12/3/2020
Today from Hiiraan Online:  _
Wararka Maanta- Axad, Nov 15, 2020
Puntland oo howlgallo ka dhan ah Daacish iyo Al-shabab ka fulisay gobolka Bari


 

Axad, November, 15, 2020 HOL) - Ciidamada Amniga Puntland ayaa hawlgallo amniga lagu xaqiijinayo ka sameeyay tuulooyin katirsan Calmadow oo ah degaano ay si dhuumaalaysi ku yimaadaan dagaalamaayasha kooxda Alshabaab ee farriisinka ku leh aaggaas.

Howlgalkaan ayaa yimid kadib markii laamaha amniga ka digeen suurtagalnimada falal argigixiso oo ay maleegayaan kooxaha Shabaab iyo Daacish oo bilihii ugu dambeeyay ciidamadu guulo ka gaareen howlgalo ka dhacay Bosaso iyo buuraha ku teedsan.

Magaalada Bosaso oo ay markii ugu horeysay ka dhacayaan doorashada qaar kamid ah xildhibaanada Puntland u matalaya barlamaanka Soomaaliya, ayaa ammaankeeda aad loo adkeeyay, iyadoo la geeyay ciidamo tababar loogusoo xiray Qardho.

Bosaso waxay bilihii ugu dambeeyay ka nabad gashay dilalkii iyo qaraxyadii ka dhici jiray, iyadoo Puntland ay sheegtay inay burburisay shabakado qaabilsanaa dilalka iyo qaraxyada.

Dhawaaan, maxkamada ciidamada qalabka sida ee Puntland ayaa lasoo taagay xubno katirsan kooxda Daacish oo uu ku jiray madaxii dilalka iyo farsameynta qaraxyada Daacish ee Bosaso.

Abdiweli M. Sheikh, Hiiraan Online
[email protected]












Click here
11/15/2020 3:57 PM EST
Axad, November, 15, 2020 HOL) - 30 sano kadib, dowladda Soomaaliya ayaa dib u furatay safaaradeedii magaalada Nairobi, taasoo lagu soo celiyey gacanta dowlada, kadib markii maxkamad ku taal Kenya ay horey u xukuntay in safaarada si sharci daro ah loo iibiyey.

11/15/2020 10:36 AM EST
Axad, November, 15, 2020 (HOL)- Hogaamiyaha TPLF Debretsion Gebremichael ayaa ku eedeeyay madaxweynaha dalka Eritrea Isaias Afwerki inuu la saftay ra'iisul wasaaraha Itoobiya, Abiy Ahmed marka la eego dagaalka ka socda gobolka.

11/15/2020 8:22 AM EST
Axad, November, 15, 2020 (HOL) -Guddoomiyaha Golaha Aqalka Sare ee Soomaaliya Cabdi Xaashi Cabdillaahi ayaa Qoraal ka dhan ah Guddiyada Doorashooyinka u diray beesha caalamka gaar ahaan Wakiilka QM eeArrimaha Soomaaliya Amb, James Swan, Wakiilka Midowga Afrika ee Somalia Amb, Francisco Madera.

11/15/2020 6:05 AM EST
Axad, November, 15, 2020 (HOL)- Wakiilka Qarramada Midoobey u qaabilsan arrimaha Soomaaliya, James Swan oo u warramay sheegay in wali jirto qatar badan badan oo ka imaneysa dhinaca Ururka Al-shabaab.

11/15/2020 6:05 AM EST
Axad, November, 15, 2020 HOL) - Al-Shabaab ayaa beenisay sheegashada Itoobiya ee ah in ay xireen xubno ka tirsan kooxdooda, sida lagu sheegay warbixin lagu daabacay wakaaladda wararka Ethiopia ee ENA.

11/15/2020 1:42 AM EST
Axad, November, 15, 2020 HOL) - Koox dhalinyaro ah oo reer Kenya ah oo ka tirsan ardayda jaamacadaha ayaa loo xilsaaray sameynta hub cusub iyada oo lagu fulinayo hawlgal qarsoodi ah oo loogu magac daray Mashruuca Warshadeynta Amniga Qaranka.

11/15/2020 12:29 AM EST
Axad, November, 15, 2020 (HOL)- Hay’adda Sirdoonka dalkaasi Itoobiya ayaa sheegtay kaddib howlgal ay sameeyeen ciidamada in ay gacanta ku soo dhigeen xubno ka tirsan Ururrada Al-shabaab iyo Daacish ee ka dagaalama gudaha dalka Soomaaliya.

11/15/2020 12:14 AM EST
Axad, November, 15, 2020 HOL)- Warar dheeraad ah ayaa ka soo baxaya Gantaallo lagu weeraray magaalada Asmara ee dalka Eritrea fiidnimadii xalay wax yar uu kaddib markii saraakiisha TPLF ku hanjbeen weerarka Asmara.