5/28/2020
Today from Hiiraan Online:  _
Wararka Maanta- Jimco, May 22, 2020
Falastiin oo iska diidday gar-gaar caafimaad oo Imaaraadku ay usoo mariyeen Isra’el


 

Jimco, May 22, 2020 (HOL) - Maamulka Suldada Falastiin ayaa si cad u diiday gar-gaar loogu tala-galay ka hortagga Coronavirus oo ay Imaaraadka usoo mariyeen Isra’el  Khamiistii shalay,  maamulkaas ayaa   sheegay in loo baahnaa in deeqdaasi si toos ah loogu soo hagaajiyo madaxda Falastiin, iyadoo aan lasoo marsiin dhinaca Yuhuudda.

“Tani waxay muujineysaa in aanu jirin wax iskaashi ah oo ay la leeyihiin Falastiin, sidaas daraadeed ma qaadan karno deeq noocaas ah” sidaasi waxaa warbaahinta u sheegay wasiirka Caafimaadka Falastiin Mai Alkaila oo shir jaraa’id qabtay.

"Waxaan nahay maamul madax bannaan, xiriirkuna waa in uu noqdaa mid innaga toos noogu yimaada” ayuu hadalkiisa ku daray.

Boqortooyada isu-tagga Imaaraadka Carabta ayaa si cad u shaacisay markii ugu horreysay diyaarad ay leeyihiin oo xamuul ah oo duuleysa garoonka Abu Dhabi kuna degeysa Tel Aviv , taas oo sidda gargaar caafimaad oo ku socda Falastiin.

Warbaahinta maxalliga ah ee Isra’el ayaa ku warantay in Imaaraadku ay xiriir lasoo sameeyeen Tel Aviv  in Falastiin loo gaarsiiyo deeqdaas, sidaas waxa ay weriyayaashu kasoo xigteen wasiirka arrimaha dibadda Israa’iil iyo hay’adda Barnaamijka cuntada Adduunka ee Jimciyadda Qaruumaha ka dhaxeya ee WFP.

Xiriirka Imaaraadka iyo Isra’el


Ma jiro xiriir toos ah oo dhinaca diblumaasiyadda ah oo ay leeyihiin Israa’iil iyo Imaaraadka carabta , laakiin hadda waxaa ka dhexeeya isbaheysi aan toos aheyn oo ka dhan ah Iiiraan

Falastiin iyo taageerayaasheeda waxay aad uga soo horjeedaan xiriirka caadiga u’ ekaanaya ee labada dhinac {Imraadaadka iyo Isra’el) , waxayna door bidayaan cadaadis xooggan oo la saaro xukuumadda Tel Aviv si ay meesha uga saarto dhibaatada ay ku haayso Falastiiniyiinta , dhulka ay ka xoogtana ugusoo celiso, sidoo kalena la dhammeeyo dhibaatooyinka ka dhanka ah Xuquuqda Aadanaha ee lagu haayo shacabka.

Sanadkii lasoo dhaafay wasiirka arrimaha dibadda ee Isra’el ayaa booqday Abu Dhabi, isagoo dowladda Imaaraadka kala xaajooday waxa loogu yeeray khatarta sii kordheysa ee Iiraan.  Waxaana la filayaa in Isra’el ay ka qeyb-gasho barnaamijka World Expo ee Adduunka oo sanadkaan 2020-ka ka dhici lahaa Dubai, kaas oo dib loogu dhigay sababo la xiriira xanuunka COVID-19.

Duullimaadkii ka baxay Abuu Dhabi ee gaaray Tel Aviv ayaa waa uu immaanayaa xilli Isra’el ay xoog ku haasato dhulka Falastiin ee ku yaalla daanta galbeed ee Wabiga Urdun.

War ay horay u tebiyeen warbaahinta Isra’el ayaa lagu sheegay bishii April in muwaadiniinta Yuhuudda ee ka xayirmay Maroco sababo la xiriira Coronavirus ay Imaaraadku soo daabuli doonaan.

Faafintaanka xanuunka COVID-19 ayaa laga cabsi qabaa inuu kor u kaco gudaha Falastiin, waxaana horay loo diiwaan-geliyay 400 oo xaalad iyo dhimashada 2 qof, hase-ahaatee waxaa yar awoodda dhinaca  caafimaad uu u leeyahay Maamulka Maxamuud Cabbaas Abuu Maasin.

