1/25/2021
Today from Hiiraan Online:  _
Wararka Maanta- Sabti, Oct 24, 2020
Puntland oo sharuudo ku xirtay sii daynta dad horey uga mid ahaan jiray Al-shabaab oo Garowe lagu xiray


 

Sabti, October, 24, 2020 (HOL) - Puntland ayaa sharuud  ku xirtay  sii daynta shakhisyaad horey uga tirsanaan jiray Al-shabaab, kuwaas oo qeyb ka ahaa  eedeesanayaal u xiran dilka gudoomiyihii hore ee gobolka Nugaal, Cabdisalaan Gujir, oo la dilay taariikhdu markay ahayd 29 march 2020.

HOL, oo xiganaysa saraakiil amni, ayaa ogaatay in Puntland ay si gaar ah u diiday in ay xoriyadiisa u soo celiso macalin dugsi qur’aan ah oo maxkamada horteeda ka qirtay inuu ka tirsanaan jiray Al-shabaab, balse uu muddo hore isaga baxay kooxdaas.

Maxkamada ayaa ku qanci weyday sheegashadiisa, waxayna dalbatay in maamulka koonfur galbeed lagala yimaado caddayn muujinaysa inuu ka baxay Al-shabaab iyo in kale, si xoriyadiisa loogusoo celiyo.

Xubno ehelkiisa kamid ah oo la hadlay HOL, ayaa u sheegay in ay ku qanceen go’aanka maxkamada ayna la imaandoonaan caddaymo muujinaysa in eedeesanaha uusan hadda kamid ahayn ururka Al-shabaab.

Ehelkiisa waxay sheegeen in lagu waayay dambigii loo haystay oo ahaa inuu kaalin ku lahaa dilkii gudoomiyihii gobolka Nugaal, balse waxa hadda loo haysto ay tahay in uu la yimaado caddayntaas.

Abdisalan Nur Dirie, Hiiraan Online
[email protected]












Click here
10/24/2020 2:55 PM EST
Sabti, October, 24, 2020 (HOL)-Ra'iisal Wasaare Maxamed Xusseen Rooble oo shir guddoomiyay kulankii ugu horreeyay ee Golaha Xukuumadda ayaa Wasiirrada cusub faray in ay degdeg xilalkooda ula wareegaan si loo guda-galo howlaha shaqo ee hor yaala.

10/24/2020 10:47 AM EST
Sabti, October, 24, 2020 (HOL)-Madaxweynaha dowladda Soomaaliya Maxamed Cabdullaahi Farmaajo ayaa wareegto uu saaray waxaa uu isbadal ku sameeyay qaar ka mid ah taliyayaasha ciidamada xoogga dalka Soomaaliyeed.

10/24/2020 7:51 AM EST
Sabti, October, 24, 2020 (HOL)-Ra’iisal Wasaaraha Xukuumadda Soomaaliya Maxamed Xusseen Rooble oo khudbad ka hor jeediyay maanta xildhibaannada Golaha Shacabka ayaa ka hadlay howlaha hor yaala xukuumadda uu horkacayo ee codka kalsoonida heshay.

10/24/2020 5:39 AM EST
Sabti, October, 24, 2020 (HOL)- Xildhibaannada Golaha Shacabka ayaa goor dhaw cod aqlabiyad ah ku ogolaaday Golaha Xukuumadda cusub ee uu dhawaan soo magacaabay Ra’iisal Wasaare Maxamed Xusseen Rooble.

10/24/2020 4:08 AM EST
Sabti, October, 24, 2020 (HOL) –Saraakiisha ciidamada dowladda Soomaaliya gaar ahaan xoogagga DANAB ayaa sheegay in howlgal ku dileen dagaalamayaal ka tirsan Al-shabaab oo uu ka mid yahay sarkaal sare oo u qaabilsanaa dhinaca maaliyada.

10/24/2020 1:11 AM EST
Sabti, October, 24, 2020 (HOL)-Wasaarradda Waxbarashada Dowlad gobolleedka Galmudug ayaa shaacisay magacyada Afar Ardey ah oo ku geeriyootay walxaha Qarxa deegaan lagu magacaabo Bangeelle oo ka tirsan gobolka Galguduud

10/24/2020 12:49 AM EST
Sabti, October, 24, 2020 (HOL)-Ajandaha Kulanka Golaha Shacabka Soomaaliya ee maanta oo Sabti ah ayaa noqonaya meelmarinta xukuumadda cusub ee Isniintii toddobaadkii hore uu soo dhisay Ra'iisal Wasaare Maxamed Xusseen Rooble.

10/24/2020 12:20 AM EST
Sabti, October, 24, 2020 (HOL) - Ururka Al-shabaab ayaa kordhiyay weerarada joogtada ee uu ka geysanayo gudaha Soomaaliya iyo qeybo kamid ah dalka Kenya, sida lagu sheegay warbixin xog ururin ah oo lagu daabacay bog ka faallooda kooxaha mintidiinta.

10/24/2020 12:17 AM EST
Sabti, October, 24, 2020 (HOL) - Wasiirka Arimaha Dibada Hindia, Jaishankar ayaa sheegay in India ay ka shaqeyneyso sidii ay gargaar iyo dib ugu celin ugu sameyn laheyd 33 muwaadin oo Hindi ah oo ku xanniban Soomaaliya.