Talaado, November, 24, 2020 IHOL) - Hoggaamiyaha Jabhada TPLF Debretsion Gebremichael ayaa ku gacanseyray dalabkii ugu yimid Ra'iisal Wasaaraha dalka Itoobiya Abiy Ahmed oo u qabtay 72 saacadood in ay isku soo dhiibaan.
Wuxuu sheegay in marnaba aysan u hoggaansimi doonin dalabka uga yimid dhinaca Ra'iisal Wasaaraha Itoobiya, taa badalkeedana diyaar u yihiin in ay dhintaan.
Ciidanka Federaalka Itoobiya ayaa sheegay in wax ka yar 60 kilomitir u jiraan Mekele, caasimada Tigreyga ahna xarunta kooxda TPLF, waxaana soconaya madaafiic culus oo ay adeegsanayaa ciidamada si ay ula wareegaan magaalada.
Laakiin dhinaca kale hoggaamiyayaasha Tigrayga ayaa u muuqda kuwo aan u joojineynin hujuumka culus ee uga imanaya dhinaca ciidamada Qaranka Itoobiya.