10/25/2020
Today from Hiiraan Online:  _
Wararka Maanta- Sabti, Aug 22, 2020
Beledweyne: Taliyaasha Cusub ee Guutadda 5-aad oo xilalka kala wareegay Taliskii Hore




Sabti, Agoosto 22, 2020 (HOL) - Munnaasabad balaaran oo aay xilalka kula kala wareegayeen Taliyaha cusub ee loo soo magacaabay guutada 5-aad iyo Taliyahii hore ayaa maanta lagu qabtay magaalada Beledweyne ee xarunta gobolka Hiiraan.

Munnaasabadda xil wareejinta ayaa waxaa kasoo qeyb galay madax kala duwan oo ka kala socotay maamulka heer gobol iyo heer degmo iyo waliba sarakiil ka socotay Taliska Ciidamada AMISOM ee fadhigoodu yahay magaalada Beledweyne ee xarunta gobolka Hiiraan.

Taliyaha cusub ee guutada 5-aad Korneel Maxamed Xasan Ibraahin (Baakaay) ayaa si rasmi ah maanta xilkasi kala wareegay Taliyahii hore ee guutada Korneel Faarax Cali Waasuge (Faarax Kooshin)

Waxaa sidoo kale goobta xaflada xil wareejinta isna xilka kula wareegay Abaandulaha cusub ee guutada 5-aad Gaashaanle dhexe Cabdulaahi Barre Cilmi kaaso xilka kala wareegay Gashaan sarre Maxamed Cabdi Xasan Jeeri, oo ahaa Abaandulahi hore ee guutada 5-aad.

Taliskii hore ee maanta xilka wareejiyay ayaa goobta ka sheegen iney ku faraxsan yihiin xilka qaadista lagu sameyay ayna soo dhaweynayaan taliyaasha cusub ee lagu badalay ayna la shaqeyn doonaan.

Taliska cusub ee maanta xilalka la wareegay ayaa iyagana goobta uga mahad celiyay Taliyaashii ay xilalka kala wareegeen waxayna sheegeen iney aad ugu faraxsan yihiin shaqadan cusub ee loo igmaday.

Guddoomiyaha gobolka Hiiraan iyo saraakiisha ciidamada AMISOM oo goobta ka hadlayay ayaa taliyaasha cusub kula dardaarmay in looga fadhiyo shaqo wanaagsan oo cadaalad ku dheehan tahay.

Jamaal Cali Cabdi, Hiiraan Online
[email protected]














Click here
8/22/2020 12:12 PM EST
Sabti, Agoosto 22, 2020 (HOL) - Madaxweyne ku xigeenka Jubbaland Maxamuud sayid Aadan aya shaqadii ka joojiyay wasiirka wasaaradda xanaanada xoolaha dhirta iyo daaqa ee Jubbaland Maxamed Xasan Maxamed oo lagu eedeyay ku takrifal Maaliyadeed oo aan nidaamka maaliyadda Jubbaland waafaqsanayn.

8/22/2020 12:07 PM EST
Sabti, Agoosto 22, 2020 (HOL) - Maxkamada darajada koowaad ee gobolka Nugaal ayaa maanta xabsi shan sano ah iyo labo kun oo dollar oo ganaax lacageed ah ku riday haweenay lagu eedeeyay inay karin jirtay islamarkaana ka ganacsan jirtay maamdooriyaha qamriga ee loo yaqaan Calaqa.

8/22/2020 4:07 AM EST
Sabti, Agoosto 22, 2020 (HOL) - Xafiiska Xeer-ilaaliyaha Guud ee Qaranka ayaa Muqdisho ku qabtay kulan looga hadlayay sidii sharciyan loo xoojin lahaa joojinta tacdiyadaha ka dhanka jinsiga ( Kufsiga). waxaana si gaar diiradda loogu saaray sare u kaca ku yimid intii lagu guda jiray Xiyaraaddii COVID-19.

8/22/2020 3:40 AM EST
Sabti, Agoosto 22, 2020 (HOL) - Maareeyaha hay’adda duulista hawada Soomaaliya, Axmed Macalin oo ka qeyb galayay barnaamijka kulanka jimcaha ee telefishinka qaranka, ayaa sheegay diyaarad Qaad sidda in aysan cagta soo dhigi karin dhulka Soomaaliya.

8/22/2020 2:17 AM EST
Sabti, Agoosto 22, 2020 (HOL) - Ganacsatada Qaadka Kenya ayaa dowladdooda ugu baaqday inay suuqyo kuyaala qaaradda Afrika u raadiso ganacsiga Qaadka Miiroowga, si looga kaaftoomo baahida loo qabo Qaadka loo iib gayn jiray Soomaaliya.

8/22/2020 1:55 AM EST
Sabti, Agoosto 22, 2020 (HOL) - Puntland ayaa soo bandhigtay maxaabiis katirsan Al-shabaab iyo hubkooda, kuwaas oo lagu qabtay dagaal xoogan oo shalay Al-shabaab kusoo qaadeen saldhig ay leeyihiin ciidanka daraawiishta Puntland oo kuyaala Aaga Calmadow.

8/22/2020 1:51 AM EST
Sabti, Agoosto 22, 2020 (HOL) - Tiro hoobiyeyaal ah ayaa xalay lagu garaacay xaafadda Howlwadaag ee magaalada Beledweyne, gaar ahaan Saldhiga ay ku leyihiin Taliska Ciidamada Jabuuti xaafadda Howlwadaag.

8/22/2020 1:32 AM EST
Sabti, Agoosto 22, 2020 (HOL) - Maamulada Puntland iyo Jubbaland ayaa soo saaray war murtiyeed ay ku midaysan yihiin oo ay kagasoo horjedaan natiijada kasoo baxday shirkii magaalada Dhuusomareeb.