12/5/2020
Today from Hiiraan Online:  _
Wararka Maanta- Arbaco, Nov 18, 2020
''Doorashada 2021 waxey la mid noqon doontaa kuwii ka dhacay Koonfur Galbeed, Galmudug iyo Hirshabeelle''


 

Arbaco, November, 18, 2020 (HOL)- Ra'iisal Wasaare ku-xigeenka Soomaaliya Mahdi Maxaxmed Guulleed Khadar ayaa khudbad uu ka dhax jeediyay Tiyaatarka Qaranka wuxuu sheegay in doorashada 2021ka wareega koowaadba ku guuleysan doonaan.

Wuxuu tusaale u soo qaatay doorashooyinkii ka dhacay qaar ka mid ah dowlad gobolleedyada dalka gaar ahaan Koonfur Galbeed, Galmudug iyo Hirshabeelle oo sida uu hadalka u dhigay madaxweynayaashu wareegii koowaadba ku guuleysteen.

“Dowladaha xubnaha ka ah dowladda Federaalka ayaa tusaale idinkugu filan, dowlad goboleedka Koonfur Galbeed xildhibaanadii waa shireen, tartan baa dhacay, la isma laheyn sida ay wax u dhaceen ayey wax u dhacayaan, isbadal baa dhacay, madaxweyne Cabdicasiis Laftagareen wareegii koowaad ayuu aqlabiyad ku soo baxay, mar labaad waxaan ogeyn Galmudug, Qoor-qoor wareegii koowaad ayuu aqlabiyad kusoo baxay, mar saddexaad waxaan ogeyn Hirshabeelle, Cali Guudlaawe wareegii koowaad ayuu kusoo baxay, markaan waa xiligii wareega koowaad 2020 yaan loo deymo la’aan,” ayuu yiri Mahdi Guuleed 

Mahdi ayaa intaa ku darray in dalkan uusan marnaba u baahneyn hoggaamiye mar walba la tijaabiyo, laakiin taa badalkeeda horey loo sii socon doono'' Waxaan hamineynaa in aan wareegga koowaad si aan  mad-madow laheyn aan horay ugu sii socono, waayo dalkan horey u socod ayuu baahan yahay” 

Hadalkan ayaa imanaya xili qaar ka mid ah siyaasiyiinta mucaaraadka iyo musharixiinta xilka madaxweynaha Soomaaliya ku eedeeyeen dowladda in ay abaabuleyso hannaan doorasho oo ku dhisan boob iyo musuqmaasuq sidaa daraadeed aan la aqbali karin.

Cabdiraxmaan Diini, Hiiraan Online
[email protected]   










 













Click here
11/18/2020 4:20 PM EST
Arbaco, November, 18, 2020 (HOL) - Raysal wasaaraha dowladdda federalka Soomaaliya ayaa wareegto ku magacaabay xubno lagu dhameytirayo guddiyada doorashooyinka heer dowlad goboleed, iyadoo laga ambaqaadayo heshiiskii siyaasadeed ee arrimaha doorashada.

11/18/2020 12:41 PM EST
Arbaco, November, 18, 2020 (HOL) -Dowladda Soomaaliya ayaa War-saxaafadeed ka soo saartay dagaalka ka socda Waqooyiga dalka Itoobiya ee u dhaxeeya ciidamada Federaalka Itoobiya iyo xoogaga TPLF.

11/18/2020 10:27 AM EST
Arbaco, November, 18, 2020 (HOL) - Puntland ayaa maanta Somaliland ku wareejisay eedeesane loo haysto inuu qof shacab ah ku dilay magaalada Hargeysa ee caasimadda Somaliland.

11/18/2020 8:53 AM EST
Arbaco, November, 18, 2020 (HOL) Ra'iiisal Wasaaraha Soomaaliya Maxamed Xusseen Rooble ayaa waxba kama jiraan ku tilmaamay doodda siyaasiyiinta mucaaradka ah ee ka dhanka ah Guddiyada Doorashada.

11/18/2020 7:50 AM EST
Arbaco, November, 18, 2020 (HOL)-Waxaa goor dhaw oo maanta ah ku geeriyooday magaalada Hargeysa Ra'iisal Wasaarihii hore ee Soomaaliya Cumar Carte Qaalib oo mar dalka ka soo noqday Ra'iisal Wasaare iyo Wasiir Arrimo dibaddeed.

11/18/2020 7:04 AM EST
Arbaco, November, 18, 2020 (HOL)- Ra'iisal Wasaare ku-xigeenka Xukuumadda Soomaaliya Mahdi Xusseen Guulleed Khadar ayaa mar kale fariin u diray siyaasiyiinta mucaaradka ah ee ka soo horjeeda hannaanka ay dowladdu u maamuleyso doorashada.

11/18/2020 5:41 AM EST
Arbaco, November, 18, 2020 (HOL)-Ugu yaraan saddex ruux oo rayid ah ayaa lagu waramayaa in ay u dhinteen rasaas ay ku fureen ciidamo ka tirsan AMISOM oo qarax lala eegtay

11/18/2020 5:20 AM EST
Arbaco, November, 18, 2020 (HOL) - Kulanka oo noqonaya kii ugu horreeyay ee noociisa ayaa waxaa soo qaban-qaabisay Wasaarradda Maaliyada Xukuumadda Soomaaliya, waxaana diirada lagu saaray doorka ganacsatada ay ka qaadan karaa kobcinta dhaqaalaha.

11/18/2020 5:08 AM EST
Arbaco, November, 18, 2020 (HOL) - Xisbiyada mucaaradka dalka Denmark ayaa walaaca kasoo saaray heshiiskii qarsoodi ah oo u dhexeeya Danmark iyo Soomaaliya oo ku saabsan musaafurinta khasabka ah.

11/18/2020 12:53 AM EST
Arbaco, November, 18, 2020 (HOL) - Dablay hubaysan ayaa xalay magaalada Laascaanood ee gobolka Sool ku dilay masuul kamid ahaa garsoorka gobolka Sool oo Lagu magacaabo Cabdulaahi Salaad (wadaadyare).

11/18/2020 12:11 AM EST
Arbaco, November, 18, 2020 (HOL)-Dowladda ayaa sheegtay in ciidamadeeda ay ku sii dhawaanayaan magaalada Mekelle ee caasimada gobolka Tigray, kadib markii laga gudbay waqti laba toddobaad oo dagaal ah.

11/18/2020 12:04 AM EST
Arbaco, November, 18, 2020 (HOL)-Dowladda Mareykanka ayaa liiska argagixisada ku dirtay Labo sarkaal oo sare kana tirsan ururka Al-shabaab, kaddib qoraal ka soo baxay Wasarradda Arrimaha dibadda.