1/25/2021
Today from Hiiraan Online:  _
Wararka Maanta- Isniin, Nov 2 , 2020
Diiwaangalinta Musharixiinta xilka Guddoonka Baarlamaanka Hirshabeelle oo maanta bilaabaneysa


 

Isniin, November, 02, 2020 (HOL)- Waxaa lagu waddaa in maanta oo Isniin ah magaalada Jowhar ay ka bilaabato diiwaangalinta musharixiinta u taagan qabashada xilka guddoonka sare ee Baarlamaanka 2aad Dowlad gobolleedka Hirshabeelle.

Guddoomiyaha Guddiga qabanqaabada Guddoonka Baarlamaanka Xildhibaan Yuusuf Sheekh Xassan Macalin Jeelle oo warbaahinta kula hadlay magaalada Jowhar ayaa sheegay 4 bishan November loo asteeyay in la qabto doorashada Guddoonka inta ka horreysana laga shaqeyn doono qabashada Araajida iyo hadal jeedinta musharixiinta.

Waxaa jira musharixiin dhowr ah oo durbaba shaaciyay dabacooda ku aaday qabashada xilalkan kuwaa oo isugu jira Guddoonka Baarlamaanka, ku-xigeenkiisa kuwaad iyo Labaad intaba oo dhamaantood doorasho ku imanaya.

Guddoomiyaha Baarlamaanka oo ah kursiga ugu saameynta badan ayaa siweyn isha loogu hayaa, waxaana wararku sheegayaa in ay jiraan musharixiiin dhowr ah oo isku haya xilkan kuwaa oo dhinacyo kala duwan la leh xiriir siyaasadeed.

Cabdiraxmaan Diini, Hiiraan Online
[email protected]
         




















Click here
11/2/2020 1:53 PM EST
Isniin, November, 02, 2020 (HOL)- Doorashada Hirshabeelle ayaa ah tan ugu xiisaha iyo hadal heynta badan guud ahaan marka la eego siyaasadda Soomaaliya xiliggan, sababta ayaa lagu sheegay waqtiga xasaasiga ah oo ay ku soo beegantay iyo loolanka adag ee beelaha oo isku haya awood qeybsiga kuraasta ugu sarreysa maamulka.

11/2/2020 11:19 AM EST
Isniin, November, 02, 2020 (HOL)- Qoraal ka soo baxay Madasha Xisbiyada Qaran ayaa lagu taageeray go'aankii Guddoomiyaha Aqalka Sare ee soo magacaabista guddiga soo xulista Xildhibaannada Gobollada Waqooyi ee ka mid ah noqonaya Baarlamaanka Soomaaliya,

11/2/2020 9:54 AM EST
Isniin, November, 02, 2020 (HOL)- Kulan maanta xildhibaannada Golaha Shacabka ay ku yeesheen magaalada Muqdisho ayeey ku meelmariyeen sharciga dhismaha hay'adda Diiwaangalinta iyo Aqoonsiga dadweynaha.

11/2/2020 8:16 AM EST
Isniin, November, 02, 2020 (HOL) - Lataliyihii hore ee amniga madaxweyne Farmaajo, Hussein Moalin ayaa sheegay in Al-Shabaab ay kordhiyeen nidaamyadooda dakhli uruurinta gudaha Kenya, kadib markii warbixin dhawaan uu soo saaray machadka Hiraal ee fadhigiisu yahay Muqdisho uu ku shaaciyay sida kooxdu u soo xareyso dakhli sanadle ah.

11/2/2020 7:41 AM EST
Isniin, November, 02, 2020 (HOL) - Safiirka China ee Soomaaliya, ayaa la kulmay wasiirka arrimaha dibadda Soomaaliya Axmed Ciise Cawad, si uu ula qeybsado dabaaldega sanad guuradii 60aad ee aasaaskii xiriirka diblomaasiyadeed ee labada dal.

11/2/2020 6:14 AM EST
Isniin, November, 02, 2020 (HOL) - Shacabka magaalada Baraawe ee gobolka Shabeelada hoose ayaa sharci darro ku tilmaamay shaqo joojintii lagu sameeyay agaasimihii isbitaalka Baraawe Cabdalle Cabdiraxmaan Nuuraani.

11/2/2020 4:41 AM EST
Isniin, November, 02, 2020 (HOL)- Roob Mahiigaan ah oo saacado dhowr ah qaatay oo habeennidii xalay ka da'ay magaalada Muqdisho ayaa sababay barakaca dad dan'yar oo qaarkood uu burburiyay roobka guryihii ay ku jireen.

11/2/2020 2:53 AM EST
Isniin, November, 02, 2020 (HOL)-Madaxweynihii hore ee Soomaaliya Shariif Sheekh Axmed oo maalintii shalay taggay magaalada Jowhar ayaa saacadihii ugu danbeeyay kulamo kala duwan la lahaa Siyaasiyiinta iyo Waxgaradka ku howlan dhismaha 2aad ee Hirshabeelle, waxaana kulankii ugu danbeeyay uu la qaatay duubabka dhaqanka.

11/2/2020 1:52 AM EST
Isniin, November, 02, 2020 (HOL) - Madaxweyne Donald Trump ayaa beeniyay warbixin ah inuu si deg deg ah ugu dhawaaqi doono inuu ku guuleystey doorashada madaxweynenimada dalkiisa habeenka talaadada haddii ay u muuqato inuu ka horeeyo'Joe Biden.