8/9/2020
Today from Hiiraan Online:  _
Wararka Maanta- Arbaco, Jun 24, 2020
Bangiga SomBank oo heshiis la saxiixday shirkad caalami ah




Arbaco, Juun 24, 2020 (HOL) - Bangiga SomBank ayaa heshiis la saxiixday shirkadda Temenos oo ka shaqaysa howlaha horumarinta softaweerada ee ay ku shaqeeyaan qaar ka mid ah bangiyada caalamka.

Xaflad lagu qabtay magaalada Nairobi ee dalka Kenya ayaa Bangiga iyo shirkadda waxa ay ku kala saxiixdeen qandaraas lagu kobcinaayo adeegyada Bangiga uu u qabto ummada Soomaaliyeed.

Adeegyada ay shirkadda ka caawin doonto Bangiga ayaa waxaa mid ah adeegga qaybta mobillada ee macaamiisha ku xiran Bangiga.

Madaxda ka kala socotay laba dhinac ayaa qalinka ku duugay heshiiskan ogalaanaya in Bangiga uu wadashaqayn la yeesho shirkadda, ayna ka caawiso horumarinta adeegyada.

Warsaxaafadeed  ay si wadajir ah u oo saareen labada dhinac ayaa lagu yiri Shirkaddan waxay Bangiga ka taageeraysaa in uu siiyo bulshada Soomaaliyeed adeeg tayo leh oo qiimo jaban.

“Temenos technology oo leh habka dhismaha API-da, lehna goob suuq baalaaran, waxay Sombank u fududaynaysaa isdhexmarka adeegyadda maaliyadeed iyo kuwa aan kusalaysnayn maaliyadda, taa oo ka taageerayso shaqaalaha Bangiga in ay ugu adeegaan macaamiisha qaabka online ah  iyo kuwa aan ahayn qaabka internetka," ayaa lagu yiri warsaxaafadeed ka.

Shirkadda Temenos ayaa ah mid u qidmayso in la badan 3,000 oo shirkadooda oo ay ku jiraan 41 ka mid ah 50ka bangi ee caalamka ugu sareeya, iyada oo ka caawinayaa in ay la tacaamulaan macaamiishooda.

Sidoo kale shirkadda ayaa bangiyadaas u fududayso isdhaafsiga lacagaha in ka badan 500 milyan oo macaamiil ah si maalinle ah, sida lagu xusay mareegta shirkadda.

Axmed Maxamed Aadan, Hiiraan Online









Click here
6/24/2020 6:04 PM EST
Arbaco, Juun 24, 2020 (HOL) - Senataro katirsan guddigii loo xilsaaray dhameystirka xeerarka doorashooyinka Soomaaliya, ayaa kasoo horjeestay hadal kasoo yeeray guddoomiyaha aqalka sare, kaasoo sheegay in wax laga bedelay xeerarka guddigaan soo saareen ee loo gudbiyay barlamaanka labadiisa aqal.

6/24/2020 5:35 PM EST
Arbaco, Juun 24, 2020 (HOL) - Madaxweynaha Soomaaliya Maxamed Cabdullaahi Farmaajo ayaa ku casuumay Madaxweyneyaasha Dowlad Goboleedyada iyo Guddoomiyaha Gobolka Banaadir in ay kasoo qeyb galaan Shirka Golaha Amniga Qaranka ee JFS oo ka dhici doona magaalada Muqdisho.

6/24/2020 9:56 AM EST
Arbaco, Juun 24, 2020 (HOL) - Waxaa maanta magaalada Beledweyne gaaray wafdi heerkiisu sarreeyo ee uu hoggaaminayo Guddoomiyaha Gobolka Shabeelle ee Ismaamulka Soomaalida Itoobiya Aadan Axmed Sooyaan, waxaana si wey usoo dhoweeyay shacabka magaaladaasi iyo maamulka Gobolka Hiiraan.

6/24/2020 9:48 AM EST
Arbaco, Juun 24, 2020 (HOL) - War qoraal ah oo kasoo baxay wasaarada shaqada iyo arrimaha bulshada ee Dowladda Soomaaliya ayaa waxaa lagu fasaxay shaqaalaha rayidka ah ee dowladda Soomaaliya .

6/24/2020 9:32 AM EST
Arbaco, Juun 24, 2020 (HOL) - Madaxweynaha maamulka Galmudug Axmed Cabdi Kaariye Qoorqoor ayaa waxaa maanta si weyn loogusoo dhaweeyay magaalada Cadaado oo uu maanta gaaray, isagoo ay wehlinayaan xubno sare oo kamid ah mas’uuliyiinta Galmudug.

6/24/2020 7:15 AM EST
Arbaco, Juun 24, 2020 (HOL) - Guddoomiyaha aqalka sare ee barlamaanka Soomaaliya ayaa sheegay in la marin habaabiyay oo wax ka bedel lagu sameeyay afar xeer oo ku saabsanaa dhameystirka sharciyadda doorashooyinka Soomaaliya.

6/24/2020 6:54 AM EST
Arbaco, Juun 24, 2020 (HOL) - Jaamacadda Carabta ayaa talaadadii shalay ka codsatay Itoobiya inay ka waantowdo inay bilowdo buuxinta kaydka weyn ee ay ka dhisayso wabiga Niil, kahor inta aysan heshiis la gaarin Masar iyo Suudaan.

6/24/2020 2:42 AM EST
Arbaco, Juun 24, 2020 (HOL) - Dowladda Soomaaliya ayaa sheegtay inay taageersan tahay in heshiis nabadeed laga gaaro muranka webiga Niil ee ka dhexeeya Masar, Ethiopia iyo koonfurta Suudaan.

6/24/2020 1:59 AM EST
Arbaco, Juun 24, 2020 (HOL) - Guddiga Agaasimayaasha Bangiga Adduunka ayaa ansixiyay $ 55 milyan oo ah Kaalmada Horumarinta Caalamiga ah (IDA) oo lagu taageerayo soo kabashada dhaqaalaha Soomaaliya iyada oo loo sii marayo isbadalka miisaaniyadeed iyo isbadallada siyaasadeed ee kale.

6/24/2020 1:27 AM EST
Arbaco, Juun 24, 2020 (HOL) - Madaxweynaha Soomaaliya Maxamed Cabdullaahi Farmaajo ayaa u magacaabay Sarreeye Guuto Cabdixamiid Maxamed Dirir oo hore u ahaa Taliyaha Ciidanka Lugta/Dhulka ee Ciidanka Xoogga Dalka inuu noqdo Taliyaha cusub ee Ciidanka Badda.