12/5/2020
Today from Hiiraan Online:  _
Wararka Maanta- Axad, Nov 15, 2020
Qarramada Midoobey oo sheegtay in wali ay jirto qatarta ururka Al-shabaab


 

Axad, November, 15, 2020 (HOL)- Wakiilka Qarramada Midoobey u qaabilsan arrimaha Soomaaliya, James Swan oo u warramay  sheegay in wali jirto qatar badan badan oo ka imaneysa dhinaca Ururka Al-shabaab.

Swan  hadalkan u sheegay wareygs ka soo baxay dalka Turkiga oo lagu magacaabo Daily Xayaat isaga oo rajo ka muujiyay in waqti dhaw la wiiqi karo awooda ururka.

Sidoo kale wuxuu intaasi ku daray in mustaqbalka dhow rajado ay tahay in la wiiqo awooda Al-Shabaab oo xiriir la leh Al-Qaacida.

Wakiilka Qaramada Midoobay oo hadalkiisa sii wata ayaa intaasi ku daray in kooxdan ay weli halis amni ku heyso Soomaaliya oo haaran isku diyaarineyso doorashada 2020/21.

“Al-Shabaab waxaa halis amni oo weli kajirta Soomaaliya, waxaa muhiim ah in siwadajir ah looga wada hortaggo maadaama ay yihiin kuwo jira oo xiriir la leh al-qaacida, waxaana rajeynayaa inay noqdaan kuwo aan sii jiri karin oo taageero ka waaya Soomaalida,” Amb. James Swan.

Wuxuu ugu baaqay  shacabka Soomaaliyeed inay garab istaagaan dowladdooda, islamarkaana ay ku garab siiyaan dagaalka Shabaab iyo amniga dalka.

Hadalkan ayaa ku soo aadaya, iyada oo weli kooxda Al-Shabaab weeraro culus ay ka fuliso gudaha dalka, gaar ahaan Muqdisho oo dhowaan marti-gelineyso doorashooyin.

Cabdiraxmaan Diini, Hiiraan Online
[email protected]   













Click here
11/15/2020 3:57 PM EST
Axad, November, 15, 2020 HOL) - 30 sano kadib, dowladda Soomaaliya ayaa dib u furatay safaaradeedii magaalada Nairobi, taasoo lagu soo celiyey gacanta dowlada, kadib markii maxkamad ku taal Kenya ay horey u xukuntay in safaarada si sharci daro ah loo iibiyey.

11/15/2020 10:36 AM EST
Axad, November, 15, 2020 (HOL)- Hogaamiyaha TPLF Debretsion Gebremichael ayaa ku eedeeyay madaxweynaha dalka Eritrea Isaias Afwerki inuu la saftay ra'iisul wasaaraha Itoobiya, Abiy Ahmed marka la eego dagaalka ka socda gobolka.

11/15/2020 8:22 AM EST
Axad, November, 15, 2020 (HOL) -Guddoomiyaha Golaha Aqalka Sare ee Soomaaliya Cabdi Xaashi Cabdillaahi ayaa Qoraal ka dhan ah Guddiyada Doorashooyinka u diray beesha caalamka gaar ahaan Wakiilka QM eeArrimaha Soomaaliya Amb, James Swan, Wakiilka Midowga Afrika ee Somalia Amb, Francisco Madera.

11/15/2020 6:05 AM EST
Axad, November, 15, 2020 HOL) - Al-Shabaab ayaa beenisay sheegashada Itoobiya ee ah in ay xireen xubno ka tirsan kooxdooda, sida lagu sheegay warbixin lagu daabacay wakaaladda wararka Ethiopia ee ENA.

11/15/2020 1:42 AM EST
Axad, November, 15, 2020 HOL) - Koox dhalinyaro ah oo reer Kenya ah oo ka tirsan ardayda jaamacadaha ayaa loo xilsaaray sameynta hub cusub iyada oo lagu fulinayo hawlgal qarsoodi ah oo loogu magac daray Mashruuca Warshadeynta Amniga Qaranka.

11/15/2020 1:13 AM EST
Axad, November, 15, 2020 HOL) - Ciidamada Amniga Puntland ayaa hawlgallo amniga lagu xaqiijinayo ka sameeyay tuulooyin katirsan Calmadow oo ah degaano ay si dhuumaalaysi ku yimaadaan dagaalamaayasha kooxda Alshabaab ee farriisinka ku leh aaggaas.

11/15/2020 12:29 AM EST
Axad, November, 15, 2020 (HOL)- Hay’adda Sirdoonka dalkaasi Itoobiya ayaa sheegtay kaddib howlgal ay sameeyeen ciidamada in ay gacanta ku soo dhigeen xubno ka tirsan Ururrada Al-shabaab iyo Daacish ee ka dagaalama gudaha dalka Soomaaliya.

11/15/2020 12:14 AM EST
Axad, November, 15, 2020 HOL)- Warar dheeraad ah ayaa ka soo baxaya Gantaallo lagu weeraray magaalada Asmara ee dalka Eritrea fiidnimadii xalay wax yar uu kaddib markii saraakiisha TPLF ku hanjbeen weerarka Asmara.