4/15/2021
Today from Hiiraan Online:  _
Wararka Maanta- Jimco, Apr 2 , 2021
Madaxweynaha dowlad deegaanka Soomaalida Itoobiya oo fariin u diray maamulada Hirshabeelle iyo Galmudug


 

Jimco, April, 02, 2021 (HOL) - Madaxweynaha maamulka dowlad deegaanka Soomalida Mustafe Cagjar ayaa ugu baaqay madaxda maamulada Galmudug iyo Hirshabeelle iney ka qeyb qaataan ilaalinta xaduudaha aay wadagaan oo uu sheegay in habac sanaan ka jirto.

Madaxweyne Cagjar ayaa sidoo kale Galmudug iyo Hirshabeelle ugu baaqay inay ixtiraamaan heshiisyadii aay dhawaan wada galaan.

"Waxaan ka codsanayaa maamullada Hirshabeelle iyo Galmudug oo aan leyahay halla ixtiramo heshiisyadi la wadda-galay xaduudahana amaankooda aan ka wada shaqeyno"ayuu yiri Cagjar

Madaxweyne Mustafe Cagjar ayaa sidoo kale ka digay in Al-shabaab iyo TPLF haraadigoodii aay dib ugu soo laabtaan deegaanada maamulka dowlad deegaanka Soomaalida iyo xaduudaha aay la wadagaan Hirshabeelle iyo Galmudug.

Hadalka Madaxweyne Cagjar ayaa imaanaya iyadoo bishii lasoo dhaafay heshiisyo nabadeed aay kala saxiixdeen maamulada Hirshabeelle, Galmudug iyo maamulkiisa, inkastoo heshiiskii dhanka Hirshabeelle iyo dowlad deegaanka wada galeen aay si weyn uga soo horjeesteen qaar ka mid ah waxgaradka gobolka Hiiraan oo ku tilmaamay heshiiskaasi inuu ahaa kuwa laba shaqsi aay wada gaareen dana ugu jirin shacabka reer Hiiraan.

Jamaal Cali Cabdi, Hiiraan Online
[email protected]












Click here
4/2/2021 4:01 PM EST
Jimco, April, 02, 2021 (HOL) - Wasiirka gaadiidka iyo duulista hawada Soomaaliya, Maxamed Salaad Oomaar ayaa markii ugu horraysay ka hadlay wararka ku saabsan in dowladda federalka ay xanibtay diyaarad ka degi lahayd deegaan xeebeedka Garacad ee gobolka Mudug.

4/2/2021 3:39 PM EST
Jimco, April, 02, 2021 (HOL) -Bulshada ku dhaqan magaalada Kismaayo ayaa aad u hadal haya dhimashada dadka waaweyn oo maalmihii u danbeeyay isa soo tareeysay, taasoo loo aaneeynayo in uu sabab u yahay cudurka dilaaga ah ee Covid19.

4/2/2021 9:25 AM EST
Jimco, April, 02, 2021 (HOL) - Inta la xaqiijiyay ilaa 36 ruux ayaa ku dhimatay tiro intaas ka badana waay ku dhaawacmeen shilkan Tareen ee ka dhacay Taiwan sida aay ku waramayaan Warbaahinta dalkaasi.

4/2/2021 9:11 AM EST
Jimco, April, 02, 2021 (HOL) - Madaxweynaha dowladda Mareykanka Joe Biden ayaa muddo hal sano ah ku kordhiyay cunaqabateynta dhaqaale ee saaran Soomaaliya.

4/2/2021 8:09 AM EST
Jimco, April, 02, 2021 (HOL) - Dowladda Soomaaliya ayaa maanta shaacisay in dib loo furay qaadashada Baasaboorka Soomaaliga oo horay loo joojiyay sababo la xariiray cudurka COVID-19.

4/2/2021 5:20 AM EST
Jimco, April, 02, 2021 (HOL) - Puntland ayaa shaacisay in ay ka qeyb galayso shirka madaxda dowladda federalka Soomaaliya iyo dowladdaha xubnaha ka ah, kaasoo la shaaciyay inuu dhacayo maalinta berrito ah oo ku beegan saddexda Abril.

4/2/2021 2:14 AM EST
Jimco, April, 02, 2021 (HOL) - 805 askari oo ka mid ah ciidanka booliska ee degaanka Soomaalida ayaa ka qalin jabiyay kulliyadda tababarada booliska ee degaanka.

4/2/2021 1:21 AM EST
Jimco, April, 02, 2021 (HOL) - Kaddib dadaallo maalmiihii ugu danbeeyayba ay waddeen wakiilada beesha caalamka ee Soomaaliya ayaa lagu guuleystay in maalinta berri ah kulan hor dhac ka yeeshaan mashkaladaha ku xeeran doorashada madaxda DF, dowlad gobolleedyada iyo gobolka Banaadir.