1/25/2021
Today from Hiiraan Online:  _
Wararka Maanta- Talaado, Nov 3 , 2020
Waare oo sheegay in uu iska casilay xilkii madaxweynaha Hirshabeelle


 

Talaado, November, 03, 2020 (HOL) -Madaxweynihii Dowlad Gobolleedka Hirshabeelle Maxamed Cabdi Waare ayaa bartiisa Twitter -ka ku shaaciyay in uu  iska casilay xilkii madaxweynaha, isaga oo sheegay in uu u maray qaab sharciga waafaqsan.

Madaxweyne Waare oo qoraalkiisa is casilaada kaga sheekeeyay taariikhdii laga soo maray dhismaha Hirshabeelle ayaa sheegay in marnaba  Hirshabeelle dhismaheeda aan loo marin dariiqii saxda ahaa ee dhismaha maamul loo maro, isaga oo sheegay in Hirshabeelle labada marba lagu soo aadiyay dhismaheeda xili lagu guda-jiray ololaha  Doorasho ee heer Federaal.

Wuxuu sheegay in labada Baarlamaan ee Hirshabeelle lagu soo beegay xili dalka uu ku jiro olole doorasho, waxaana uu ku taliyay in dib loo dhigo dhismaha Hirshabeellada cusub ilaa uu ka dhamaanayo waqtiga dowladda hadda jirta, si markaa iyadoo  la Miir qabo loo guda-galo dhismaha Labaad ee Hirshabeelle.

''Baarlamaankii la soo dhisay sanadkii 2016ka wuxuu uu ku soo aaday xili lagu guda-jiray olole doorasho, umana ekeyn Baarlamaanka ka tarjumayay una adeegayay danaha deegaannada uu matalo, sidaa oo kale dhismaha Baarlamaanka Labaad ee sanadkan 2020ka ayaa imanaya xili uu socdo loolan adag oo dhinaca doorashada ah'' ayuu qoraalkiisa ku sheegay madaxweyne Waare.

Is casilaadan Madaxweyne Waare ayaa imaneysa iyadoo muran iyo khilaaf xooggan uu ka taaggan yahay awood-qeysiga kuraasta sare ee Hirshabeelle.

Hoos ka akhriso Qoraalka is casilaada madaxweyne Waare.

Cabdiraxmaan Diini, Hiiraan Online
[email protected]
  


 















Click here
11/3/2020 5:00 PM EST
Talaado, November, 03, 2020 (HOL) - Laamaha amniga Puntland ayaa magaalada Bosaso kusoo bandhigay labo nin oo dhalinyaro oo qirtay inay ka dambeeyeen kufsi iyo dil loo geystay Naciimo Cabdi Maxamed oo ahayd gabadh yar oo dhawaan maydkeeda laga helay Bosaso.

11/3/2020 1:58 PM EST
Talaado, November, 03, 2020 (HOL)- Waxaa maanta ku dhawaaqay is casilaadiisa madaxweynihii Dowlad Gobolleedka Hirshabeelle Maxamed Cabdi Waare isaga oo qoraal dheer uu soo saaray ku sheegay in shaley iyo maantaba aan loo marin dhismaha maamulkii uu madaxweynaha ka soo ahaa dariiqii saxda ahaa.

11/3/2020 10:11 AM EST
Talaado, November, 03, 2020 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa warqadaha aqoonsiga ka guddoomay Danjireyaasha cusub ee dalalka Denmark, Ireland, Poland ee Soomaaliya.

11/3/2020 8:20 AM EST
Talaado, November, 03, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax ayaa sheegay inuu diiradda saarayo sidii guul looga gaari lahaa hayaanka dhimista saboolnimada iyo koritaan loo siman yahay.

11/3/2020 6:23 AM EST
Talaado, November, 03, 2020 (HOL) - Ergeyga Qaramada Midoobay ee Soomaaliya James Swan, ayaa kulan la qaatay wasiirka arrimaha dibada Kenya Amb. Raychelle Omamo.

11/3/2020 5:39 AM EST
Talaado, November, 03, 2020 (HOL)- Shirkan oo uu Guddoominayo Ra'iisal Wasaare Maxamed Xusseen Rooble ayaa ayaa ka soconaya Hotel ku yaala gudaha Garoonka Diyaaradaha Aadan Cadde, waxaana diirrada lagu saaraya qodobo ay ka mid yihiin Arrimaha Doorashooinka dalka, Amniga, Kobcinta Dhaqaalaha, Daynta cafinta, horumarinta bulshada,Caddaaladda iyo qorshaha waxqabadka xukuumadda ee 100- a maalmood.

11/3/2020 1:01 AM EST
Talaado, November, 03, 2020 (HOL) - Ganacsatada kalluunka qalalan ee gobolka Lamu ee dalka Kenya, ayaa codsaday in dib loo furo xadka Lamu iyo Soomaaliya si ay awood ugu helaan in ganacsigoodu u gudbo Soomaaliya.

11/3/2020 12:54 AM EST
Talaado, November, 03, 2020 (HOL) - Ciidamada amniga Puntland ayaa dhaqdhaaqyo ciidan ka bilaabay degaanada gobolka Sanaag kadib markii Al-shabaab qabsadeen dhowr tuulo oo hoos yimaada gobolkaas.

11/3/2020 12:39 AM EST
Talaado, November, 03, 2020 (HOL)-Xildhibaannada Baarlamaanka Labaad ee Dowlad Gobolleedka Hirshabeelle ayaa maanta lagu waddaa in ay khudbado ka dhageystaan musharixiinta u taaggan qabashada xilka Guddoonka Baarlamaanka.