Abdiaziz Ahmed Barrow, Hiiraan Online
[email protected]









Click here
5/22/2020 7:55 PM EST
Jimco, May 22, 2020 (HOL) - Madaxweynaha dowlad goboleedka Puntland, Siciid Cabdulaahi Deni ayaa caawo shaqada ka eryay wasiirro iyo ku xigeeno katirsanaa golihiisa wasiiradda, isagoo kuwa kale ku bedelay.

5/22/2020 7:45 PM EST
Jimco, May 22, 2020 (HOL) - Dowladda Soomaaliya ayaa goor dambe oo caawo ah shaacisay inay berito tahay maalinta koowaad ee bisha Shawwaal iyo ciidul Fidri, iyada oo burisay go'aan horey ugasoo baxay caawo fiidkii oo lagu sheegayay in ay beri Soon tahay.

5/22/2020 11:29 AM EST
Jimco, May 22, 2020 (HOL) - Maxkamadda gobolka Benaadir ayaa qabatay dacwad uusoo gudbiyay Ururka Qaranka Suxufiyiinta Soomaaliyeed ee NUSOJ oo ka codsaday in maxkamaddu ay farto Xafiiska Xeer Ilaaliyaha Guud ee Qaranka in uu baaris ku sameeyo dilalka loo geystay in ka badan 50 suxufi oo Soomaaliya lagu dilay.

5/22/2020 7:37 AM EST
Jimco, May 22, 2020 (HOL) - Wakiilka Midowga Afrika ee Soomaaliya Francisco Madeira oo qudbad ka jeediyay kulankii golaha ammaanka ee Qaramada Midoobay ee looga hadlayay arrimaha Soomaaliya ayaa ka hadlay xaaladaha siyaasadeed ee Jubbaland iyo heshiis ay gaareen hogaanka Jubbaland iyo xubno kamid ah garabyada Mucaaradka Jubbaland.

5/22/2020 6:42 AM EST
Jimco, May 22, 2020 (HOL) - Dowladda Maraykanka ayaa ugu baaqday madaxweyne Farmaajo inuu sida ugu dhaqsaha badan uguna macquulsan u qabto kulanka Golaha Amniga Qaranka, si looga wada hadlo qorsheynta doorashada soo socota, iskaashiga amniga, iyo waxyaabaha kale ee mudnaanta leh ee qaranka.

5/22/2020 6:15 AM EST
Jimco, May 22, 2020 (HOL) - Madaxweyne Donald J. Trump ayaa mar kale sheegay hadallo adag oo xanaf leh oo ay dhibsan doonaan dalal badan oo uu kamid yahay Ruushka, kadib markii uu qeexay in waddankiisa uu ka bixi doono heshiis horay loo galay oo dhigayay in diyaaradaha aan hubeysneyn ay si xor ah ku gooshi karaan hawada dhinacyada heshiinkaan saxiixay.

5/22/2020 6:02 AM EST
Jimco, May 22, 2020 (HOL) - Wararka ka immaanaya gobolka Gedo ee koonfurta Soomaaliya ayaa waxay sheegayaan in xalay dagaal qaatay muddo ku dhowaad saacad ah uu dhex-maray ciidamada dowladda ee halkaasi jooga iyo Al-shabaab.

5/22/2020 5:28 AM EST
Jimco, May 22, 2020 (HOL) - Golaha ammaanka ee Qaramada midoobe ayaa ka hadlay xaaladda Soomaaliya , iyagoo warbixin ka dhageystay ergayga gaarka ah ee Jimciyadda quruumaha ka dhexeysa u qaabilsan Soomaaliya James Swan iyo safiirka midowga Afrika ee Soomaaliya Danjire Francisco Madera, waxayna ka hadleen labadaba arrimihii ugu dembeeyay Soomaaliya , sida doorashooyinka iyo dagaalladii u dhexeeyay ciidamada dowladda iyo Al-shabaab, si gaar ah kii Jannaale.

5/22/2020 5:06 AM EST
Jimco, May 22, 2020 (HOL) - Waxaa dalka Soomaaliya lagusoo celiyay muwaadiniin Soomaaliyeed oo ku xayirnaa illaa iyo seddex waddan kuwaasi oo uu saameeyay socdaal joojinta uu sababay xanuunka Coronavirus ee caalamka.