5/12/2021
Today from Hiiraan Online:  _
Wararka Maanta- Arbaco, Apr 28, 2021
Madaxweyne Biixi “Soomaaliya dadka hogaamiya iyo siyaasiyiinta tala xumadooda ayaanu is haynaaye shacbiga marna dhibaato lama rabno”


 

Arbaco, April, 28, 2021 (HOL)  - Madaxweynaha Somaliland Muuse Biixi Cabdi, ayaa sheegay in uu ka xunyahay dhibaatada ka dhacday Muqdisho, isla markaana ay madaxda Soomaaliya dhibka mid lamid ah 30 sano ku hayeen Somaliland.

Madaxweynaha oo ka qayb galay daafurka mashaariic laga hirgaliyay magaalada Berbera, ayaa sheegay in uu aad uga xunyahay dhibaatada ka dhacday magaalada Muqdisho.

“Dowlada xamar ka dhisani dhibaatada ay ku hayso shacabkeeda, iyo qaxa ay galisay aad iyo aad baanu uga xunahay” ayuu yidhi madaxweyne Biixi.

“Soomaaliya maamulka iyo dadka hogaamiya iyo siyaasiyiinta tala xumadooda ayaanu is haynaaye, shacbiga walaalahayaga Soomaaliya marna dhibaato lama rabno, hadanu wax hayno waanu u gurman lahayn”.

“Mar iyo laba ay dhibaatooyin ka dhaceen Baladweyne iyo Jawhar ba waanu u gurmanay, maantana aad baanu uga xumanay markaanu aragnay Xamar oo dagaal dib uga bilaabmay” ayuu madaxweynuhu hadalkiisa sii raaciyay.

Madaxweynaha, ayaa sheegay in dowlada Soomaaliya ay masuul ka tahay dhibaatooyinka ka dhacay caasimada Soomaaliya.

“Eeda waxa leh dowladii hogaanka haysay oo damacday dadka in anay dhagaysan iyada oo uu wakhtigeedi dhamaday” ayuu yidhi madaxweyne Biixi.

“Waxa Alle mahadii ah in caalamkii oodhan iyo shacab oo dhami ku qasbeen maanta dowladii dhagaha adkayd, inay kusoo noqoto halkii shacabka iyo caalam kuba la rabeen” ayuu hadalkiisa sii raaciyay.

Madaxweyne Biixi ayaa sheegay in madaxda Soomaaliya ay dhibatada ay shacabka Muqdisho maanta dareemeen ay Somaliland ku hayeen muddo 30 sano ah, waa sida uu hadalkiisa u dhigaye.

Hadalka madaxweynaha Somailand, ayaa imanaya xili uu maalmihii laso dhaafay uu qalalaase siyaasadeed ka taagnaa magaalada Muqdisho.

Cabdilaahi Cabdiraxmaan Maxamed, Hiiraan Online
[email protected] 











Click here
4/28/2021 12:22 PM EST
Arbaco, April 28, 2021 (HOL) - Barlamaanka Soomaaliya ayaa beeniyay warar la faafiyay oo sheegaya in barlamaanku mooshin ka wado raysal Wasaare Rooble, si xilka looga tuuro.

4/28/2021 10:36 AM EST
Arbaco, April, 28, 2021 (HOL) - Xogeeyaha guud ee xisbiga mucaaradka ah ee Waddani Khadar Xuseen Cabdi, ayaa sheegay in sifo sharci darro ah lagu xidhay musharax Qaasim Aadan Saleeban oo ka sharaxan xisbiga Waddani.

4/28/2021 10:32 AM EST
Arbaco, April 28, 2021 (HOL) - Waxaa maanta laga qaaday magaalada Baledweyne ee xarunta gobolka Hiiraan, ciidamo ka tirsanaa Haramcad oo ku sugnaa Baledweyne shantii bilood ee lasoo dhaafay kuwaas oo diyaarad ka qaaday garoonka diyaaradaha Ugaas Khaliif.

4/28/2021 8:56 AM EST
Arbaco, April, 27, 2021 (HOL) -Ra'iisal Wasaaraha Xukuumadda Soomaaliya Maxamed Xusseen Rooble ayaa ugu baaqay dadkii dhawaan ka barakacay dagaalladii ka dhacay magaalada Muqdisho in ay guryahooda dib ugu soo laabtaan.

4/28/2021 8:40 AM EST
Arbaco, April 28, 2021 (HOL) - Puntland ayaa sheegtay in aysan ka qeyb galidoonin shir uu ku baaqay madaxweyne Farmaajo oo looga arrinsandoono arrimaha doorashada, iyadoo laga ambaqaadayo heshiiskii 17 september.

4/28/2021 8:05 AM EST
Arbaco, April, 28, 2021 (HOL) - Ciidamada booliiska Somaliland, ayaa sheegay in ay musharixiinta xidhan iyo qaar kale oo ay kudaba jiraanba ay ku hayaan faldanbiyeedyo ah in ay samaysteen shahaadooyin foojari ah.

4/28/2021 7:44 AM EST
Arbaco, April 28, 2021 (HOL) - Faahfaahino dheeraad ah ayaa kasoo baxaya qarax xoogan oo jugtiisa laga maqlay xaafado badan oo ka tirsan magaalada Muqdisho kaasoo saakay waabarigii hore ka dhacay afaafka hore ee Xarunta Taliska Ciidanka Asluubta Soomaaliyeed ee ku taala Ex Koontarool Afgooye.

4/28/2021 7:28 AM EST
Arbaco, April 28, 2021 (HOL) - Qaramada Midoobay ayaa shaacisay in qiyaastii 60,000 ilaa 100,000 qof lagu qasbay inay ka qaxaan guryahooda magaalada Muqdisho ka dib markii ay rabshado ka qarxeen 25kii Abriil.

4/28/2021 3:01 AM EST
Arbaco, April, 28, 2021 (HOL) - Guddoomiyaha xisbiga UCID Faysal Cali Waraabe, ayaa shacabka iyo ciidanka reer Muqdisho ku hambalyeeyay kacdoonka ay kaga soo horjeedeen muddo korodhsiga dowlada madaxweyne Farmaajo.

4/28/2021 2:51 AM EST
Arbaco, April, 28, 2021 (HOL) - Booliiska Somaliland, ayaa sheegay in ay xidheen askari, uu muuqaalkiisu baraha bulshada ku baahay isagoo gabadh gacan u qaadaya.

4/28/2021 1:53 AM EST
Arbaco, April 28, 2021 (HOL) - Madaxweynaha Dowladda Soomaaliya Maxamed Cabdullaahi Farmaajo oo xalay khudbad toos ah u jeediyay shacabka Soomaaliyeed ayaa soo dhaweeyay go'aankii ay qaateen dowlad gobolleedyada Galmudug, Koonfur Galbeed iyo Hirshabeelle ee ahaa in dib loogu laabto heshiiskii doorasho ee 17kii September,