8/13/2020
Today from Hiiraan Online:  _
Wararka Maanta- Talaado, July 28, 2020
Baarlamanka Puntland oo dib u eegis ku sameynaya heshiiskii lala galay shirkadda DP World


 

Talaado, Luulyo 28, 2020 (HOL) - Kulan ay maanta yeesheen Baarlamanka Puntland ee Waqooyi bari Soomaaliya ayaa waxay uga hadleen arrimaha xudduudaha Dowlad Goboleedkaas, gaar ahaan Sool iyo Sanaag. Waxaana sidoo kale fadhigii maanta ay ku go'aaminyeen in ajendayaasha lagu daro la xisaabtanka golaha wasiirrada maamulkaas.

Fadhiga ay yeesheen Golaha wakiillada dowlad Goboleedka Puntland oo ahaa kii 27-aad oo ka tirsan Kalfadhigii 46-aad ee Baarlamanka, waxaa sidoo kale ajendaha doodad lagu daray in dib u eegis lagu sameeyo heshiiskii Puntalnd ay la gashay hay’adda dakadaha Dubai ee DP World  .

Ajandaha la xiriira dib u eegista heshiiska shirkadda DP World , ayaa waxa uu noqon doonaa kulanka berri uu yeelan doono Baarlamanka Puntland.

Dowlad Goboleedka Puntalnd ayaa waxay heshiis dhinaca dakadda Boosaaso ah horay ula gashay shirkadda DP World, taas uu horay loo amray iney isaga baxdo Soomaaliya, hase-ahaatee shirkaddan ayaa hadda ka shaqeysa Puntland iyo Somaliland.

Abdiaziz Ahmed Barrow, Hiiraan Online
[email protected]









Click here
7/28/2020 7:53 AM EST
Talaado, Luulyo 28, 2020 (HOL) - Saddex qof oo shacab ah ayaa ku dhaawacmay markii askari katirsan ciiddanka amniga Puntland uu rasaas ku furay dad shacab ah oo ka mudaharadaayay sare ukaca dollarka iyo maciishadaha.

7/28/2020 5:58 AM EST
Talaado, Luulyo 28, 2020 (HOL) - Beesha caalamka ayaa muujiyay walaacooda iyo rajada adag ee ay ka qabaan arrintii ka dhacday Baarlamaanka Federaalka, aysan wiiqi doonin dadaallada loogu jiro is-faham siyaasadeed oo wadar-ogol ah oo laga gaaro doorashooyin waqtiyaysan.

7/28/2020 4:54 AM EST
Talaado, Luulyo 28, 2020 (HOL) - Guddoomiyaha Xisbiga midowga Nabadda iyo hor’umarka “UPD” sidoo kalena horay usoo noqday madaxweynaha Jamhuuriyadda Soomaaliya Xasan Shiikh Maxamuud ayaa shir guddoomiyay kulan ay isugu yimaadeen mas’uuliyiinta dhinaca siyaasadda ugu sarreysa xisbigaas, iyagoo diiradda saaratay xaaladda waddanka uu marayo.

7/28/2020 4:25 AM EST
Talaado, Luulyo 28, 2020 (HOL) - Madaxweynaha Maamulka Galmudug ayaa ka tacsiyeeyay geerida ku timid Allaha U Naxariistee Xildhibaan Axmed Shiikh Yuusuf “Galti” oo ka tirsanaa Golaha Baarlamanka Galmudug oo ku geeriyooday magaalada Muqdisho.