2/28/2021
Today from Hiiraan Online:  _
Wararka Maanta- Isniin, Nov 4 , 2020
Guddoonka Baarlamaanka Hirshabeelle oo maanta la dooranayo


 

Arbaco, November, 04, 2020 (HOL)- Amaanka magaalada Jowhar ayaa siweyn loo adkeeyay, iyadoo maanta lagu waddo in ay ka dhacdo doorashada Guddoonka Sare ee Baarlamaanka Labaad ee Dowlad Gobolleedka Hirshabeelle.

Xildhibaannada ayaa maalintii shalay khudbado ka dhageystay musharixiinta u taagan xilkan oo tiradoodu gaareyso ilaa 6 musharax kuwaa oo u kala tartamaya Guddoomiyaha Baarlamaanka , ku-xigeenkiisa Koowaad iyo Labaad.

Guud ahaa marka la eego magaalada Jowhar waxaa ka soconaya olole doorasho oo ay isku hayaan dhinacyada isaga soo horjeeda siyaasadda Soomaaliya oo qolo walba ay doonayaan in ay ku adkaadaan doorashadan oo saameyn weyn ku leh tan guud ee Federaalka  waxaana saacadaha soo socda la filayaa in ay halkaa gaaraan siyaasiyiin horay xilal uga soo qabtay dalka.

Wixii ka soo kordha hadba doorashada maanta waan idin soo gudbin doonnaa....

Cabdiraxmaan Diini, Hiiraan Online
[email protected]
   





















Click here
11/4/2020 5:36 PM EST
Arbaco, November, 04, 2020 HOL) - Ra’iisul Wasaaraha xukuumada federalka Soomaaliya, Maxamed Xuseen Rooble ayaa magacaabay Guddiyada Doorashooyinka iyo Xallinta iyo Khilafaadka ee heer Federaal.

11/4/2020 11:14 AM EST
Arbaco, November, 04, 2020 (HOL) -War Qoraal ah oo ka soo baxay Wasaarrada Arrimaha Gudaha iyo Federaalka Soomaaliya ayaa lagu hambalyeeyay Guddoonka cusub ee Dowlad Gobolleedka Hirshabeelle oo maanta lagu doortay magaalada Jowhar.

11/4/2020 6:29 AM EST
Arbaco, November, 04 2020 (HOL)- Waxaa soo dhamaatay doorashada Guddoomiyaha Baarlamaanka 2aad ee dowlad gobolleedka Hirshabeelle iyadoo Cabdixakiin Luqmaan Xaaji Maxamed loo doortay in uu noqdo guddoomiyaha Baarlamaanka.

11/4/2020 5:53 AM EST
Arbaco, November, 04, 2020 HOL) - Maxkamada darajada koowaad ee magaalada Bosaso ayaa xukun dil ah ku riday labo oo nin dhalinyaro oo kufsi iyo dil magaalada Bosaso ugu geystay gabadh dhalinyaro ah, kuwaas oo laamaha amnigu xalay soo bandhigeen.

11/4/2020 3:36 AM EST
Arbaco, November, 04, 2020 HOL) - Madaxweynaha dalka Maraykanka Donald Trump ayaa ku dhawaaqay inuu ku guulaystay doorashada madaxtinimada ee weli ka socota dalka Maraykanka.

11/4/2020 3:30 AM EST
Arbaco, November, 04, 2020 HOL) - Ilhan Cumar oo ka tirsanayd golaha gongareeska Maraykanka ayaa ku guuleysatay inay difaacato kursigeeda aqalka Koongareeska ee doorashada ka socota Maraykanka.

11/4/2020 2:33 AM EST
Arbaco, November, 04, 2020 HOL) - Dowladda Ghana ayaa Boqol iyo afartan iyo todobo sarkaal oo Boolis ah oo laga soo xulay booliiska gaarka ah ee dalkaas u soo dirtay Soomaaliya, si ay uga mid noqdaan howlgalka Nabad Ilaalinta Midowga Afrika (AMISOM) ee Soomaaliya.

11/4/2020 2:18 AM EST
Arbaco, November, 04, 2020 HOL) - Maxkamadda gobolka Maroodi-jeex ee Somaliland ayaa maanta Cabdimanan Yuusuf oo kamid ah mulkilayaasha Astaan TV, ku xukuntay 5 Sanno oo xarig ah.

11/4/2020 2:00 AM EST
Arbaco, November, 04, 2020 (HOL) - Madaxweynihii hore ee Soomaaliya Shariif Sheekh Axmed ayaa gaaray goor dhaw magaalada Jowhar oo maanta lagu waddo in ay ka dhacdo doorashada Guddoonka Baarlamaanka Labaad ee dowlad Gobolleedka Hirshabeelle.

11/4/2020 12:21 AM EST
Arbaco, November, 04, 2020 HOL)- Ra'iisal Wasaaraha dalka Itoobiya Abiy Ahmed ayaa amar buuxa ku siiyay ciidamada difaaca Qaranka ee ENDF in ay qaadaan howlgal ka dhan ah Ismaamulka Tigray-ga.