2/28/2021
Today from Hiiraan Online:  _
Wararka Maanta- Axad, Oct 25, 2020
Maxkamada ciidamada qalabka sida oo xukun ku riday dadkii ka dambeeyay weerarkii xabsiga dhexe


 

Axad, October, 25, 2020 (HOL) -  Maxkamada ciidamada qalabka sida ayaa xukuntay 11-Eedeysane oo isugu jiro Ciidamada Asluubta, Xunkusanayaal iyo Garsugayaal lala xariiryay inay kaalin ku lahaayeen weerarkii xabsiga dhexe ee Xamar.

Mubarak Ibraahiim Iidle oo horay ugu xukunaa 10 sano oo xabsi Ciidan ah ayay maxkamadu sheegtay inuu Gacanta hore weerarka, wuxuu Nolosha u aqoonsaday Maxamed Yusuf Toxow iyo Muqtar Cabdullaahi Muuse.

Dambiilahan ayaa weerarka kadib ka baxsaday dhabarka dambe ee Xabsiga.

Maxamuud Nuur Isaaq (Forex) oo isaga ahaa dadkii loo xiray lacaga Online ka ah ee Soomaali badan ka gaartay qasaaraha ayay maxkamadu sheegtay inuu qofka sida gaarka ah Maxaabiista kaga iibiya Qudaarta.

Laakiin mid kamid ah raggi qorsheeyay weerarka uu soo dhex marsiistay Hubkiisa.

Baaritaanno muddo dheer qaatay, Maanta ayay Maxamadda Go’aan ka soo saartay, waxaana la xukumay dhammaan dadkii ku lugta lahaa.

1-Mubarak Ibraahiim Iidle waxaa lagu xukumay Dil-toogasha ah isaga oo Maqan.

2-Cabdullaahi Macalim Xuseen, 3-Maxamed Daahir Maxamed 4-cabdi Jire Yusuf waxaa lagu wada xukumay Min 5-sano oo xabsi Ciidan ah iyo ka saaridda Ciidamada Asluubta  oo ay ka wada tirsanaayeen.

5-Cali Barre Cali Maxamed oo ka tirsan Asluubta ayaa isna lagu xukumay 3-sano oo xabsi Ciidan ah.

6- Maxamuud Nuur Isaaq (Forex) ayaa lagu xukumay 5-sano oo Xabsi Ciidan ah.

7-Maxamed Nuur Maadeey, 8-Maxamed Maxamuud Mataan, 9-Cumar Xasan Abtidoon iyo 10-Isaaq Geedi Ibraahim oo kawada tirsanaa Asluubta ayaa lagu xukumay min 6-bil oo xabsi Ciidan ah halka 11-Cabdi Axmed Maxamuud oo Asluuta aha ay Maxkamaddu dambi ku weyday.

Weerarkii xabsiga waxaa ku dhintay in ka badan 15 qof  oo intooda badan ahaa maxaabiis u suurto gashay inuu gacantooda galo hub.

Abdiweli M. Sheikh, Hiiraan Online
[email protected]












Click here
10/25/2020 11:20 AM EST
Axad, October, 25, 2020 (HOL) - Madaxweynaha Puntland Siciid Deni ayaa shaaciyay inay xal-waara ka gaarayaan shirkadda DP world oo gacanta ku haysa dekeda Bosaso, taasoo aan weli si buuxda u fulin heshiiskii ay kula wareegtay dekeda.

10/25/2020 8:23 AM EST
Axad, October, 25, 2020 (HOL)- Ra’iisal Wasaare ku-xigeenkii hore ee Soomaaliya Maxamed Cumar Carte ayaa lagu waramayaa in uu gaaray magaalada Hargeysa kaddib markii uu cafis ka helay madaxweynaha Somaliland Muuse Biixi Cabdi.

10/25/2020 7:08 AM EST
Axad, October, 25, 2020 (HOL)-Dowladda Soomaaliya ayaa isku diyaarineysa doorashada 2020-21 oo kol hore ay ku heshiiyeen madaxtooyada Soomaaliya iyo madaxda dowlad gobolleedyada in ay waqtigeeda ku dhacdo.

10/25/2020 4:54 AM EST
Axad, October, 25, 2020 (HOL) - Dagaalmayaal katirsan ururka Al-Shabaab ayaa qabsaday dhowr tuulo oo ka tirsan gobolka Sanaag ee waqooyiga Soomaaliya, oo ay sheegtaan maamulka Somaliland.

10/25/2020 3:55 AM EST
Axad, October, 25, 2020 (HOL) – Guddoomiyaha Guddiga Madaxa Banaan ee Doorashooyinka Qaranka Xaliimo Ismaaciil Ibraahim (Xaliimo Yareey) ayaa ku eedeysay Dowlad Gobolleedyada in aysan ilaalin qoondad haweenka ee Guddiyada Doorashada heer Federaal.

10/25/2020 2:13 AM EST
Axad, October, 25, 2020 (HOL) - Wasiirka hore ee warfaafinta Soomaaliya Maxamed Cabdi Xayir Maareeye ahna xildhibaan katirsan barlamaanka aqalka hoose, ayaa ku eedeeyay wasiirro katirsan xukuumada raysal wasaare Rooble iyo xog-hayntiisa in ay faro galin ku billaabeen xulista guddiyada doorashooyinka wakiiladda Somaliland.

10/25/2020 1:31 AM EST
Axad, October, 25, 2020 (HOL)- Madaxweynaha dalka Turkiga Recep Tayyip Erdogan ayaa weerar Afka ah ku qaaday dhaggiisa dalka Faransiiska Emmanuel Macron isaga oo sheegay in uu ku khafiifay naceybka dadka muslimiinta ah.

10/25/2020 1:15 AM EST
Axad, October, 25, 2020 (HOL) - Wakiilka Qaramada Midoobay ee Soomaaliya James Swan ayaa ugu yeeray hoggaamiyayaasha Soomaaliya inay hadda bilaabaan ka baaraan dagidda tallaabooyinka loo baahan yahay in la qaado si loogu diyaar garoobo doorasho Qof iyo Cod, 2024 ama 2025.

10/25/2020 1:09 AM EST
Axad, October, 25, 2020 (HOL)- Madaxweynaha Dowlad Gobolleedka Hirshabeelle Mudane Maxamed Cabdi Waare ayaa wareegto uu soo saaray ku magacaabay xubnaha maamulkiisa ku matalaya Guddiyada Doorashada heer Federaal.