintu ma aha dimuquraadiyad" ayuu yiri Al-cadaala

Hadalka wasiir ku xigeenka warfaafinta Soomaaliya ayaa imaanaya xili dhawaan lasoo bandhigay muqaalka ciidamo hubeysan lagu soo bandhigay duleedka Muqdisho kuwaas oo la sheegay iney u diyaar garoobayaan ka hortaga doorashada Xukuumadda Soomaaliya ku dhawaaqday.

Jamaal Cali Cabdi, Hiiraan Online
[email protected]












Click here
1/12/2021 4:13 PM EST
Talaado Janaayo,12, 2021 (HOL) - Madaxwyenaha Puntland Siciid Deni ayaa kala diray golihii deegaanka degmada Gaalkacyo, sida lagu sheegay wareegto caawa kasoo baxday madaxtooyada Puntland.

1/12/2021 2:24 PM EST
Talaado, Janaayo, 12. 2021 (HOL)- Qoraal dheer oo ka soo baxay beesha caalamka ayaa looga hadlay walaaca guud oo ay ka qabaan Ismari-waaga wali ka taaggan geedi socodka doorashada Soomaaliya

1/12/2021 1:34 PM EST
Talaado Janaayo, 12, 2021 (HOL) - Goob ku taal koonfurta magaalada Laascaanood ayaa caawa fiidkii qarax ka dhacay kaas oo la sheegay in uu ahaa bam gacmeed.

1/12/2021 11:39 AM EST
Talaado, Janaayo, 12, 2021 (HOL) -Ra'iisal Wasaaraha Xukuumadda Soomaaliya Maxamed Xusseen Rooble ayaa sheegay in aan lala socodsiin go'aanka Wasiirka Ganacsiga Soomaaliya Khaliif Cabdi Cumar uu ku kala diray maamulkii Rungta Ganacsiga iyo Warshadaha Soomaaliya.

1/12/2021 9:33 AM EST
Talaado, Janaayo, 12, 2021 (HOL) -Dowladda Soomaaliya ayaa gabi ahaanba ka qaaday saanbaagyada carrada laga buuxiyo oo ay isticmaalaan ciidamada AMISOM xarunta CID ee KM4 oo ciriiri badan ay ku qabeen gaadiidka dadweynaha.

1/12/2021 7:58 AM EST
Talaado Janaayo,12, 2021 (HOL) - Golaha Midowga musharixiinta Madaxweynaha Soomaaliya ayaa beesha caalamka u gudbiyay qoraal ay walaac ay kaga muujinayaan cawaaqib xumo ay sheegeen in ay ka dhalan karto habka ay dowladda federalka ku wado nidaamka doorashooyinka dalka.

1/12/2021 4:38 AM EST
Talaado Janaayo, 12, 2021 (HOL) - Madaxweynaha Dowlad Gobolleedka Galmudug Axmed Cabdi Kaariye QoorQoor ayaa isaga oo wareysi siiyay laanta Afka Soomaaliga ee BBC da sheegay in dalka aysan ka dhici doonin doorasho hal dhinac ah.

1/12/2021 3:53 AM EST
Talaado, Janaayo, 12, 2021 (HOL) - Madaxweynaha maamulka Koonfur Galbeed Cabdicasiis Xassan Maxamed Lafta-gareen ayaa dib ugu laabtay magaalada Baydhabo kaddib kulan uu uga qeybgalay magaalada Muqdisho.

1/12/2021 2:43 AM EST
Talaado Janaayo,12, 2021 (HOL) - Sarkaal katirsanaa Al-shabaab oo lagu magacaabo Cabdulfatah Abu bakar Abdi oo loo yaqaano Mousa al Muhajir oo ay wehliyaan 20 kamid ah dagaalyahanadiisa, ayaa wararku sheegayaan inuu ku biirayo ISIS.

1/12/2021 2:40 AM EST
Talaado Janaayo,12, 2021 (HOL) - Qaramada Midoobay ayaa ka digtay xaaladaha siyaasadeed ee ka jira dalka Uganda xilli walaac laga muujinayo suurtagalnimada in la helo doorashooyin baarlamaan iyo madaxtinimo oo xor iyo xalaal ah dabayaaqada toddobaadkan.

1/12/2021 1:04 AM EST
Talaado Janaayo,12, 2021 (HOL) - Madaxweynaha Soomaaliland Muuse Biixi Cabdi ayaa si adag uga soo horjeestay doorashada xildhibaannada Soomaaliland ku matala dowladda dhexe oo lagu waddo in doorashadoodu ku dhacdo gobolka Banaadir.

1/12/2021 12:20 AM EST
Talaado, Janaayo, 12 2021 (HOL) - Wararka ka imanaya gobolka Jubbada Hoose ayaa sheegaya in qarax lala eegtay gaari ay la socdeen ciidamo Kenyaan ah oo marayay deegaanka lagu magacaabo Husungoow.